Filipifɔ 3:9 - Bulu Ntam Pɔpwɛ mʋ́a Israel Ɩlʋ

⁹ Ɩnɩ sʋ ɩnɩá mbʋ mʋ wa sʋ a, megyi Mose mbla amʋsʋ gyi ɔbɛ́ha négyi asʋ Bulu ansɩtɔ. Kristo hogyi mboun ɔbɛ́ha négyi asʋ Bulu ansɩtɔ.

Filipifɔ 3:9 Cross References

Israelfɔ Ɩlʋ 14:3

Amʋ́ fɛ́ɛ́ badamli ɔma ha Bulu. Amʋ́ fɛ́ɛ́ ɔkpa motswii. Yile ɔbwɛpʋ ɔkʋkʋ má ɩnʋ. Ɔbakʋlɛ kʋraa mɛ́dalɩ amʋ́tɔ.

Israelfɔ Ɩlʋ 143:2

Fʋ osumbi ngyi, mágyi mɩ asʋn, tsufɛ nyankpʋsa ɔkʋkʋ mégyi yile ɔbwɛpʋ fʋ ansɩtɔ.

Israelfɔ Ɩlʋ 19:12

Ma ɔbɛ́talɩ wun tsitsa ánɩ́ mabwɛ? Si mɩ lalahɛá mmowun kie mɩ.

Mateo 9:13

Mlɩyɔ amlɩyɛfɩtɛ Bulu asʋn anfɩ bɔwanlɩn tswɩ anfɩ asɩ. Bɛɛ, ‘Nwewun ntekle, megyi igyiha.> Mmɛba aha wanklaan ɔtɩkpa, lakpan abwɛpʋ ɔtɩkpa nɛba.”

Romafɔ 1:17

Tsufɛ asʋn wanklaan amʋtɔ Bulu lɛlɛ alɩá ɔtɔbwɛ ɔha yile ɔbwɛpʋ suna. Mʋ́ ɔsʋ-asɩ fɛ́ɛ́ ɩlɩɩ hogyisʋ. Ɩnɩ Bulu asʋn wanlɩnhɛ amʋ lɛblɩ nɩ. “Ɔha ánɩ́ mʋ hogyi sʋ Bulu latsu mʋá mʋ asʋn da ɔkpa obénya nkpa.”

Romafɔ 10:10

Tsufɛ ɩklʋn ɔha tɔpʋhɔ Kristo gyi. Fówun Bulu obótsu mʋ ánɩ́ mʋ asʋn da ɔkpa. Ɔnɔ ɛ ɔha tɔpʋblɩ ɔbɛɛ, Yesu gyi mʋ wie, mɛnɩ Bulu ɔbɔ́hɔ mʋ nkpa.

Romafɔ 16:7

Nɛha mɩ aba Yudafɔ Androniko mʋa Yunia tsia. Bawa mɩa amʋ́nyɔ obu kɩ. Bʋgyi Kristo sumbi ayɔpʋá obú bʋ amʋ́sʋ. Begyankpa hɔ Kristo asa nata bɔhɔ.

Romafɔ 5:21

Lakpan legyi ahasʋ, ɩlɛha aha bowu. Alɩ kɛn Bulu lawa awɩtɔlɛ tsu aha ánɩ́ amʋ́ asʋn da ɔkpa mʋ ansɩtɔ nɩ. Ɩnɩ laha aha batsʋn anɩ Wie Yesu Kristosʋ nya nkpa ánɩ́ ɩtamata.

Romafɔ 8:1

Ɩnɩ sʋ sei a, Bulu mɛ́ɛtra ha aha ánɩ́ amʋ́a Kristo Yesunyɔ babwɛ kʋlɛ ɩpɔn.

Romafɔ 8:3

Mose Mbla amʋ ɩmɛtalɩ lɛ anɩ tsu anɩ lakpantɔ. Tsufɛ anɩ tsiatɔ dada amʋʋ ɩtɛha anɩtɔbwɛ lakpan amʋ ɩmɛha anɩmegyi mbla amʋ atosunahɛsʋ. Tamɛ Bulu lɔtsʋn ɔkpa pɔpwɛsʋ hɔ anɩ. Ɔlɔwa mʋ Bi onuto lɛba fɛ nyankpʋsa ánɩ́ ɔtɔbwɛ lakpan, tamɛ mʋ mʋ́ ɔmɔbwɛ lakpan. Bulu lɔtsʋn mʋ lowusʋ mɔ anɩ tsiatɔ dada amʋʋ lakpan legyi mʋ́sʋ amʋ.

1 Korintofɔ 1:30

Bulu sʋ mlɩa Kristo Yesunyɔ mlɩlabwɛ kʋlɛ, alapʋ Kristo bwɛ anɩ nyansa. Mʋlatsu anɩ ánɩ́ anɩ asʋn da ɔkpa mʋ ansɩtɔ, alabwɛ anɩ mʋ aha. Alahɔ anɩ lɛ lakpan nkpábitɔ, ha anɩlagyi ɩwɩ.

