Filipifɔ 4:19 - Bulu Ntam Pɔpwɛ mʋ́a Israel Ɩlʋ

¹⁹ Mɩ Bulu ɔbɛ́ha mlɩ togyitɔá ɩdɛ mlɩ hian tsu mʋ numnyam atɔ tsɔtsɔɔtsɔá ɩbʋ anɩa Kristo Yesunyɔ ɩkʋlɛbwɛtɔ.

Filipifɔ 4:19 Cross References

Israelfɔ Ɩlʋ 104:24

Oo Nana Bulu, fʋ gyumagyihɛ ɩhɩɛ tsɔ o! Nyansa fɔpʋbwɛ mʋ́ fɛ́ɛ́. Fʋ atɔ bwɛhɛ labʋla ɔyɩtɔ fɛ́ɛ́.

Israelfɔ Ɩlʋ 130:7

Israelfɔ, mlɩkɩ Nana Bulu ɔkpa, tsufɛ Nana Bulu ɔdwɛ ɩma ɔka. Ɔtɛhɩɛ ka lɛ aha.

Israelfɔ Ɩlʋ 36:8

Fʋ woyitɔ atɔ ɩhɩɛ tsɔ. Mʋ́ fʋtɔpʋbʋla amʋ́. Fʋtɛha amʋ́ bʋtonun fʋ ɔdwɛ-ntsu bregyibrɛ.

Israelfɔ Ɩlʋ 84:11

Nana Bulu, fʋgyi fɛ owi mʋ́a kʋtʋ. Fʋtɔpʋ awɩtɔlɛ mʋ́a numnyam kpa anɩ. Fʋtamakina yile bwɛ ha aha ánɩ́ amʋ́ asʋn da ɔkpa.

Mateo 6:32

Ɩnɩ aná ɔmátɔfɔ bʋtɛsrɩ gya nɩ. Mlɩ Sɩ amʋʋ ɔbʋ ɔsʋsʋ amʋ yin ánɩ́ ɩnɩ fɛ́ɛ́ dɛ mlɩ hian.

Yohane 20:17

Yesu lɛbla mʋ ɔbɛɛ, “Mápʋ ɩbɩ da mɩ, tsufɛ mmɔkʋnya yɔ ɔsʋsʋ mɩ Sɩ wa. Mboun natɩ yɛbla mɩ apio amʋ fɛɛ, nɔyɔ mɩ Sɩá ogyi mlɩ Sɩ wa. Nɔyɔ mɩ Buluá ogyi mlɩ Bulu wa.”

Yohane 20:27

Mʋʋ ɔlɛbla Toma ɔbɛɛ, “Kɩ mɩ ɩbɩtɔ, kpie osrebi wa nfɩ. Kpie fʋ ɩbɩ wa mɩ abɩntɔ. Si nwɛn gyi, afʋhogyi!”

Romafɔ 1:8

Gyankpapʋ a, nna Yesu Kristosʋ ndɛ mɩ Bulu ɩpan da mlɩtɔ okugyiɔkʋ nwunsʋ. Tsufɛ mlɩ Kristo hogyi sʋ mlɩ ɩda dɛ ɔyɩtɔ fɛ́ɛ́.

Romafɔ 11:33

Oo, mlɩkɩ Bulu awɩtɔlɛ wʋlɛ! Mʋ nyansa pʋ́ mʋ asʋnbɩ ma ɔka! Ma ɔbɛ́talɩ bɩ mʋ ɔkpa pʋ́ mʋ asʋngyitɔ?

Romafɔ 2:4

Bulu lalɛ mʋ yile pʋ́ mʋ awɩtɔlɛ ɔwan suna fʋ. Alanya klʋn ha fʋ; tamɛ fʋmobu mʋ. Ntɛ fʋmeyin ánɩ́ alɩá fɛ́damli klʋntɔ yinki ba mʋ wa sʋ alalɛ mʋ awɩtɔlɛ suna fʋ?

Romafɔ 8:18

Nɩ nɛkɩ numnyam ánɩ́ ɩda gyo anɩ, Bulu ɔbɛ́lɛ suna anɩ a, ipian anfɩ anɩdewun brɛ anfɩtɔ mɔfʋn mʋ́ ɔtɩnɛtɩnɛ.

Romafɔ 9:23

Bulu bʋ ɔkpa lɛ mʋ numnyam kpɔnkpɔntɩ amʋ ɔwan aha amʋʋ ɔlɛlɛ yaɩ ánɩ́ obówun amʋ́ nwɛ, ɔwa amʋ́ numnyam amʋsʋ.

2 Korintofɔ 12:21

Nhɩɛ ndɛ ifu nya ánɩ́ nɩ nɛba ɩnʋ a, mɩ Bulu ɔbɛ́tra ba mɩ asɩ mlɩ sʋ. Nósu, tsufɛ mlɩtɔ akʋ mlɩmɔkʋsi mlɩ lakpan dada amʋ bwɛ, damli klʋntɔ si mbʋatɔ, hakpanla pʋ́ ɔwɔlɩ lalahɛ amʋ.

2 Korintofɔ 4:17

Tsufɛ ɩwɩɔsɩn kpalobi anfɩ anɩdewun sei anfɩ ɩbɛ́ha abénya numnyam kpɔnkpɔɔnkpɔntɩá ɩtamata, ɩdʋn ɩwɩɔsɩn anfɩ.

