Filipifɔ 4:3 - Bulu Ntam Pɔpwɛ mʋ́a Israel Ɩlʋ

³ Mɩ agyʋmayɔba onuto, ndɛ fʋ ɛ kokoli mbɛɛ, fʋtɔɩ kpla amʋ́ abʋbwɛ kʋlɛ. Tsufɛ bawa nsi tsa mɩa Klement pʋ́ atrahɛ amʋ anɩlada asʋn wanklaan amʋ ɔkan. Bulu lawanlɩn amʋ́ ada wa nkpa ánɩ́ ɩtamata atsiapʋ ɔwʋlʋtɔ.

Filipifɔ 4:3 Cross References

Israelfɔ Ɩlʋ 69:28

Tsitsi amʋ́ ada lɛ nkpa ɔwʋlʋtɔ. Amʋ́ ada mátsia yile abwɛpʋ ɔwʋlʋ anfɩtɔ.

Luka 10:20

Tamɛ ansɩ magyi mlɩ ánɩ́ ɔŋɛ lalahɛ labu mlɩ. Mboun ansɩ igyi mlɩ ánɩ́ Bulu lawanlɩn mlɩ ada tswɩ ɔsʋsʋ.”

Romafɔ 12:1

Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ.

Romafɔ 16:12

Nɛha Trifaina mʋa Trifosa, bʋgyi atsɩ amʋʋ bʋdɛ Kristo agyʋmatɔ kinkiinkin amʋ tsia. Nɛha mɩ ɔdwɛpʋ tsɩhɛ Persi, ɔdɛ Kristo agyʋma yɔ kinkiinkin amʋ ɛ tsia.

Romafɔ 16:9

Nɛha anɩ Kristo agyʋma ɔyɔba Urbano mʋa mɩ nyawie klakla Staki tsia.

Filipifɔ 1:12

Mɩ apio, ilehian ánɩ́ mlɛ́bɩá ɩkplan anfɩ ɩlatʋ mɩ anfɩ laha asʋn wanklaan amʋ laklɛɩ tsɩa.

Filipifɔ 1:16

Alɩ aha anfɩ bʋdɛpʋ mɩ ɩwɩ ɔdwɛ da asʋn wanklaan amʋ ɔkan. Tsufɛ bʋyin ánɩ́ Bulu lɔpʋ mɩ ba nfɩá mbɛprɩ mʋ asʋn amʋ nwun.

Filipifɔ 1:27

Tɔá idehian sei gyi, mlɩha mlɩ tsiatɔ ɩkana Kristo asʋn wanklaan amʋ. Mʋmʋ nɩ nɛba mlɩ wa o, mmɛba o, nónuá mlɩlɩɩ kinkiinkin ɩkʋlɛbwɛtɔ; mlɩdɛ hogyi amʋʋ ɩbʋ asʋn wanklaan amʋtɔ amʋ ɛ nwun prɩ.

Filipifɔ 1:5

Tsufɛ tsu ɛkɛá mlɩlɔtsɔ asʋn wanklaan amʋ nu a, mlɩdɛ anɩ tsa anɩdɛ mʋ́ ɔkan da bɔtʋ ndɛ.

Filipifɔ 1:7

Ɩlɛkana ánɩ́ nósusu mlɩ fɛ́ɛ́ ɩwɩ alɩ, tsufɛ ntɛhɩɛ dwɛ mlɩ. Ɩnɩá nda obu, ntɛ ndɛkɔ asʋn wanklaan amʋ nwunsʋ, mlɩlɩɩ mɩ ɔma a, anɩ fɛ́ɛ́ Bulu dɛ bʋalɛ gyi.

Filipifɔ 4:2

Ndɛ mɩ apio tsɩhɛ Euodia mʋa Sintike kokoliá bʋnu aba asɩ, tsufɛ anɩ Wie abuopʋ bʋgyi.

Kolosefɔ 1:7

Anɩ osumba ɔdwɛpʋ Epafra gyi ɔha ánɩ́ ɔlɔpʋ asʋn wanklaan amʋ ba mlɩ. Yesu Kristo osumbi ɔnɔkwalɩpʋ ogyi, ɔdɛ mlɩ bʋa anɩ ɔfansʋ.

Atɔ Lɛsunahɛ 13:8

Ɔyɩtɔ aha fɛ́ɛ́ bósum ɔbwɩ amʋ. Aha ánɩ́ bʋmóosum mʋ gyi aha ánɩ́ bɔwanlɩn amʋ́ ada wa Okufabi amʋʋ bɔpʋha igyi asa ɔyɩ lɛbɛlɩn amʋ nkpa ɔwʋlʋtɔ.

Atɔ Lɛsunahɛ 17:8

Ɔbwɩ amʋʋ fowun amʋ latsia kɩ. Ɔtra ɔma ɩnʋ sei, ɔbɛ́laba. Tamɛ ɩmɔ́ɔwa ɔpá ɔbɛ́dalɩ tsu ɩlan klukluuklu amʋʋ ɩma ɔka amʋtɔ yɔ ɔhɩkpa. Ɔsʋlʋsʋ atsiapʋ amʋʋ Bulu mɔwanlɩn amʋ́ ada wa nkpa ɔwʋlʋ amʋtɔ tsu brɛá ɔyɩ lefi asɩ amʋ ɔnɔ bóbwie amʋ́, tsufɛ bowun ánɩ́ ɔbwɩ amʋʋ oletsia, ɔtra ɔma ɩnʋ amʋ lala ba.

Atɔ Lɛsunahɛ 20:12

Nowun awupʋ, nyebi ahandɛ bʋlɩɩ owie obia amʋ ansɩtɔ. Bobwii nwʋlʋtɔ tswɩ. Bobwii nkpa ɔwʋlʋ amʋ ɛtɔ tswɩ. Ɩnʋ bɔpʋ tɔá nwʋlʋ amʋ ɩlɛblɩ tsu awupʋ amʋ bwɛhɛ ɩwɩ gyi amʋ́ asʋn.

Atɔ Lɛsunahɛ 20:15

Bɔtswɩ ɔhagyiɔha ánɩ́ bʋmowun mʋ ɩda nkpa ɔwʋlʋ amʋtɔ ɛ wa ogya amʋtɔ.

Atɔ Lɛsunahɛ 21:27

Togyitɔá mʋ́ ɩwɩ mɛtɩn, mbusuo abɔpʋ ntɛ afunupʋ bʋmóowie wulu amʋtɔ, nkɛtɩ aha amʋʋ bɔwanlɩn amʋ́ ada wa Okufabi amʋ nkpa ɔwʋlʋtɔ amʋ nkʋlɛ.

Atɔ Lɛsunahɛ 3:5

Nɛ́ha ɔha ánɩ́ olegyi ɩsʋ ɔbɔ́wa atadɩɛ fututu. Mméetsitsi mʋ ɩda lɛ nkpa ɔwʋlʋ amʋtɔ. Nɛ́blɩ mɩ Sɩ mʋa mʋ abɔpʋ ansɩtɔ mbɛɛ, mɩbʋ mʋ.