ฟีลิปปี 2:3 - พระคริสตธรรมคัมภีร ภาคพันธสัญญาใหม

³ ห้าม​เยียะ​สิ่ง​ต่างๆ อย่าง​หัน​แก่​ตั๋ว​กาว่า​อวด​ตั๋ว แต่​หื้อ​มี​ใจ๋​ถ่อม​กับ​ถือ​ว่า​คน​อื่น​ดี​กว่า​ตั๋วเก่า

ฟีลิปปี 2:3 Cross References

ลูก๋า 18:14

เฮา​บอก​ต้าน​ตังหลาย​ว่า เมื่อ​ปิ๊ก​บ้าน​คน​เก็บ​ภาษี​คน​นี้​ละ​เป๋น​คน​ตี้​พระเจ้า​ยก​โต้ษ​บาป​หื้อ บ่ใจ้​ฟาริสี ย้อน​ว่า​กู้​คน​ตี้​ยก​ตั๋ว​ขึ้น​จะ​ถูก​เต็ก​หื้อ​ต่ำ​ลง ส่วน​คน​ตี้​ถ่อม​ตั๋ว​ลง​ก็​จะ​ได้ฮับ​ก๋าน​ยก​ขึ้น”

โรม 12:10

หื้อ​ฮัก​กั๋น​เหมือน​ปี้​เหมือน​น้อง หื้อ​ยินดี​ยกย่อง​หื้อ​เกียรติ​กั๋น

โรม 13:13

หื้อ​หมู่​เฮา​ใจ๊​จีวิต​หื้อ​สม​กับ​เป๋น​คน​ตี้​อยู่​ใน​ความ​เป่งแจ้ง บ่ใจ้​กิ๋น​เลี้ยง​เมา​เหล้า​กั๋น บ่ใจ้​เยียะ​บาป​ตาง​เพศ​กับ​ลามก บ่ใจ้​ผิดหัว​กั๋น​กับ​ขอย​กั๋น

โรม 2:8

แต่​พระเจ้า​จะ​โขด​กับ​ลงโต้ษ​คน​ตี้​หัน​แก่​ตั๋ว​กับ​บ่ยอมฮับ​ความ​จริง​แต่​เยียะ​บ่ดี​แตน

1 โครินธ์ 15:9

ย้อน​ว่า​ข้าพเจ้า​เป๋น​ผู้​ตี้​ต่ำต้อย​ตี้​สุด​ใน​หมู่​อัครทูต ข้าพเจ้า​บ่สมควร​ได้​จื้อ​ว่า​เป๋น​อัครทูต ย้อน​ว่า​ข้าพเจ้า​ได้​ค่ำ​คน​ของ​พระเจ้า

1 โครินธ์ 3:3

ย้อน​หมู่​ต้าน​ยัง​ใจ๊​จีวิต​ต๋าม​โลก​นี้​อยู่ คือ ขอย​กั๋น ผิดหัว​กั๋น เซิ่ง​เยียะ​หื้อ​ฮู้​ว่า​หมู่​ต้าน​ยัง​ใจ๊​จีวิต​อย่าง​คน​บาป​ทั่วไป​อยู่​บ่ใจ้​กา

2 โครินธ์ 12:20

ย้อน​ข้าพเจ้า​กั๋ว​ว่า เมื่อ​ข้าพเจ้า​ไป​เถิง หมู่​ต้าน​จะ​บ่เป๋น​เหมือน​อย่าง​ตี้​ข้าพเจ้า​ใค่​หื้อ​เป๋น กับ​ข้าพเจ้า​ก็​บ่ได้​เป๋น​อย่าง​ตี้​หมู่​ต้าน​ใค่​หื้อ​ข้าพเจ้า​เป๋น​เหมือน​กั๋น คือ​กั๋ว​ว่า​หมู่​ต้าน​จะ​ผิด​จะ​เถียง​กั๋น ขอย​กั๋น โขด​กั๋น แตกแยก​กั๋น ใส่​ฮ้าย​ป้าย​สี​กั๋น เล่าขวัญ​กั๋น หยิ่ง​จ๋องหอง​กั๋น กับ​มี​แต่​ความ​วุ่นวาย​สะป๊ะ

