Filipifɔ 4:18 - Bulu Ntam Pɔpwɛ mʋ́a Israel Ɩlʋ

¹⁸ Mɩ ɩbɩ lada togyitɔá mlɩlɔpʋha Epafrodito mlɩaa, ɔpʋba mɩ. Ɩtsɔ kʋraa dʋbɩ. Mʋ́ sʋ nanya togyitɔá ibéhian mɩ. Ɩtɔ anfɩ mlɩlabwɛ anfɩ igyi fɛ mlɩlaha Bulu igyiá ɩbʋ ɔfan fanfaanfan, ɩlagyi mʋ ansɩ.

Filipifɔ 4:18 Cross References

Gyumagyihɛ 10:4

Ifu lɛkɩta mʋ. Mʋ́ sʋ olesi ɔdɛ Bulu-ɔbɔpʋ amʋ kɩ. Mʋʋ ɔlɛfɩtɛ Bulu-ɔbɔpʋ amʋ ɔbɛɛ, “Mɩ Wie, nkalɩ igyi?” Bulu-ɔbɔpʋ amʋ lɛbla mʋ ɔbɛɛ, “Bulu lahɔ fʋ mpaɩ. Fʋ aha atɔ kie ɛ lagyi mʋ ansɩ.

Romafɔ 12:1

Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ.

2 Korintofɔ 11:8

Ɔpasua bamba atɔ nɔswɩɩ, pʋba bɔyɔ agyʋma ha mlɩ. Mʋ́ sʋ nɛtalɩ sum mlɩ, mmɔhɔ mlɩ tɔtɔ nɩ.

2 Korintofɔ 9:12

Tsufɛ atoku anyɔ ɔbɛ́dalɩ tsu mlɩ atɔ hahɛ anfɩtɔ. Megyi atɔ amʋʋ mlɩlapʋha Bulu aha amʋʋ atɔ dɛ amʋ́ hian, bʋbʋ Yerusalem amʋ nkʋlɛ, mboun ɩbɛ́ha aha tsɔtsɔɔtsɔ bɛ́hɩɛ da Bulu ɩpan.

Efesofɔ 5:2

Mlɩdwɛ aba ɔkpagyiɔkpasʋ, fɛ alɩá Kristo lɔdwɛ anɩ, tsula bɔmɔ mʋ anɩ sʋ. Ɔlɔpʋ mʋ ɩwɩ bwɛ atɔ hahɛ pʋ́ afɔdɩɛ-abɔtɔá ɩbʋ ɔfan fanfaanfan ha Bulu, ilegyi mʋ ansɩ.

Filipifɔ 4:12

Nasuan alɩá nɔ́pʋtsia nɩ mbʋ o, mma o. Nabɩ alɩá tsiatɔ kugyikʋtɔá mbʋ ibégyi mɩ ansɩ. Nɩ ntsie akʋn o, namwɛ o, mbʋ o, mma o.

2 Tesalonikafɔ 1:3

Apio, ilehian ánɩ́ abɛ́da Bulu ɩpan mlɩ nwunsʋ bregyibrɛ. Tsufɛ mlɩdɛdan hogyitɔ tsɩa. Ɔdwɛá mlɩbʋ ha aba ɛ idemoni tsɩa.

Hebrifɔ 13:16

Mlɩmátan awɩtɔlɛwasʋ. Mlɩye mlɩ atɔtɔ ha aba, tsufɛ mʋ́ aná gyi afɔdɩɛá itegyi Bulu ansɩ nɩ.

1 Petro 2:5

Ɔŋɛtɔ asʋn nɛba bɛblɩ a. Mlɩba Bulu wa brɛ anfɩ mlɩbʋ nkpa anfɩ, ɔbwɛ mlɩ fɛ abwiá ɔdɛpʋyi obuá bɔ́tswɛ mʋ mʋ́tɔ. Ɔbwɛ mlɩ mʋ igyi ahapʋá amʋ́ ɩwɩ lɛtɩn, amlɩtsʋn Yesu Kristosʋ ha Bulu igyi amʋʋ mʋ Ɔŋɛ losusu suna mlɩ, itegyi mʋ ansɩ amʋ.