Filipifɔ 4:5 - Bulu Ntam Pɔpwɛ mʋ́a Israel Ɩlʋ

⁵ Mlɩha ɔhagyiɔha owun ánɩ́ mlɩlolwii. Anɩ Wie ɩbabɩ lafʋn.

Filipifɔ 4:5 Cross References

Mateo 6:25

“Mʋ́ sʋ ndɛ mlɩ bla mbɛɛ, mlɩmáhan ɩwɩ tɔá mlégyi, tɔá mlónun tsia nkpa pʋ́ tɔá mlɛ́dɩda sʋ. Mbɛɛ, nkpa medehian dʋn atogyihɛ? Ntɛ ɔyʋlʋ medehian dʋn atɔ dɩdahɛ?

Mateo 6:34

Mlɩmásusu ɔkɛ ɩwɩ. Ɔkɛtɔ asʋn igyi ɔkɛ klɛ. Ekekegyiɛkɛtɔ asʋn wunhɛ ɩtsɔ ha ɛkɛ amʋ.

Luka 21:34

“Mlɩkɩ wanklaan, mɛnɩ opotsuawa, ntabʋ pʋ́ ɔyɩtɔ atɔ ɔmagya méegyi mlɩ agywɩɩnsʋ. Mɛnɩ mɩ, Nyankpʋsa-Mʋ-Bi anfɩ ɔbakɛ amʋ mɛ́ɛbɛkɩta mlɩ fɛ yibi.

1 Korintofɔ 16:22

Nɩ ɔkʋ tamadwɛ anɩ Wie Yesu a, ɩlwɩɩ dɩn mʋsʋ! Marana-ta! (Mʋ́ asɩ gyi, “Anɩ Wie, ba!”)

1 Korintofɔ 6:7

Alɩ amʋʋ asʋn ɩbʋ mlɩ Akristofɔ wʋlɛwʋlɛ nsɩnɛ amʋ kʋraa ilosuna ánɩ́ mlɩlagyi pɔn dodo. Ntogyi sʋ mlɩ ba ɔpʋ ɩla gyi mlɩ, ntɛ osisi mlɩ mlɩméesikie?

1 Korintofɔ 8:13

Mʋ́ sʋ nɩ tɔá négyi ɩbɛ́ha mɩ pio Okristoyin ɔbɔ́bwɛ lakpan a, mméetepi tra gyi iye ɛkɛkɛɛkɛ, mɛnɩ ɩmɛ́ɛha mʋ ɔdɩda.

1 Korintofɔ 9:25

Ɔsrɩ otsiipʋ okugyiɔkʋ tɛkɩta ɩwɩ, mɛnɩ ɔbɛ́srɩ pʋhɔ ɩda ánɩ́ ɩtamatsia yɔ. Tamɛ anɩ mʋ́ anɩdɛ ɩnɩ bwɛ, mɛnɩ abɔ́hɔ ɩda ánɩ́ ɩmɔ́ɔfwɩ ɛkɛkɛɛkɛ.

2 Korintofɔ 10:1

Ɩbʋ mʋ́tɔá mlɩtɔ akʋ mlɩtɛblɩ mlɩaa, nɩ mbʋ mlɩ wa a, mɩ asʋn lolwii, tamɛ ntɔwanlɩn mɩ nwʋlʋ tumisʋ. Tamɛ mɩ Paulo ndɛ mlɩ kokoli mbɛɛ, mlɩpʋkɩ alɩá Kristo asʋn lolwii, ɔlɛba ɩwɩasɩ.

Tito 3:2

Bʋmáblɩ ɔhaa ɩwɩ asʋn lalahɛ, bʋmágyi nwɛn ɛ. Mboun bʋbwɛ aha ánɩ́ bolwii, abʋba ɩwɩasɩ ha ɔhagyiɔha.

Hebrifɔ 10:25

Mlɩmáha asi anɩ ofiakpa yɔ, fɛ alɩá akʋ bʋdɛbwɛ. Mboun mlɩha atra wa aba ɔwʋnlɩn tsɩa. Tsufɛ mlɩdewun ánɩ́ anɩ Wie ɔbakɛ amʋ ɩdɛkpʋkpɛ ba.

Hebrifɔ 10:37

Tsufɛ bɔwanlɩn wa Bulu asʋn wanlɩnhɛ amʋtɔ bɛɛ, “Iméegyi nkɛ kʋkʋ Bulu obówotii. Ɔmɔ́ɔwa ɔpá.

1 Petro 1:11

Kristo Ɔŋɛ letsia Bulu ɔnɔsʋ atɔɩpʋ anfɩtɔ, tsia suna amʋ́, bɛblɩ yaɩ alɩá Kristo obówun ipian. Mʋ́ ɔma a, numnyam kpɔnkpɔɔnkpɔntɩ bɛ́ba. Mʋ́ sʋ besen ansɩtɔ ánɩ́ bɛbɩ brɛá nkpahɔ anfɩ ɩbɛ́ba pʋ́ ɔha oduá ɩbɔ́tsʋn mʋsʋ ba.

1 Petro 4:7

Togyitɔ ɔnɔmɔ lafʋn ta. Mʋ́ sʋ mlɩkɩta ɩwɩ, amlɩha mlɩ agywɩɩntɔ ɩdɩ, mɛnɩ mlɛ́talɩ bɔ mpaɩ.

Atɔ Lɛsunahɛ 22:20

Ɔha amʋʋ ɔdɛ ntobi anfɩ ɩwɩ adansɩɛ gyi ɔnɔkwalɩsʋ amʋ ɔbɛɛ, “Ee! Ɩmɔ́ɔwa ɔpá nɛ́ba!” Amen! Owie Yesu, ba!

Atɔ Lɛsunahɛ 22:7

“Kɩ! Ɩmɔ́ɔwa ɔpá nɛ́ba! Ɔwʋlʋ anfɩtɔ asʋn bɛ́ba mʋ́tɔ. Mʋ́ sʋ Bulu obóyula ɔha ánɩ́ olegyi mʋ́ fɛ́ɛ́sʋ!”