Filipifɔ 4:11 - Bulu Ntam Pɔpwɛ mʋ́a Israel Ɩlʋ

¹¹ Mmɛdɛ asʋn anfɩ blɩ pʋsuna ánɩ́ mbʋ ɩkplantɔ. Tsufɛ nakasɩ, nabɩ alɩá tɔá mbʋ ɩbɔ́fʋn mɩ, nɩ mbʋ o, mma o!

Filipifɔ 4:11 Cross References

Luka 3:14

Ɩsa akɔpʋ akʋ ɛ bɛfɩtɛ Yohane bɛɛ, “Anɩ ɛ mɛ, ntɔ abwɛ?” Yohane lɛbla amʋ́ ɔbɛɛ, “Mlɩmápʋ ɔwʋnlɩn swɩɩ ɔhaa kɔba, ntɛ wa afunu dɩnka ɔhaasʋ. Mlɩ ɩkɔka igyi mlɩ ansɩ.”

2 Korintofɔ 11:27

Nayɔ agyʋma kpekple, ɩlapian mɩ kɩ. Ntamadɩdɩ nkɛkʋ. Ntetsia akʋn mʋ́a ɔmɛwʋlɩ. Ntɛklɩ ɔnɔ, ntɛdɩ atsalɩ, natɩ yaya aná fɛ́ɛ́.

2 Korintofɔ 6:10

Anɩbʋ ɩwɩɔsɩntɔ, tamɛ Kristo sʋ anɩbʋ ansigyitɔ. Ahianfɔ anɩgyi, tamɛ anɩlaha aha bamli ɩwɩ anyapʋ. Anɩmá tɔtɔ, tamɛ anɩbʋ togyitɔ Kristo sʋ.

2 Korintofɔ 8:9

Tsufɛ mlɩyin alɩá anɩ Wie Yesu Kristo lɔdwɛ aha, wa awɩtɔlɛ. Ɩwɩ onyapʋ ogyi tɛkɩ, tamɛ anɩ sʋ ɔlɔbwɛ ɩwɩ ohiani, mɛnɩ abɔ́tsʋn mʋ ohian amʋsʋ bwɛ ɩwɩ anyapʋ.

2 Korintofɔ 9:8

Bulu tɛha mlɩ tɔá mlɩdehian bregyibrɛ, dʋn alɩá ilehian mlɩ. Mʋ́ sʋ mlénya tɔá ɩdɛ mlɩ hian bregyibrɛ. Ɩbɔ́fʋn mlɩ sian, mlɔ́pʋbwɛ yile ha aha bamba.

Filipifɔ 3:8

Mʋ́á ɩdʋn mʋ́ kʋraa gyi, nɩ nɔpʋkɩ alɩá nɔpʋbɩ mɩ Wie Kristo Yesu a, nawun ánɩ́ ɩbʋ labi dʋn togyitɔ. Nawun ánɩ́ nahʋlɩ ntobi anfɩ ntɛkɩá ɩbʋ mɩ labi anfɩ fɛ́ɛ́, alɩá Kristo ɔbɛ́da mɩ ɩbɩ sʋ.

Hebrifɔ 10:34

Mlɩlosu ha obu adɩpʋ. Brɛá aha bɔpʋ ɔwʋnlɩn swɩɩ mlɩ atɔ a, mlɩlesi ha amʋ́ ansigyisʋ. Tsufɛ mlɩyin ánɩ́ mlɩbʋ atɔá ɩbʋ alɛ dʋn mʋ́, ibétsia brɛ fɛ́ɛ́tɔ.