Efesofɔ 1:18

Ntɔkʋlɩ mʋ mbɛɛ, obwii mlɩ ansɩ, amlɩwun atɔ wanklaan amʋʋ ɔbɛɛ, mlɩbɛkɩ ɔkpa ha amʋ, mɛnɩ mlɛ́bɩá atɔ amʋʋ ɔlɛla yaɩ ha mʋ aha amʋ ɩhɩɛ bʋ bia.

Efesofɔ 1:7

Ɔlɔpʋ mʋ Bi amʋ obugya ka anɩ nwunsʋ ɩkɔ, si anɩ lakpan kie anɩ. Awɩtɔlɛ anfɩ Bulu lɛhɩɛ wa ha anɩ anfɩ ɩbʋ ifu dʋbɩ.

Efesofɔ 2:7

Bulu lɛlɛ mʋ awɩtɔlɛ kpɔnkpɔɔnkpɔntɩ anfɩ suna anɩ tsʋn Kristo Yesusʋ, mɛnɩ aha ánɩ́ bɛ́tra lɩn fɛ́ɛ́ bówun ánɩ́ mʋ awɩtɔlɛ lomoni dʋn togyitɔ.

Efesofɔ 3:16

Mʋbʋ oyula akpɔnkpɔntɩ ha mʋ abi. Mʋ́ sʋ ndɛ mʋ kokoli mbɛɛ, mʋ Ɔŋɛ amʋ ɔhɩɛ wa mlɩ ɔkla ɔwʋnlɩn tsu mʋ oyula kpɔnkpɔntɩ atokiehɛ amʋtɔ,

Efesofɔ 3:8

Ɩbʋ mʋ́tɔá kebikʋsʋ ngyi Bulu aha fɛ́ɛ́tɔ. Tamɛ Bulu lɔwa awɩtɔlɛ ha mɩ ɔbɛɛ, nda Kristo oyula amʋʋ ɩdʋn blɩ amʋ ɩwɩ ɔkan ha aha ánɩ́ bʋmegyi Yudafɔ.

Filipifɔ 4:7

Mɛnɩ Bulu ɔbɛ́ha mlɩ iwilwiiá ɩdʋn blɩ, ɩbɛ́kpa mlɩ klʋn pʋ́ mlɩ agywɩɩn, mlɩa Kristo Yesu ɩkʋlɛbwɛtɔ.

Kolosefɔ 1:27

Ɩbʋ Bulu ɔdwɛá ɔbɛ́lɛ mʋ́ ɔwan suna mlɩá mlɩmegyi Yudafɔ. Asʋn ŋainhɛ amʋ gyi, Kristo tsie mlɩtɔ. Ɩbʋ ibia, ɩbʋ numnyam ɛ. Mʋ́desuna ánɩ́ abénya mʋ numnyam amʋ ɩkʋ nɩ.

Kolosefɔ 3:16

Mlɩha Kristo asʋn amʋ ɩhɩɛ bʋla mlɩ klʋntɔ, ɩha mlɩ nyansa. Mlɩpʋtɔɩ kpla aba, suna aba atɔ. Mlɩwa Israelfɔ ɩlʋ, ɔsankuosʋ ɩlʋ pʋ́ ɔŋɛtɔ ɩlʋ mlɩ klʋntɔ pʋtsu Bulu fʋa, pʋda anɩ Sɩ Bulu ɩpan.

1 Tesalonikafɔ 2:12

Anɩlɔwa mlɩ atɛtɔ-ɔnlɩn, lwii mlɩ klʋn, tɔɩ kpla mlɩ anɩaa, mlɩtsia tsiatɔá ilegyi Bulu ansɩ. Mʋlɛtɩ mlɩ ɔbɛɛ, mlɩbenya mʋ iwiegyi pʋ́ mʋ numnyam amʋ ɩkʋ.

1 Timoteo 6:17

Bla ɔyɩ anfɩtɔ ɩwɩ anyapʋ fɛɛ, bʋmátsu ɩwɩ. Bʋmápʋ ansɩ dɩnka kɔba anfɩ iméetsia yɔ anfɩsʋ. Mboun bʋpʋ ansɩ dɩnka Bulusʋ. Mʋtɛha anɩ togyitɔá abɔ́pʋnya ansigyi ɔyɩ anfɩtɔ.

Filemon 1:4

Opio Filemon, ntɛda Bulu ɩpan fʋ nwunsʋ bregyibrɛá ndɛ mpaɩ bɔ.

1 Petro 5:1

Sei a, ndekle mbɛɛ, nɔ́tɔɩ kpla mlɩa mlɩgyi ahandɛ Kristo ɔpasuatɔ. Ɔpasua ɔhandɛ mɩ ɛ ngyi. Ntra ngyi ipian amʋʋ Yesu lowun amʋ ɩwɩ adansɩɛ ogyipʋ. Mɩ ɛ nénya mʋ numnyam amʋʋ ɩbɛ́lɩn ɔwan amʋ ɩkʋ.

1 Petro 5:10

Tamɛ Bulu hɩɛ ɔbʋ awɩtɔlɛ ha mlɩ togyitɔtɔ. Mʋlatɩ mlɩ ba mʋ numnyamtɔ tsʋn mlɩa Kristonyɔ ɩkʋlɛbwɛtɔ. Mʋ numnyam amʋ bʋ ɩnʋ brɛ fɛ́ɛ́tɔ. Nɩ mlowun ipian kpalobi a, ɩmɔ́ɔwa ɔpá mʋ onuto obótsu mlɩ kʋsʋ, ha mléyinki lɩɩ. Ɔbɔ́wa mlɩ ɔwʋnlɩn, ha mlɛ́lɛ nlin Kristotɔ.