Filipifɔ 4:8 - Bulu Ntam Pɔpwɛ mʋ́a Israel Ɩlʋ

⁸ Ɩtrahɛ a, mɩ apio, mlɩpʋ mlɩ agywɩɩn dɩnka tɔá igyi ɔnɔkwalɩ, tɔá ɩbɛ́tɩ obú, tɔá ɩda ɔkpa, tɔá mʋ́ ɩwɩ lɛtɩn, tɔá itegyi aha ansɩ pʋ́ tɔá aha bɛ́kanfʋsʋ. Mlɩgywɩɩn tɔá ɩbʋ alɛ, aha bʋtɛkanfʋ aná ɩwɩ.

Filipifɔ 4:8 Cross References

Israelfɔ Ɩlʋ 82:2

Ɔbɛɛ, “Ɔmɛnkɛ mlési asʋn lalahɛ gyi, mlési lalahɛ abwɛpʋ ansɩtɔ kɩ gyi asʋn ha amʋ́?” Ɩya.

Mateo 22:16

Mʋ́ sʋ bɔwa amʋ́ akasɩpʋ pʋ́ Owie Herode aha Yesu wa bɛɛ, bʋyɛfɩtɛ mʋ bɛɛ, “Osunapʋ, anɩyin ánɩ́ ɔnɔkwalɩpʋ fʋgyi, fʋtosuna Bulu asʋn amʋ ɛ ɔnɔkwalɩsʋ. Fʋtamaha ɔhaa ɔtsɛ fʋ agywɩɩn, tsufɛ fʋtamakɩ ɔhaa ansɩtɔ.

Marko 6:20

Herode yin ánɩ́ Yohane asʋn da ɔkpa, ogyi ɔha wankɩhɛ. Mʋ́ sʋ olenya mʋ ifu, ɔlɛkɩ mʋsʋ wanklaan ánɩ́ tɔtɔ mɔ́ɔbwɛ mʋ. Ɩbʋ mʋ́tɔá Yohane asʋn blɩhɛ tɛhan Herode, tamɛ otekle mʋ́ nu.

Luka 16:15

Ɩnʋ Yesu lɛbla amʋ́ ɔbɛɛ, “Mlɩtɛlɛ ɩwɩ suna ánɩ́ aha yile mlɩgyi aha ansɩtɔ, tamɛ Bulu mʋ́ yin mlɩ klʋntɔ. Tsufɛ tɔá nyankpʋsa tɛkɩá ɩbʋ labi igyi Bulu akisitɔ.

Luka 2:25

Alɩ brɛ amʋtɔ a, oyin dɛhɛn ɔkʋ bʋ Yerusalem, bʋtɛtɩ mʋ Simeon. Yile ɔbwɛpʋ ogyi, otenya Bulu ifu. Ɔŋɛ Wankɩhɛ bʋ mʋsʋ, otsie ogyo brɛá Bulu ɔbɔ́pʋ Ɔlɛpʋ ba mʋ aha Israelfɔ.

Luka 23:50

Oyin ɔkʋ letsia, bʋtɛtɩ mʋ Yosef. Otsu Yuda wulu kʋá bʋtɛtɩ mʋ́ Arimateatɔ. Ɔha yile ogyi, obú ɛ bʋ mʋsʋ. Ɩbʋ mʋ́tɔá ɔbʋ ɔmá amʋtɔ asʋn agyipʋtɔ, tamɛ omotsula dɩnka amʋ́ agywɩɩn pʋ́ amʋ́ bwɛhɛ anfɩsʋ. Otsie ogyo Bulu iwiegyi amʋ.

Yohane 7:18

Ɔha ánɩ́ ɔdɛ mʋ onuto asʋn blɩ dɛ mʋ numnyam dunka. Tamɛ nɩ ɔkʋ todunka numnyam ha ɔha ánɩ́ ɔlɔwa mʋ sɩsɩ a, ɔnɔkwalɩpʋ ɔha amʋ gyi. Ɔtamawa afunu.

Gyumagyihɛ 10:22

Aha amʋ bɛlɛ mʋ́ ɔnɔ bɛɛ, “Anɩmɛdɛ tsitsa. Ɩsa akɔpʋ ɔhandɛ Konelioá otenya Bulu ifu, Yudafɔ fɛ́ɛ́ bʋtɛtɩ mʋ ɩdayile lɔwa anɩ fʋ wa. Bulu-ɔbɔpʋ ɔkʋ labɛbla mʋ ɔbɛɛ, ɔba bɛtɩ fʋ afʋba mʋ woyitɔ, mɛnɩ obónu asʋn ánɩ́ fʋbʋ blɩ.”

