Filipifɔ 3:20 - Bulu Ntam Pɔpwɛ mʋ́a Israel Ɩlʋ

²⁰ Tamɛ anɩ mʋ́ a, ɔsʋsʋ gyi anɩ otsiakpa. Ɔtɩnɛ amʋʋ anɩdɛ anɩ Ɔhɔpʋ, ogyi anɩ Wie Yesu Kristo ɔkpa kɩá obótsu ba amʋ.

Filipifɔ 3:20 Cross References

Israelfɔ Ɩlʋ 16:11

Fósuna mɩ nkpa ɔkpa. Fʋ wa ansigyiá ɩlɔfʋn bʋ. Fʋ gyɔpɩsʋ ansigyiá ɩma ɔka bʋ.

Israelfɔ Ɩlʋ 17:15

Tamɛ mɩ mʋ́ a, mɩ asʋn da ɔkpa. Mʋ́ sʋ nówun fʋ ansɩtɔ. Nɩ netsinki wun fʋ tsiatɔ a, nɔ́mwɛ.

Mateo 19:21

Yesu lɛbla mʋ ɔbɛɛ, “Nɩ fʋdekleá fɔ́fʋn mʋ́ a, yɛfɛ fʋ ɩwɩsʋ atɔ fɛ́ɛ́, afʋye kɔba amʋ ha ahianfɔ; mɛnɩ fénya siadɩɛ ɔsʋsʋ. Fɔbwɛ mʋ́ ta a, ba afʋbobuo mɩ.”

Luka 12:21

Yesu lɔmɔ mʋ́ ɔnɔ ɔbɛɛ, “Alɩ bɔ́bwɛ ɔha ánɩ́ olekle atɔ yaɩ ha mʋ ɩwɩ ɔsʋlʋ anfɩsʋ, tamɛ ɔma tɔtɔ Bulu wa nɩ.”

Luka 14:14

Bulu obóyula fʋ, tsufɛ bʋma tɔtɔá bɔ́pʋka fʋ ɩkɔ. Bulu ɔbɛ́ka fʋ ɩkɔ ɛkɛá ɔbɔ́kʋsʋa aha yile tsu afulitɔ.”

Gyumagyihɛ 1:11

Ayin amʋ bɛfɩtɛ amʋ́ bɛɛ, “Oo Galileafɔ ayin, ntɔ mlɩdɛkɩ nwʋlʋtasʋ alɩ? Alɩ anfɩ mlɩlawun Bulu latsu Yesu ɔya ɔsʋsʋ anfɩ a, alɩ kɛn obéyinkia mʋ ba nɩ.”

1 Korintofɔ 1:7

Ɩnɩ sʋ ɔŋɛtɔ atokiehɛ kugyikʋ mɛdɛ mlɩ hian, sei anfɩ mlɩhɩɛ mlɩdɛ ɛkɛá anɩ Wie Yesu Kristo obótsu ɔsʋsʋ ba bɛlɛ ɩwɩ ɔwan ɔkpa kɩ anfɩ.

1 Korintofɔ 15:48

Nyankpʋsa okugyiɔkʋ bʋ ɔsʋlʋsʋ-ɔyʋlʋ fɛ Adam, tamɛ anɩ ɔsʋsʋ-ɔyʋlʋ mʋ́ ɩbɔ́bwɛ fɛ Kristo klɛ.

2 Korintofɔ 4:18

Mʋ́ sʋ anɩmɛdɛ ɩwɩɔsɩn anfɩ anɩdewun anfɩ bu. Mʋ́á nyankpʋsa ansibi tamawun ɔkpa anɩdɛkɩ. Tsufɛ ɩwɩɔsɩn anfɩ ɩbɛ́ba bɔtsʋn. Ansigyi amʋʋ ɩbʋ ɔma, ibétsia brɛ fɛ́ɛ́ amʋ ɔkpa anɩdɛkɩ.

2 Korintofɔ 5:8

Ee! Anɩhɩɛ anɩdɛ klʋn wa, tsufɛ tɔá anɩhɩɛ anɩdedunka gyi abɔ́wa ɩfɔ ɔsʋlʋsʋ-ɔyʋlʋ anfɩ wa, ayetsia anɩ Wie wa.

Galatiafɔ 4:26

Sara mʋ́ gyi ɔdɩhɩɛ, ɔlɩɩ ha ɔsʋsʋ Yerusalem. Mʋgyi anɩ yin nɩ.

Efesofɔ 2:19

Ɩnɩ sʋ mlɩtra mlɩmegyi afɔɔ. Mlɩa Bulu aha mlɩlabwɛ ɩkʋlɛ, mlɩgyi Bulu woyi abi.

