Filipifɔ 3:3 - Bulu Ntam Pɔpwɛ mʋ́a Israel Ɩlʋ

³ Tsufɛ anɩ aha amʋʋ anɩtɔpʋ Ɔŋɛ Wankɩhɛ sum Bulu amʋ gyi kete atɩnpʋ onuto nɩ. Mʋ́ sʋ abɛ́talɩ tsu ɩwɩ ɩtɔ amʋʋ Kristo Yesu labwɛ ha anɩ amʋ sʋ. Anɩtamapʋ ansɩ dɩnka tɔá nyankpʋsa lapʋ ɩbɩ bwɛsʋ.

Filipifɔ 3:3 Cross References

Israelfɔ Ɩlʋ 105:3

Mlɩnya mʋ ɩda wankɩhɛ amʋ ɩwɩ ansigyi. Nana Bulu adunkapʋ, mlɩnya ansigyi.

Romafɔ 1:9

Napʋ mɩ klʋn fɛ́ɛ́ ndɛ Bulu sum tsʋn mʋ Bi Yesu ɩwɩ asʋn wanklaan ɔkan amʋʋ ndɛda amʋsʋ. Obégyi mɩ adansɩɛá ntɛkaɩn mlɩsʋ bregyibrɛá ndɛ mpaɩ bɔ.

Romafɔ 15:17

Ɩnɩá mɩa Kristo Yesunyɔ anɩlabwɛ kʋlɛ sʋ a, mbʋ ɔkpa tsu ɩwɩ agyʋma anfɩ ndɛyɔ ha Bulu anfɩ sʋ.

Romafɔ 7:6

Tamɛ sei mʋ́ a, Bulu laha anɩlagyi ɩwɩ tsu mbla amʋʋ tɛkɩ anɩbʋ mʋ́ asɩ amʋ ɩbɩtɔ. Anɩa Kristonyɔ lowu. Mʋ́ sʋ mbla amʋ ɩtra ma tumi anɩsʋ. Anɩlagyi ɩwɩ, anɩdɛ Bulu sum tsʋn ɔkpa pɔpwɛá Ɔŋɛ Wankɩhɛ dɛ anɩ sunasʋ. Megyi ɔkpa ánɩ́ mbla wanlɩnhɛ amʋ losuna anɩsʋ.

Romafɔ 8:15

Megyi Ɔŋɛá ɩbɛ́ha mlɔ́bwɛ nkpábi, tsia nya ifu Bulu lɔpʋwa mlɩtɔ. Mboun Ɔŋɛ amʋ lɔbwɛ mlɩ Bulu abi. Ɔŋɛ amʋ sʋ anɩtɛtalɩ su kpoli Bulu anɩaa, “Abba, mɩ Sɩ!”

Romafɔ 8:39

Togyitɔá ɩbʋ ɔsʋ mʋ́a asɩ ntɛ ɔsʋlʋ ayasɩ kʋkʋʋkʋ mɛ́ɛtalɩ ka ɔdwɛ amʋʋ Bulu ladwɛ anɩ tsʋn anɩ Wie Kristo Yesusʋ amʋtɔ ɛkɛkɛɛkɛ.

Romafɔ 9:6

Ɩnɩ mosuna ánɩ́ Bulu asʋn amʋʋ ɔlɛblɩ tswɩ amʋ ɩmɛ́ɛba mʋ́tɔ. Tsufɛ megyi Israelfɔ amʋ fɛ́ɛ́ gyi Israelfɔ onutonuto.

2 Korintofɔ 11:18

Aha tsɔtsɔɔtsɔ bʋtotsu ɩwɩ fɛ ɔyɩtɔ aha, sʋ mɩ ɛ nótsu ɩwɩ.

Galatiafɔ 5:25

Ɔŋɛ Wankɩhɛ amʋ laha anɩ nkpa pɔpwɛ. Mʋ́ sʋ mlɩha agyi mʋ asʋnsʋ.

Galatiafɔ 6:16

Iwilwii mʋ́a nwewun ɩtʋ aha amʋʋ bʋdɛ mbla anfɩsʋ gyi amʋ, pʋ́ aha ánɩ́ bʋhɩɛ bʋgyi Bulu aha!

Efesofɔ 6:18

Mlɩha Bulu Ɔŋɛ amʋ ɔkpa mlɩ, amlɩbɔ mpaɩ bregyibrɛ. Mlɩkʋlɩ Bulu, ɔtsa mlɩ ɔkpagyiɔkpasʋ. Mʋ́ sʋ mlɩdɩnka ansɩ ɩwɩsʋ. Mlɩmási mpaɩ bɔ ha Bulu aha fɛ́ɛ́.

Filipifɔ 1:1

Mɩ Paulo pʋ́ anɩ pio Timoteoá anɩgyi Kristo Yesu asumpʋ dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩbʋ Filipi wulutɔ, mlɩa Yesu Kristo mlɩlabwɛ kʋlɛ. Mlɩa mlɩ ɔpasua ahandɛ pʋ́ amʋ́ abʋapʋ fɛ́ɛ́ anɩdɛ mʋ́ wanlɩn sɩsɩ.

Filipifɔ 3:12

Mmɛdɛblɩ mbɛɛ, mɩ ɩbɩ lada ntobi anfɩ fɛ́ɛ́ ntɛ Bulu labwɛ mɩ nafʋn. Ntra ndɛ nsi wa alɩá ɩbɔ́bwɛ mɩ ɩbɩ bɛ́da tɔ amʋ sʋ amʋʋ Kristo Yesu ɩbɩ lada mɩ amʋ.

Kolosefɔ 2:11

Mlɩa mʋnyɔ ɩkʋlɛbwɛ sʋ aladɩnkɩ mlɩ tsiatɔ dada amʋ lɛ mlɩsʋ fɛ alɩ amʋʋ bʋtɛtɩn kete, dɩnkɩ awʋlɩ lɛ mʋ́sʋ amʋ.

Yuda 1:20

Tamɛ apio adwɛpʋ, mlɩ mʋ́ a, mlɩpwɛ mlɩ tsiatɔ dɩnka mlɩ hogyi wankɩhɛ amʋsʋ. Mlɩbɔ mpaɩ Ɔŋɛ Wankɩhɛ amʋ tumitɔ.