2 Korintofɔ 5:17

Mʋ́ sʋ nɩ ɔha mʋa Kristo bɔbwɛ ɩkʋlɛ a, alabwɛ ɔha pɔpwɛ. Mʋ tsiatɔ dada amʋ fɛ́ɛ́ ɩlatsʋn. Mʋ tsiatɔ labwɛ pɔpwɛ!

2 Korintofɔ 5:21

Tsufɛ Kristo mɔbwɛ lakpan kʋkʋ! Tamɛ Bulu lɔpʋ mʋ bɔ afɔdɩɛ anɩ lakpan sʋ, mɛnɩ ɔbɔ́tsʋn anɩa mʋnyɔ ɩkʋlɛbwɛsʋ tsu anɩ ánɩ́ anɩ asʋn da ɔkpa mʋ ansɩtɔ.

Galatiafɔ 2:16

Tamɛ anɩ Yudafɔ Akristofɔ amʋ mʋ́ anɩyin ánɩ́ megyi Mose mbla amʋsʋ gyi sʋ Bulu totsu ɔha ánɩ́ mʋ asʋn da ɔkpa mʋ ansɩtɔ, nkɛtɩ Yesu Kristo hogyi. Mʋ́ sʋ anɩlahɔ mʋ gyi, mɛnɩ Bulu ɔbɔ́tsʋn mʋ hogyi amʋsʋ ha anɩ asʋ nɩ. Tsufɛ nɩ mbla amʋsʋ gyi sʋ mʋ́ a, tɛkɩ ɔhaa méegyi asʋ Bulu ansɩtɔ.

Filipifɔ 3:6

Nɛhɩɛ wa nsi, dɩnka Kristo ɔpasua amʋsʋ. Negyi Mose mbla amʋsʋ wanklaan, ɔlala metsia mɩ ɩwɩ.

2 Timoteo 1:9

Bulu lɔhɔ anɩ nkpa. Ɔlɛtɩ anɩ ɔbɛɛ, abémli mʋ aha wankɩhɛ. Megyi tɔtɔ anɩlɔbwɛ sʋ. Mboun igyi tɔá mʋ onuto ɔlɔbwɛ agywɩɩn ánɩ́ ɔbɔ́bwɛ asa ɔyɩ lɛbɛlɩn. Ɔbɛɛ, ɔbɔ́wa awɩtɔlɛ ha anɩ, dwɛ anɩ tsʋn anɩa Kristo Yesunyɔ ɩkʋlɛbwɛsʋ.

Tito 3:5

Ɔlɛlɛ anɩ, tamɛ megyi yile kʋkʋ anɩlɔbwɛ sʋ, mboun mʋ nwewun sʋ. Ɔlɔtsʋn Ɔŋɛ Wankɩhɛ amʋsʋ fwɩ anɩ lakpan lɛ anɩsʋ, ɔlɛlakwɩɩ anɩ, ha anɩ nkpa pɔpwɛ.

Hebrifɔ 6:18

Bulu tamawa afunu! Mʋ tɔ amʋʋ ɔlɛhɩɛ yaɩ amʋ, pʋ́ ntam amʋ igyi atoku anyɔá ɩmɛ́ɛtsɛ ɛkɛkɛɛkɛ. Ɩnɩ sʋ anɩ aha amʋʋ anɩlasrɩ tanʋ mʋ amʋ anɩbʋ tɔá abɔ́pʋwa ɩwɩ ɔwʋnlɩn, akɩta tɔ amʋʋ anɩdɛ ɔkpa kɩ amʋtɔ kinkiinkin.

Yakobo 3:2

Anɩ fɛ́ɛ́ anɩtɛpan bregyibrɛ, tamɛ nɩ ɔkʋ tamapan mʋ tɔɩtɔ a, mʋmʋ ɔlɔfʋn. Ɔbɛ́talɩ gyi mʋ ɩwɩsʋ ɔkpagyiɔkpasʋ.

2 Petro 1:1

Mɩ Yesu Kristo osumbi pʋ́ mʋ sumbi ɔyɔpʋ Simon Petro dɛ ɔwʋlʋ anfɩ wanlɩn. Ndɛ mʋ́ wanlɩn sɩsɩ mlɩ fɛ́ɛ́á mlɩlanya hogyiá ɩbʋ labi fɛ anɩ klɛ, Bulu mʋa anɩ Ɔlɛpʋ Yesu Kristo yilebwɛ laha anɩlanya amʋ.

1 Yohane 3:4

Ɔhagyiɔha ánɩ́ ɔtɔbwɛ lakpan a, ɔdɛkʋsʋ lɩɩ Bulu mblasʋ. Tsufɛ lakpan gyi Bulu mblasʋmágyi.