Filipifɔ 3:7 - Bulu Ntam Pɔpwɛ mʋ́a Israel Ɩlʋ

⁷ Tamɛ ntobi anfɩ brɛ amʋ ntɛkɩá ɩbʋ mɩ labi anfɩ fɛ́ɛ́ a, Kristo sʋ ndɛ ɩtra megyi mɩ tɔtɔ.

Filipifɔ 3:7 Cross References

Mateo 16:26

Nɩ ɔkʋ onya ɔyɩtɔ atɔ fɛ́ɛ́, tamɛ ɔhʋlɩ mʋ ɔkla a, labi mɔmʋ ɩlɔwa ha mʋ? Ntɛ ntɔ ɔha ɔbɛ́talɩ pʋtsɛ mʋ nkpa?

Marko 10:50

Ɩnʋ oyin amʋ lɔtswɩ mʋ ɔsʋsʋ atadɩɛ tsalɩfwɩ, nwan kʋsʋ ba Yesu wa.

Luka 14:26

“Ɔhagyiɔha ánɩ́ ɔlɛba mɩ wa, tamɛ ɔdɛ mʋ sɩ, mʋ yin, mʋ otsiaba, mʋ abi, mʋ apio, mʋ onuto kʋraa ɩwɩ dwɛ dʋn mɩ a, ɔmɛ́ɛtalɩ bwɛ mɩ ɔkasɩpʋ.

Luka 14:33

Ɩnɩ sʋ mlɩtɔ ɔha ánɩ́ omesi mʋ togyitɔ ɔmagya ɔmɛ́ɛtalɩ bwɛ mɩ ɔkasɩpʋ.

Luka 16:8

“Osikani amʋ lɛkanfʋ agyʋmasʋ ɔkɩpʋ anfɩ ɔma ɔnɔkwalɩ anfɩ ánɩ́ alatalɩ tɩn ansɩ alɩ.” Yesu lɔmɔ mʋ́ ɔnɔ ɔbɛɛ, “Ndɛmba-abiá bʋbuo ɔyɩtɔ atɔ ansɩtɩn ánɩ́ bɔpʋ bʋtsie amʋ́ abatɔ ɩdʋn amʋ́á bʋyin Bulu klɛ.

Gyumagyihɛ 27:38

Brɛá amʋ́ fɛ́ɛ́ begyi atɔ alɩá bɛtalɩ a, bɛlɛ ayo amʋʋ ɩbʋ ntsusʋ-yibi amʋtɔ fɛ́ɛ́ wa ɔpʋtɔ, ha ntsusʋ-yibi amʋ lɛta odwin.

Hebrifɔ 11:26

Olotsula ánɩ́ bʋsʋpa mʋ Kristo sʋ. Tsufɛ ɩbɛ́hɩɛ wa labi ha mʋ dʋn ánɩ́ obénya Egyipte atonyahɛ fɛ́ɛ́. Mʋ ansɩ dɩn ɩkɔá Bulu ɔbɛ́ka mʋ ɛkɛkʋsʋ.