Filipifɔ 4:12 - Bulu Ntam Pɔpwɛ mʋ́a Israel Ɩlʋ

¹² Nasuan alɩá nɔ́pʋtsia nɩ mbʋ o, mma o. Nabɩ alɩá tsiatɔ kugyikʋtɔá mbʋ ibégyi mɩ ansɩ. Nɩ ntsie akʋn o, namwɛ o, mbʋ o, mma o.

Filipifɔ 4:12 Cross References

Mateo 11:29

Mlɩba ɩwɩasɩ ha mɩ, amlɩsuan mɩ, tsufɛ nɛba ɩwɩasɩ, nolwii, mɛnɩ mlénya iwilwii.

Mateo 13:52

Mʋʋ ɔlɛbla amʋ́ ɔbɛɛ, “Mʋmʋ mbla osunapʋ oduá alakasɩ Bulu iwiegyi amʋ ɩwɩ asʋn ɛ bɩ a, ogyi fɛ woyi mʋ wie oduá ɔtɛlɛ atɔ pɔpwɛ mʋ́a dada fɛ́ɛ́ tsu mʋ atɔ ɔyaɩkpa.”

2 Korintofɔ 10:1

Ɩbʋ mʋ́tɔá mlɩtɔ akʋ mlɩtɛblɩ mlɩaa, nɩ mbʋ mlɩ wa a, mɩ asʋn lolwii, tamɛ ntɔwanlɩn mɩ nwʋlʋ tumisʋ. Tamɛ mɩ Paulo ndɛ mlɩ kokoli mbɛɛ, mlɩpʋkɩ alɩá Kristo asʋn lolwii, ɔlɛba ɩwɩasɩ.

2 Korintofɔ 10:10

Tsufɛ akʋ bɛɛ, “Mákpla Paulo. Mʋ asʋn wanlɩnhɛ bʋ odwin, ɔtɔpʋhɩɛ aha. Tamɛ nɩ mʋ onuto ɔbʋ anɩ wa a, ololwii, mʋ asʋn blɩhɛ ɛ ɩma ibia!”

2 Korintofɔ 11:27

Nayɔ agyʋma kpekple, ɩlapian mɩ kɩ. Ntamadɩdɩ nkɛkʋ. Ntetsia akʋn mʋ́a ɔmɛwʋlɩ. Ntɛklɩ ɔnɔ, ntɛdɩ atsalɩ, natɩ yaya aná fɛ́ɛ́.

2 Korintofɔ 11:7

Ɩnɩá nɔpʋ ɩwɩasɩba pʋ́ obú ha mlɩ brɛá nɛda Bulu asʋn wanklaan amʋ ɔkan suna mlɩ, mmɔhɔ mlɩ tɔtɔ sʋ yɛ tsitsa nɔbwɛ a?

2 Korintofɔ 11:9

Brɛá mbʋ mlɩ wa, ɩwɩ lɛklɩ mɩ a, mmesi ipian tswɩ mlɩtɔ ɔkʋkʋsʋ. Mboun apio amʋʋ botsu Makedonia ba amʋ lɛha mɩ mɩ atohianhɛ. Ɩnɩ sʋ mmesi ipian dɩnka mlɩtɔ ɔkʋkʋsʋ, mméesi dɩnka ɛ.