Filipifɔ 3:6 - Bulu Ntam Pɔpwɛ mʋ́a Israel Ɩlʋ

⁶ Nɛhɩɛ wa nsi, dɩnka Kristo ɔpasua amʋsʋ. Negyi Mose mbla amʋsʋ wanklaan, ɔlala metsia mɩ ɩwɩ.

Filipifɔ 3:6 Cross References

Mateo 23:25

“Mlɩ Farisifɔ pʋ́ Mose mbla asunapʋ, apinabwɛbi abwɛpʋ, mlɩgyɔwɩ nɩ. Tsufɛ mlɩtɔfwɩ mlɩ nwɛ pʋ́ mlɩ nlɛpɛ ɔma wanklaan, tamɛ atɔá mlɩlapʋ owi mʋ́a ɔnsɩpɛ swɩɩ aha sɔɔn bʋ mʋ́tɔ.

Mateo 5:20

Mʋ́ sʋ ndɛ mlɩ bla mbɛɛ, nɩ mlɩmɔbwɛ Bulu apɛ dʋn Mose mbla asunapʋ pʋ́ Farisifɔ amʋ a, mlɩmóowie Bulu iwiegyi amʋtɔ ɛkɛkɛɛkɛ.

Luka 1:6

Mʋa mʋ ka asʋn da ɔkpa Bulu ansɩtɔ. Bʋtegyi anɩ Wie Bulu mbla pʋ́ mʋ nhɩhɩɛ fɛ́ɛ́sʋ pɛpɛɛpɛ.

Gyumagyihɛ 21:20

Brɛá bonu Paulo asʋn anfɩ a, amʋ́ fɛ́ɛ́ bɛkanfʋ Bulu. Mʋʋ bɛbla mʋ bɛɛ, “Opio nu, Yudafɔ mpɩm-mpɩm ánɩ́ badamli klʋntɔ fɛ́ɛ́ bʋdɛ Mose mbla amʋtɔ kinkiinkin.

Gyumagyihɛ 22:5

Bulu igyi ɔhapʋ dɛhɛn pʋ́ Yudafɔ asʋn agyipʋ amʋ fɛ́ɛ́ bɛ́talɩ gyi asʋn anfɩ ɩwɩ adansɩɛ. Amʋ́ wa nɔhɔ ɔwʋlʋ tsu pʋ nɛya apioá bʋbʋ Damasko wulutɔ, mɩ anyɛkɩta alɩ aha amʋ wa amʋ́ ɩkan, pʋ amʋ́ ba Yerusalem, abʋbɩtɩ amʋ́ ɩsʋ.

Gyumagyihɛ 26:5

Amʋ́ fɛ́ɛ́ bʋyin mɩ dodoodo. Nɩ bʋdekle a, amʋ́ onuto bɛ́talɩ bla fʋ ánɩ́ Farisiyin ngyi wanklaan. Farisifɔ ɛ bʋtegyi Yudafɔ Bulusum mbla amʋsʋ wanklaan dʋn ɔpasua kugyikʋ.

Gyumagyihɛ 8:3

Saul mʋ́ lefi ɔpasua amʋ bwie asɩ. Oletsia ki aha woyitɔ, bɩtɩa ahogyipʋ atsɩ mʋa ayin fɛ́ɛ́ yɛwa obu.

Romafɔ 7:9

Mɩ onuto netsia brɛ kʋtɔ, mmɛbɩ mbla amʋ. Tamɛ brɛá nɛbɛbɩ mʋ́ a, nowun ánɩ́ napan mʋ́sʋ. Lakpan ɔbwɛpʋ ngyi. Mʋ́ sʋ nówu.

1 Korintofɔ 10:32

Mlɩmáha mlɩ tsiatɔ itin Yudafɔ pʋ́ Grikifɔ ntɛ Bulu ɔpasua amʋ Kristo wa ba ɔkpa.

1 Korintofɔ 15:9

Tsufɛ mɩgyi sumbi ayɔpʋ amʋtɔ ɔkʋsʋ nɩ. Tɛkɩ mmɔfʋn ánɩ́ bɛ́tɩ mɩ sumbi ɔyɔpʋ kʋraa, tsufɛ nɛdɩnka Bulu ɔpasua amʋsʋ.

Filipifɔ 2:15

mɛnɩ ɔlala méetsia mlɩ ɩwɩ; mlɩ ɩwɩ bɛ́tɩn, fɛ Bulu aha brɛ anfɩ mlɩtsie lakpan kugyikʋ abwɛpʋ ɔyɩ anfɩtɔ. Mlɩwankɩ fɛ ntsrakpabi amʋ́ ansɩtɔ.

Filipifɔ 3:9

Ɩnɩ sʋ ɩnɩá mbʋ mʋ wa sʋ a, megyi Mose mbla amʋsʋ gyi ɔbɛ́ha négyi asʋ Bulu ansɩtɔ. Kristo hogyi mboun ɔbɛ́ha négyi asʋ Bulu ansɩtɔ.

1 Timoteo 1:13

Tɛkɩ mɩtɛblɩ mʋ ɩwɩ asʋn lalahɛ, ntɛdɩnka mʋ ahasʋ, sʋpa amʋ́ nɩ. Tamɛ olowun mɩ nwɛ, tsufɛ mmɔhɔ mʋ gyi alɩ brɛ amʋtɔ, mmeyin tɔá ndɛbwɛ ɛ.