Gyumagyihɛ 22:12

“Oyin ɔkʋá bʋtɛtɩ mʋ Anania, otenya Bulu ifu bʋ wulu amʋtɔ. Otegyi Mose mbla amʋsʋ wanklaan. Mʋ́ sʋ Yudafɔá bʋbʋ wulu amʋtɔ fɛ́ɛ́ bʋtɛtɩ mʋ ɩdayile.

Gyumagyihɛ 6:3

Ɩnɩ sʋ apio, mlɩkɩ mlɩtɔ amlɩlɛ aha abasienɔá obú bʋ amʋ́sʋ, Ɔŋɛ Wankɩhɛ mʋ́a nyansa ɩtsɔ amʋ́tɔ. Fówun apʋ amʋ́ lɩɩ atɔtɔye ɔnɔ,

Romafɔ 13:13

Mlɩha anɩ tsiatɔ ɩbwɛ fɛ aha ánɩ́ bʋtsie wankɩtɔ. Mlɩmáha ayinta anɩ brɛ yetsia ɔdwɛ ogyikpa, anɩdɛ atɔ dɛdɛ gyi, anɩdɛ nta nun bʋ. Anɩmáwa atsɩ mʋ́a ayin asʋn. Anɩmáwa ɔnsɩpɛ, anɩmátrɛ kɔ.

Romafɔ 13:3

Tsufɛ ɔmá akpapʋ bʋmegya yile abwɛpʋ, lalahɛ abwɛpʋ bʋgya. Mʋ́ sʋ nɩ fʋmedekleá fʋnya ɔmá akpapʋ ifu a, mʋmʋ bwɛ yile abʋkanfʋ fʋ.

Romafɔ 14:18

Ɔhagyiɔha ánɩ́ otosum Kristo ɔkpa anfɩsʋ a, mʋ asʋn tegyi Bulu ansɩ. Aha ɛ bʋtobu mʋ.

Romafɔ 2:29

Nɩ ɔkʋ gyi Yudayin onutonuto a, mʋ klʋntɔ tosuna. Ketetɩn onuto itsu klʋntɔ. Bulu Ɔŋɛ amʋ tɔbwɛ mʋ́, megyi mbla amʋʋ bɔwanlɩn tswɩ amʋsʋ gyi. Ɔha ánɩ́ Bulu Ɔŋɛ amʋ ɩlɛtɩn mʋ kete a, Bulu onuto tɛkanfʋ mʋ, megyi nyankpʋsa.

1 Korintofɔ 4:5

Ɩnɩ sʋ mlɩmákɔsɩ lɛ mlɩ aba ɩla, kpɛfʋn anɩ Wie ɔbakɛ amʋ. Mʋ ɔbɔ́wankɩ wʋlɩ okluntɔ atɔsʋ, lɛ anɩ agywɩɩn ɔwan, asa Bulu ɔbɛ́kanfʋ ɔhagyiɔha alɩá ilehian nɩ.

2 Korintofɔ 13:7

Anɩdɛ Bulu kokoli anɩaa, mlɩmátra bwɛ lalahɛ kʋkʋ. Megyi alɩá ibósuna ánɩ́ anɩgyi Kristo ahogyipʋ onuto sʋ. Tamɛ nɩ aha bʋdɛkɩ bɛɛ megyi Kristo ahogyipʋ onuto anɩgyi o a, ɔha mlɩ mʋ́ amlɩbwɛ tɔá ɩda ɔkpa.

2 Korintofɔ 6:8

Akʋ bʋtobu anɩ, akʋ ɛ bʋtɔsʋpa anɩ. Akʋ bʋtɛkanfʋ anɩ, akʋ ɛ bʋtɔkpɔɩ anɩ. Anɩ asʋn da ɔkpa, tamɛ bʋdɛ anɩ bu afunupʋ.

2 Korintofɔ 8:18

Anɩdɛ mʋa opio ɔkʋ wa sɩsɩ mlɩ. Ɔpasua amʋ fɛ́ɛ́ bʋdɛ mʋ kanfʋ, asʋn wanklaan amʋ ɔkan da sʋ.

2 Korintofɔ 8:21

Tɔá anɩdesusu gyi, alɩá abɔ́bwɛ mʋ́á ɩda ɔkpa Bulu mʋa anyankpʋsa fɛ́ɛ́ ansɩtɔ.

Galatiafɔ 5:22

Tamɛ nɩ Ɔŋɛ Wankɩhɛ amʋ dɛ anɩ kpa a, mʋ́ abi swiehɛá ibétsia anɩtɔ gyi, ɔdwɛ, ansigyi, iwilwii, ɩklʋnya, awɩtɔlɛ, yilebwɛ, ɔnɔkwalɩ,

Efesofɔ 4:25

Mʋ́ sʋ mlɩtɔ okugyiɔkʋ ɔmátra wa afunu. Ɔhagyiɔha ɔbla mʋ ba Okristoyin ɔnɔkwalɩ. Tsufɛ anɩ fɛ́ɛ́ anɩgyi nyankpʋsa-oyi ɔkʋlɛ amʋ ɩwɩ atɔ.

