Filipifɔ 4:1 - Bulu Ntam Pɔpwɛ mʋ́a Israel Ɩlʋ

¹ Ɩnɩ sʋ apio adwɛpʋ, ntɔdwɛ mlɩ. Ɩdɩn mɩ ɔwɔlɩá nówun mlɩ, tsufɛ mlɩ sʋ ansɩ dɛ mɩ gyi, nénya ɩpanda ɛ! Mɩ adwɛpʋ, alɩ ilehian ánɩ́ mlɛ́lɩɩ kinkin mlɩ Kristo hogyitɔ nɩ.

Filipifɔ 4:1 Cross References

Israelfɔ Ɩlʋ 125:1

Aha ánɩ́ bɔpʋ ansɩ dɩnka Nana Bulusʋ bʋgyi fɛ Sion ɩbʋ. Ɩtamakpɩnkɩ, ɩlɩɩ brɛ fɛ́ɛ́.

Israelfɔ Ɩlʋ 27:14

Dɩnka ansɩ Nana Bulusʋ, afʋwa ɩwɩ ɔwʋnlɩn. Nya ɩklʋn, afʋkɩ Nana Bulu ɔkpa!

Mateo 10:22

Mɩ sʋ aha fɛ́ɛ́ bólu mlɩ, tamɛ nɩ mlɛ́talɩ wa klʋn lɩɩ kinkiinkin yɔfʋn mʋ́ ɔnɔmɔ a, Bulu ɔbɔ́hɔ mlɩ nkpa.

Yohane 8:31

Yesu lɛbla Yudafɔ amʋʋ bɔhɔ mʋ gyi amʋ ɔbɛɛ, “Nɩ mlobuo mɩ atosunahɛ a, mlɩgyi mɩ akasɩpʋ lɛlɛ.

Gyumagyihɛ 11:23

Barnaba gyi ɔha wanklaan, Ɔŋɛ Wankɩhɛ pʋ́ hogyi ɛ ɩtsɔ mʋtɔ. Brɛá olowie Antiokia, olowun alɩá Bulu lagyi amʋ́ bʋalɛ a, ansɩ legyi mʋ. Mʋʋ ɔlɔtɔɩ kpla amʋ́ ɔbɛɛ, bʋpʋ amʋ́ klʋn fɛ́ɛ́ dɩnka anɩ Wie Yesusʋ, abʋgyi mʋ mblasʋ. Ɩnɩ sʋ aha tsɔtsɔɔtsɔ bɔtsʋn mʋ asʋn amʋsʋ hɔ anɩ Wie gyi.

Gyumagyihɛ 14:22

Ɩnʋ Paulo mʋa Barnaba bɔwa akasɩpʋ amʋ atɛtɔ-ɔnlɩn bɛɛ, bʋkɩta hogyi amʋtɔ. Bɛbla amʋ́ bɛɛ, “Ilehian ánɩ́ abɔ́tsʋn ipian tsɔtsɔɔtsɔtɔ asa abówie Bulu iwiegyi amʋtɔ.”

Gyumagyihɛ 2:42

Ahogyipʋ amʋ bɛlɛ ansɩ kɩta sumbi ayɔpʋ amʋ atosunahɛ, amʋ́ ɩkʋlɛbwɛ togyitɔtɔ, ɔpasua amʋtɔ atogyihɛtɔ-ye pʋ́ mpaɩbɔtɔ.

Romafɔ 2:7

Akʋ bapʋ ansɩ dɩnka ánɩ́ bénya numnyam, ɩdayile pʋ́ nkpa ánɩ́ ɩtamata. Mʋ́ sʋ banya klʋn bʋdɛ yile bwɛ ekekegyiɛkɛ. Amʋ́ Bulu ɔbɛ́ha nkpa ánɩ́ ɩtamata nɩ.

1 Korintofɔ 15:58

Mʋ́ sʋ apio adwɛpʋ, mlɩlɩɩ kinkiinkin, mlɩmákpɩnkɩ. Mlɩsi mlɩ ɩwɩ fɛ́ɛ́ ha Bulu agyʋma bregyibrɛ, tsufɛ mlɩyin ánɩ́ mlɩ gyumagyihɛ mɔ́ɔbwɛ kpaalɩ.

1 Korintofɔ 16:13

Mlɩda ɩwɩsʋ, amlɩlɩɩ kinkiinkin mlɩ hogyitɔ. Mlɩwa klʋn, amlɩwa ɩwɩ ɔwʋnlɩn.

Galatiafɔ 5:1

Anɩ ɩwɩgyi sʋ Kristo laha anɩlagyi ɩwɩ! Mʋ́ sʋ mlɩlɩɩ kinkiinkin. Mlɩmátra tsula abʋbwɛ mlɩ nkpábi ha mbla amʋ.