กาลาเทีย 5:15

แต่​ถ้า​ยัง​ขบ​หัว​กั๋น​อยู่ หื้อ​หละวัง​ตั๋ว​หื้อ​ดี​เน่อ กำ​เดียว​จะ​ปา​กั๋น​วอด​วาย​ตึง​หมด

กาลาเทีย 5:26

หมู่​เฮา​บ่ดี​อวด​ตั๋ว บ่ดี​ยั่ว​หื้อ​โขด​กั๋น กับ​บ่ดี​อิจฉา​ขอย​ก๋วน​คน​อื่น​เน่อ

เอเฟซัส 4:2

หื้อ​ถ่อมใจ๋ อ่อนน้อม กับ​อดทน​ต่อ​กั๋น​โดย​ความ​ฮัก

เอเฟซัส 5:21

หื้อ​หมู่​ต้าน​เจื้อฟัง​กั๋น ย้อน​หมู่​ต้าน​เคารพ​ยำเก๋ง​พระคริสต์

ฟีลิปปี 2:14

หื้อ​เยียะ​กู้​สิ่ง​กู้​อย่าง​โดย​บ่จ่ม​หื้อ​กั๋น​กับ​บ่เถียง​กั๋น

โคโลสี 3:12

ย้อนจาอั้น​เมื่อ​พระเจ้า​ได้​เลือก​ต้าน​เป๋น​คน​ของ​พระองค์ เป๋น​ผู้​บริสุทธิ์​ตี้​พระองค์​ฮัก ก็​หื้อ​เป๋น​คน​มี​เมตต๋า กรุณา ถ่อมใจ๋ อ่อนน้อม​ถ่อมต๋น กับ​อดทน

โคโลสี 3:8

แต่​บ่าเดี่ยวนี้​หื้อ​ต้าน​ขว้าง​สิ่ง​หมู่​นี้​หื้อ​หมด คือ ก๋าน​โขด ก๋าน​โมโห ก๋าน​กึ๊ดฮ้าย ก๋าน​ใส่​ฮ้าย​ป้าย​สี กับ​กำหยาบ​ตี้​ออก​มา​จาก​ปาก

1 ทิโมธี 6:4

คน​นั้น​ก็​เป๋น​คน​จ๋องหอง เป๋น​คน​บ่เข้าใจ๋​อะหยัง​สัก​อย่าง เป๋น​คน​ซอบ​ผิดเถียง​กั๋น​ใน​ก๋าน​ตี๋​ความหมาย​ของ​กำ​ต่างๆ นัก​ล้ำไป เยียะ​หื้อ​เกิด​ก๋าน​ขอย​กั๋น ก๋าน​ผิดเถียง​กั๋น ก๋าน​ใส่​ฮ้าย​กั๋น ก๋าน​บ่ไว้​วางใจ๋​กั๋น

1 เปโตร 3:8

สุดต๊าย​นี้ ขอ​หื้อ​หมู่​ต้าน​เป๋น​น้ำ​นึ่ง​ใจ๋​เดียว​กั๋น หันอกหันใจ๋​กั๋น ฮัก​กั๋น​เหมือน​ปี้น้อง มี​ใจ๋​เมตต๋า​กับ​ฮู้จัก​ถ่อมใจ๋

1 เปโตร 5:5

ส่วน​คน​ตี้​อายุ​หน้อย​ก็​เหมือน​กั๋น หื้อ​เจื้อฟัง​ผู้ปกครอง​คริสตจักร แต่​แต๊ๆ กู้​คน​ก็​ต้อง​ถ่อม​ตั๋ว​ถ่อมใจ๋​ฮับใจ๊​กั๋น​เหมือน​ตี้​พระคัมภีร์​มี​เขียน​ไว้​ว่า “พระเจ้า​ต่อต้าน​คน​ตี้​หยิ่ง​จ๋องหอง แต่​ปั๋นปอน​คน​ตี้​ถ่อมใจ๋”