Efesofɔ 5:9

Tsufɛ ɔha ánɩ́ ɔbʋ wankɩtɔ tɔbwɛ yile. Mʋ asʋn da ɔkpa, ɔbʋ ɔnɔkwalɩ.

Efesofɔ 6:14

Mʋ́ sʋ mlɩkʋsʋ, amlɩda ɩwɩsʋ. Ɔnɔkwalɩwa ɩbwɛ ɔfɛá ɩklɩ mlɩ osiesʋ. Yilebwɛ ɩbwɛ mlɩ kantɔ-atintɔ.

Filipifɔ 3:1

Ɩtrahɛ a, mɩ apio, anɩ Wie sʋ mlɩnya ansigyi. Ɩmɔkʋkpɔn mɩá nɛ́tra wanlɩn asʋn kuakʋlɛ anfɩ sɩsɩ mlɩ. Igyi asʋn ánɩ́ ɩbɛ́kpa mlɩ ɛ.

Kolosefɔ 4:5

Mlɩkɩ mlɩ natɩtɔ ɔmátɔfɔtɔ. Nɩ ɔkpa ifinki ha mlɩ a, mlɩmáyinta mʋ́.

1 Tesalonikafɔ 4:12

mɛnɩ mlɩa aha ánɩ́ bʋmegyi ahogyipʋ mlétsia wanklaan, mlɩmɛ́ɛtra pʋ ansɩ dɩnka ɔhaasʋ.

1 Timoteo 2:2

Ilehian ánɩ́ mlɔ́bwɛ mʋ́ alɩ ha awie pʋ́ ahandɛ ɛ, mɛnɩ asʋtɔ bólwii anɩ, abétsia iwilwiitɔ, atalɩ sum Bulu ɔkpagyiɔkpasʋ.

1 Timoteo 3:11

Alɩ kɛn mʋ ka ɛ ɔbwɛ ɔtsɩá obú bʋ mʋsʋ, ɔtamablɩ aha ɩwɩ asʋn lalahɛ, otegyi ɩwɩsʋ, ɔbʋ ɔnɔkwalɩ togyitɔtɔ nɩ.

1 Timoteo 3:4

Ɔbwɛ ɔha ánɩ́ ɔtɛkɩ mʋ woyisʋ wanklaan, mʋ abi bɛba ɩwɩasɩ, bʋtobu mʋ ɔkpagyiɔkpasʋ.

1 Timoteo 4:12

Máha ɔhaa obu fʋ kebi. Mboun fʋ tɔɩtɔ, fʋ nkpatsiatɔ, fʋ ahadwɛ, fʋ Bulu hogyi pʋ́ fʋ ɩwɩtɩn ɩbwɛ atosuanhɛ ha amʋ́.

1 Timoteo 5:10

Ɔbwɛ ɔha ánɩ́ aha bʋyin ánɩ́ ɔlɔbwɛ yile, fɛ abisʋkɩ, afɔɔhɔ, olosum Bulu aha, ɔtɔbʋa aha ánɩ́ bʋdɛ ɩwɩɔsɩn wun, ɔlɔbwɛ agyʋma wanklaan kugyikʋ.

1 Timoteo 5:2

Kɩta atsɩ dɛhɛn amʋ fɛ fʋ yin, afʋkɩta mbitebi amʋ ɛ fɛ fʋ apio tsɩhɛ. Máwa amʋ́ mba.

Tito 1:8

Mboun ɔbwɛ ɔha ánɩ́ ɔtɔhɔ afɔɔ, ɔtɔbwɛ yile, ɔbʋ nyansa, mʋ asʋn da ɔkpa, mʋ ɩwɩ lɛtɩn, otegyi ɩwɩsʋ.

Tito 2:14

Mʋlotsula bɔmɔ mʋ anɩ sʋ, mɛnɩ ɔbɛ́lɛ anɩ tsu lakpan kugyikʋtɔ. Ɔtɩn anɩ ɩwɩ, pʋ anɩ bwɛ mʋ onuto aha, anɩ ansɩ ɩpɛ yilebwɛsʋ.

Tito 2:2

Suna ayin dɛhɛn amʋ abʋgyi ɩwɩsʋ, abʋbwɛ aha ánɩ́ obú bʋ amʋ́sʋ, bʋtegyi ɩwɩsʋ. Bʋhɩɛ kɩta amʋ́ hogyitɔ kinkiinkin. Bʋdwɛ aha wanklaan, abʋhɩɛ tomi.

Tito 2:7

Fʋ onuto ɛ bɔ mbɔdɩ afʋlɛ tsiatɔ wanklaan suna, fʋ bwɛhɛ kugyikʋtɔ. Ha fʋ ansɩ ɩpɛ, afʋsuna ɔnɔkwalɩ asʋn amʋ tsu fʋ klʋntɔ.