Filipifɔ 1:27

Tɔá idehian sei gyi, mlɩha mlɩ tsiatɔ ɩkana Kristo asʋn wanklaan amʋ. Mʋmʋ nɩ nɛba mlɩ wa o, mmɛba o, nónuá mlɩlɩɩ kinkiinkin ɩkʋlɛbwɛtɔ; mlɩdɛ hogyi amʋʋ ɩbʋ asʋn wanklaan amʋtɔ amʋ ɛ nwun prɩ.

Filipifɔ 1:8

Bulu yin ánɩ́ ntosusu mlɩ ɩwɩ, ntɛhɩɛ dwɛ mlɩ fɛ alɩá Kristo Yesu tɔdwɛ mlɩ.

Filipifɔ 2:16

Mlɩyɔ mʋ́sʋ amlɩbla aha asʋn amʋʋ ɩtɛha nkpa amʋ, mɛnɩ mlɩ sʋ nɛ́talɩ pʋ ɩbɩ si kantɔ ɛkɛá anɩ Wie Kristo ɔbɛ́laba, ánɩ́ mɩ mbɔdɩ ntɛ mɩ gyumagyihɛ mɔbwɛ kpaalɩ.

Filipifɔ 2:26

Tsufɛ ɔdɛ mlɩsʋ kaɩn dʋbɩ. Ɩhɩɛ dɛ mʋ han, tsufɛ mlɩlonu mʋ ɩlɔ.

Kolosefɔ 4:12

Epafra, otsu mlɩ wa, ogyi Kristo Yesu osumbi amʋ ɛ ɔha mlɩ itsia. Ɔtɛhɩɛ bɔ mpaɩ ha mlɩ ánɩ́ Bulu ɔwa mlɩ ɔwʋnlɩn, ɔha amlɩfʋn, amlɩtalɩ bwɛ Bulu apɛ kugyikʋ.

1 Tesalonikafɔ 3:13

Ɔwa mlɩ ɔwʋnlɩn, mɛnɩ anɩ Sɩ Bulu omóowun ɔlala mlɩ ɩwɩ, ifin kʋkʋ ɛ méetsia mlɩ ɩwɩ mʋ ansɩtɔ, anɩ Wie Yesu mʋa mʋ aha fɛ́ɛ́ ɔbakɛ amʋ.

2 Tesalonikafɔ 2:15

Mʋ́ sʋ apio, mlɩlɩɩ kinkiinkin, amlɩkɩta ɔnɔkwalɩ amʋʋ anɩlosuna mlɩ amʋtɔ, mʋ́á anɩlɛbla mlɩ pʋ́ mʋ́á anɩlɔwanlɩn sɩsɩ mlɩ fɛ́ɛ́.

2 Timoteo 2:1

Ɩnɩ sʋ mɩ bi, ha Bulu awɩtɔlɛ amʋʋ ɔlɔpʋtsʋn Kristo Yesusʋ amʋ ɩwa fʋ ɔwʋnlɩn.

Hebrifɔ 10:23

Mlɩha akɩta tɔ amʋʋ anɩdɛ mʋ́ ɩwɩ adansɩɛ gyi, anɩdɛ mʋ́ ɔkpa kɩ amʋtɔ kinkin, tsufɛ Ɔnɔkwalɩpʋ Bulu gyi. Ɔbɔ́bwɛ tɔá ɔlɛhɩɛ ánɩ́ mɔ́bwɛ ha anɩ.

Hebrifɔ 3:14

Tsufɛ nɩ akɩta anɩ hogyitɔ kinkiinkin, fɛ brɛ amʋʋ anɩlɔtsɔ hogyi amʋ yɔfʋn mʋ́ ɔnɔmɔ a, anɩa Kristonyɔ abɛ́kan, bwɛ toku kʋlɛ.

Hebrifɔ 4:14

Anɩbʋ igyi ɔhapʋ dɛhɛn kpɔnkpɔntɩá alada fa ɔsʋsʋ yɔ ɔbʋ Bulu wa. Mʋgyi mʋ Bi Yesu. Ɩnɩ sʋ mlɩha akɩta Yesu anfɩ anɩdɛ mʋ ɩwɩ adansɩɛ gyi anfɩtɔ kinkiinkin. Anɩmádɩnkɩ ansɩ mʋsʋ.

2 Petro 3:17

Tamɛ apio adwɛpʋ, ɩnɩá mlɩyin mʋ́ alɩ sʋ a, ndɛ mlɩ ɔla da yaɩ. Mlɩdɩnka ansɩ ɩwɩsʋ, mɛnɩ aha anfɩ bʋtamagyi mblasʋ anfɩ bʋmɔ́ɔpʋ amʋ́ atosunahɛ lalahɛ amʋ bɛmlɛ mlɩ, amlɩdɩda.