Efesofɔ 2:6

Anɩa Kristo Yesunyɔ ɩkʋlɛbwɛ anfɩ sʋ Bulu lakʋsʋa anɩa mʋnyɔ tsu lowutɔ, alaha anɩ otsiakpa Kristo wa. Anɩa mʋnyɔ abégyi iwie ɔsʋsʋ.

Filipifɔ 1:10

mɛnɩ mlɛ́bɩ tɔá ɩhɩɛ ɩbʋ alɛ. Amlɩtsia nkpa ánɩ́ mʋ́ ɩwɩ lɛtɩn, ɔlala ɩma mʋ́ ɩwɩ alɩɩ yɔfʋn ɛkɛá Kristo ɔbɛ́laba.

Filipifɔ 1:27

Tɔá idehian sei gyi, mlɩha mlɩ tsiatɔ ɩkana Kristo asʋn wanklaan amʋ. Mʋmʋ nɩ nɛba mlɩ wa o, mmɛba o, nónuá mlɩlɩɩ kinkiinkin ɩkʋlɛbwɛtɔ; mlɩdɛ hogyi amʋʋ ɩbʋ asʋn wanklaan amʋtɔ amʋ ɛ nwun prɩ.

Kolosefɔ 1:5

Mlɩdɛ ɔkpa kɩ ha tɔá bapʋyaɩ ha mlɩ ɔsʋsʋ, fɛ alɩá mlɩyin tsu brɛá mlɩlegyankpa nu ɔnɔkwalɩ asʋn amʋʋ igyi Bulu asʋn wanklaan amʋ.

1 Tesalonikafɔ 1:10

Pʋ́ alɩá mlɩgyo brɛá Bulu mʋ Bi Yesu amʋʋ ɔlɔkʋsʋa tsu afulitɔ amʋ ɔbɛ́latsu ɔsʋsʋ ba. Mʋgyi ɔha ánɩ́ ɔdɛ anɩ lɛ tsu Bulu ɔblɔ amʋʋ ɩba amʋtɔ nɩ.

1 Tesalonikafɔ 4:16

Tsufɛ anɩ Wie ɔbɔ́kplʋn tumisʋ, Bulu-ɔbɔpʋ dɛhɛn ɔbɛ́lɛ ɔnɔ, bɔ́fʋlɩ Bulu ɔkpɛ ɛ brɛá anɩ Wie onuto dɛkplɩ tsu ɔsʋsʋ ɔba. Ahogyipʋá bawu bégyankpa kʋsʋ.

2 Timoteo 4:8

Sei a, tɔá ɩda gyo mɩ gyi ɩsʋgyi atokiehɛá Bulu tɔpʋha aha ánɩ́ babwɛ yile. Anɩ Wie Yesu, ogyi asʋn ogyipʋ Ɔnɔkwalɩpʋ amʋ ɔbɔ́pʋha mɩ ɛkɛ yile amʋʋ obéyinki ba amʋ. Tamɛ megyi mɩ nkʋlɛ ɔbɔ́bwɛ ɩnɩ ha. Ɔbɛ́ha aha amʋʋ bʋdɛ mʋ yinki ba ɔkpa kɩ amʋ ɛ fɛ́ɛ́.

Tito 2:13

Brɛ anfɩ anɩdɛ ɔkpa kɩ ha ɛkɛ yile amʋʋ Bulu Ɔkpɔnkpɔntɩ, ogyi anɩ Ɔhɔpʋ Yesu Kristo ɔbɛ́lɛ mʋ numnyam ɔwan anfɩ.

Hebrifɔ 12:22

Mlɩ mʋ́ a, Sionbʋ asɩ mlɩlaba. Bulu Ɔkɩankpapʋ amʋ wulu yile, igyi ɔsʋsʋ Yerusalem pʋ́ Bulu-abɔpʋ mpɩm-mpɩm ansɩ ogyikpa mlɩlaba.

Hebrifɔ 9:28

Alɩ kɛn Kristo lɔpʋ mʋ ɩwɩ bɔ afɔdɩɛ ɔtsawʋlɛ pɛ, pʋlɛ aha tsɔtsɔɔtsɔ tsu amʋ́ lakpantɔ nɩ. Mʋ́ sʋ nɩ ɔlɛ ɩwɩ ɔwan otse nyɔsɩ a, imehian ánɩ́ ɔbɛ́tra bwɛ tɔtɔ tsu lakpan ɩwɩ. Mboun aha ánɩ́ bʋhɩɛ bʋtsie bʋgyo mʋ nkpa ɔba bɔhɔ.

Atɔ Lɛsunahɛ 1:7

Kɩ! Ɔna nwʋlʋtasʋ ɔba! Ɔhagyiɔha obówun mʋ. Aha amʋʋ bɔwɔ mʋ pɩa amʋ kʋraa bówun mʋ. Mʋ sʋ ɔyɩtɔ aha fɛ́ɛ́ bósu kʋklʋkʋʋ. Alɩ ɩbɛ́ba nɩ!