Tito 3:14

Ha anɩ pɩ amʋ ɛ abʋbɩ alɩá bʋtɔbʋa aba agyʋma yɔ wanklaan, mɛnɩ bɛ́talɩ kɩ aha ánɩ́ bʋma tɔtɔsʋ. Fówun bʋmɔ́ɔbwɛ aha ánɩ́ amʋ́ ɩwɩ mɔwa labi.

Hebrifɔ 11:2

Aha amʋʋ betsia bɩmbɩ amʋ hogyi sʋ Bulu ansɩ legyi amʋ́ ɩwɩ.

Hebrifɔ 13:18

Mlɩtsia bɔ mpaɩ ha anɩ. Nyin ánɩ́ anɩ klʋn mɛdɛ anɩ pɔn ha, tamɛ anɩdekleá abétsia tsiatɔ wanklaan bregyibrɛ.

Yakobo 1:27

Bulusum oduá mʋ́ ɩwɩ lɛtɩn, asʋansʋ ma mʋ́ ɩwɩ, anɩ Sɩ Bulu tekle gyi, mlɛ́kɩ awumbi mʋa asʋrapʋsʋ amʋ́ ɩkplantɔ. Mlɛ́kɩ ánɩ́ ɔyɩ anfɩtɔ lakpanbwɛ ɛ iméegyi mlɩsʋ.

Yakobo 3:17

Tamɛ ɔha ánɩ́ mʋ nyansa itsu ɔsʋsʋ a, gyankpapʋ, mʋ ɩwɩ lɛtɩn. Ololwii, ɔtɔdwɛ aha, ɔtɛba ɩwɩasɩ. Otowun aha nwɛ, ɔtɔbwɛ yile. Ɔtamafuti fɩtatɔ kɩ, ɔtɔbwɛ atɔ tsu mʋ klʋntɔ.

1 Petro 1:22

Mlɩlagyi dɩnka ɔnɔkwalɩ amʋʋ ɩbʋ Kristotɔ amʋsʋ. Mʋ́ sʋ mlɩlatɩn mlɩ ɩwɩ ha Bulu, mlɩdɛ aba dwɛ fɛ apio. Megyi ansɩtɔ-ɔdwɛ mlɩdɛpʋha aba. Mlɩyɔ mʋ́sʋ amlɩdwɛ aba wanklaan tsu mlɩ klʋntɔ.

1 Petro 2:12

Ɩnɩá mlɩa ɔmátɔfɔ tsie sʋ a, mlɩtsia tsiatɔ wanklaan, mɛnɩ nɩ bʋdɛblɩ bɛɛ mlɩ tsiatɔ ɩma alɛ a, bówun mlɩ yilebwɛ. Fówun bɛ́kanfʋ Bulu ɛkɛ amʋʋ ɔbɛ́ba bɛkɩ amʋ́ gyumagyihɛ amʋ.

1 Petro 4:8

Mʋ́á ɩdʋn mʋ́ fɛ́ɛ́ gyi, mlɩdwɛ aba tsu mlɩ klʋntɔ. Tsufɛ ɔdwɛ anfɩ odu ɔbɛ́ha mlɛ́talɩ si aha lakpan kie amʋ́ nɩ.

2 Petro 3:1

Mɩ apio adwɛpʋ, ɩnɩgyi ɔwʋlʋ nyɔsɩá ndɛwanlɩn sɩsɩ mlɩ nɩ. Ndɛpʋ nwʋlʋ anyɔ anfɩ kaɩn mlɩ, mɛnɩ mlɔ́gywɩɩn mʋ́ ɩwɩ wanklaan.

1 Yohane 3:18

Mɩ abi adwɛpʋ, nɩ igyi alɩ a, mlɩmápʋ ɔnɔkpan dwɛ aba. Mboun mlɩha apʋ anɩ bwɛhɛ pʋ́ ɔnɔkwalɩ dwɛ aba.

1 Yohane 3:3

Ɔhagyiɔha ánɩ́ ɔdɩn ansɩá mɛlɩan mʋ tɛha mʋ ɩwɩ tɛtɩn, fɛ alɩá mʋ ɩwɩ lɛtɩn.

1 Yohane 4:1

Apio adwɛpʋ, mlɩmáhɔ aha fɛ́ɛ́á bɛɛ, bʋbʋ Ɔŋɛ Wankɩhɛ amʋ asʋnsʋ gyi. Mboun mlɩsɔ ɔŋɛ amʋʋ bʋdɛpʋsuna atɔ amʋ kɩ. Tsufɛ Bulu ɔnɔsʋ atɔɩpʋ afunupʋ tsɔtsɔɔtsɔ babʋla ɔyɩ anfɩtɔ.