Filipifɔ 4:17 - Bulu Ntam Pɔpwɛ mʋ́a Israel Ɩlʋ

¹⁷ Megyi bɛɛ ndɛ tɔkʋ kʋlɩ tsu mlɩ wa. Mboun ndekleá mlɩnya tɔkʋ dɩnka awɩtɔlɛ amʋʋ mlɩdɛwa ha mɩ amʋsʋ.

Filipifɔ 4:17 Cross References

Yohane 15:16

Megyi mlɩ lɛlɛ mɩ. Mɩlɛlɛ mlɩ yaɩ mbɛɛ, mlɩyɔ amlɩyoswie abiá ibétsia brɛ fɛ́ɛ́, mɛnɩ mɩ Sɩ ɔbɛ́ha mlɩ togyitɔá mlɔ́kʋlɩ mʋ mɩ ɩdatɔ.

Yohane 15:8

Nɩ mloswie abi tsɔtsɔɔtsɔ a, ɩbɔ́wa mɩ Sɩ numnyam. Mʋ́ obósuna ánɩ́ mɩ akasɩpʋ mlɩgyi nɩ.

Romafɔ 15:28

Nɩ nɔpʋ kɔba ánɩ́ bɔtswɩtswɩ ha mɩ fɛ́ɛ́ wa amʋ́ ɩbɩtɔ a, nɔ́bɔtsʋn mlɩ wa yɔ Spania.

2 Korintofɔ 11:16

Ntra ndɛ mlɩ bla mbɛɛ, ɔhaa mábu mɩ ɔha mimlahɛ. Tamɛ nɩ mlɩdɛ mɩ bu alɩ o a, mlɩtsu mʋ́ alɩ, mɩ ɛ anya ɔkpa tsu ɩwɩ kpalobi.

2 Korintofɔ 9:5

Mʋ́ sʋ nabwɛ agywɩɩn ánɩ́ nɛ́ha Tito mʋa mʋ aba amʋ abʋgyankpa ba mlɩ wa, ɩha amlɩdunka tɔá mlɩlɛhɩɛá mlɛ́ha yaɩ. Tamɛ mlɩha mʋ́ tsu mlɩ klʋntɔ, megyi ɔhɩɛ igyi.

Filipifɔ 1:11

Yesu Kristo ɔha mʋ yilebwɛ ɩbʋla mlɩtɔ, fɛ alɩá oyi toswie abi; ɩpʋ numnyam mʋ́a kanfʋ ha Bulu.

Filipifɔ 4:11

Mmɛdɛ asʋn anfɩ blɩ pʋsuna ánɩ́ mbʋ ɩkplantɔ. Tsufɛ nakasɩ, nabɩ alɩá tɔá mbʋ ɩbɔ́fʋn mɩ, nɩ mbʋ o, mma o!

1 Tesalonikafɔ 2:5

Mlɩhɩɛ mlɩyin ánɩ́ megyi ɔnɔ dɛdɛ anɩlɔpʋ ba mlɩ. Anɩmɛba bɔwa afunu kʋkʋ ɛ suna mlɩ, pʋnya tɔkʋ tsu mlɩ wa. Bulu gyi anɩ ɔdansɩyin.

1 Timoteo 3:3

Ɔmábwɛ nta ɔbʋpʋ ntɛ ɔha ánɩ́ ɔbʋ ɩyɩn. Ɔbwɛ ɔha ánɩ́ ɔlɛba ɩwɩasɩ, mʋ asʋn lolwii. Ɔmábwɛ ɔtrɛpʋ, ɔmábwɛ kɔba ɔdwɛpʋ.

1 Timoteo 6:10

Tsufɛ kɔbadwɛ tɔpʋ lalahɛ kugyikʋ ba. Mʋ́ ɔma akʋ bagya alɩɩ, bafwɩ dalɩ hogyi amʋtɔ, ɩlaha amʋ́ bʋdɛ awɩrɛhɔ tsɔtsɔɔtsɔ gyi nɩ.

Tito 1:7

Ɩnɩá Bulu agyʋmasʋ ɔpasua ɔhandɛ amʋ dɛkɩ sʋ a, ɔlala mátsia mʋ ɩwɩ. Ɔmábwɛ ɔha ánɩ́ ɔtamahɔ aha asʋn, ntɛ ɔtɔkɔsɩ nya ɔblɔ, ntɛ ɔtɔbʋ nta, ntɛ otekle ɩkɔ ntɛ ɔbʋ sika ɔnsɩpɛ.

Tito 3:14

Ha anɩ pɩ amʋ ɛ abʋbɩ alɩá bʋtɔbʋa aba agyʋma yɔ wanklaan, mɛnɩ bɛ́talɩ kɩ aha ánɩ́ bʋma tɔtɔsʋ. Fówun bʋmɔ́ɔbwɛ aha ánɩ́ amʋ́ ɩwɩ mɔwa labi.

Hebrifɔ 6:10

Tsufɛ tɔá ɩda ɔkpa Bulu tɔbwɛ. Ɔmɛ́ɛtan mlɩ gyumagyihɛ pʋ́ ɔdwɛá mlɩlalɛ suna mʋ tsu mʋ ahatsatɔ, mlɩtra mlɩbʋ mʋ́sʋ.

1 Petro 5:2

Ndɛ mlɩ kokoli mbɛɛ, mlɩkɩ aha amʋʋ Bulu lapʋwa mlɩ ɩbɩtɔ amʋsʋ wanklaan fɛ akufa ɔkpapʋ. Ɩmábwɛ mlɩ fɛ bʋdɛ mlɩ hɩɛ, mboun mlɩbwɛ mʋ́ tsu mlɩ klʋntɔ alɩá Bulu dekle. Megyi sika ɔnsɩpɛ sʋ, mboun ɔdwɛá mlɩbʋ ha osum amʋ sʋ.

2 Petro 2:15

Basi ɔkpa wanklaan amʋ tswɩ, yɔ bʋbuo Beor mʋ bi Bulu ɔnɔsʋ ɔtɔɩpʋ Bileam bwɛhɛ lalahɛ. Ɔlɔdwɛ sika ánɩ́ obénya tsu lalahɛbwɛtɔ.

2 Petro 2:3

Amʋ́ ɔnsɩpɛ sʋ bɛ́kpɛkpɛ asʋn blɩ pʋswɩɩ mlɩ kɔba. Asʋn ogyipʋ Bulu lɛda ɩwɩsʋ ɔyɩ ɔpá ánɩ́ ɔbɛ́bɩtɩ amʋ́ ɩsʋ, hɩ amʋ́.

Yuda 1:11

Alɩ aha amʋ bʋgyɔwɩ! Tsufɛ bapʋ Kain amʋʋ ɔlɔmɔ mʋ gyama amʋ ɔkpa. Bakʋla sika yɛbwɛ tɔá Bileam lɔbwɛ, bakʋsʋ lɩɩ Bulusʋ fɛ Kora. Mʋ́ sʋ Bulu ɔbɛ́hɩ amʋ́.