Filipifɔ 3:19 - Bulu Ntam Pɔpwɛ mʋ́a Israel Ɩlʋ

¹⁹ Aha anfɩ bɛ́hɩ. Amʋ́ apu gyi amʋ́ Bulu. Amʋ́ numnyam ɛ gyi pɛlɩ. Ɔsʋlʋsʋ atɔ ɩwɩ pɛ bʋtosusu.

Filipifɔ 3:19 Cross References

Israelfɔ Ɩlʋ 17:14

Pʋ fʋ tumi hɔ mɩ lɛ aha anfɩ ɩbɩ. Hɔ mɩ tsu aha anfɩ banya ɔyɩ anfɩtɔ ogyikpa anfɩ ɩbɩ. Amʋ́ lanya ɩwɩ gyi sian amʋ́ abi, ɩlasian ha amʋ́ aná.

Israelfɔ Ɩlʋ 52:1

Ɔha yinhɛ, ntogyi sʋ fʋdɛ ɩwɩ adabi da, lalahɛá fʋdɛpʋgyi Bulu aha sʋ? Ekekegyiɛkɛ ɔyɩkɛhɛ fɛ́ɛ́,

Mateo 16:23

Ɩnʋ ɔlɛdamli bla Petro ɔbɛɛ, “Satan, natɩ tɛɩ mɩsʋ! Fʋdɛ mɩ ɔkpa tin. Megyi tɔá Bulu dɛgywɩɩn fʋdɛgywɩɩn, anyankpʋsa klɛ fʋdɛgywɩɩn.”

Mateo 25:41

“Ɩnʋ nɛ́bla aha amʋʋ bʋlɩɩ mɩ bɩnasʋ amʋ ɛ mbɛɛ, ‘Mlɩkpʋkpɛ tɛɩ nfɩ. Bulu lalwɩɩ mlɩ. Mlɩyɔ ogya amʋʋ ɩtamadun, Bulu lɛla yaɩ ha Ɔbʋnsam mʋa mʋ abɔpʋ amʋtɔ.

Luka 12:19

Fówun nabla mɩ ɔkla mbɛɛ, “Mɩ ɔkla, ɩklʋn ɩdɩ fʋ asɩ. Kɩ, fʋbʋ atɔ tsɔtsɔɔtsɔá ɩda ha fʋ nfi-nfi. Gyi, afʋnun, ansɩ igyi fʋ.” >

Luka 16:19

Yesu lɛbla amʋ́ ɔbɛɛ, “Ɩwɩ onyapʋ ɔkʋ letsia. Atati wʋlɩhɛ ɔtɛdɩda, otegyi nkpa wanklaan ekekegyiɛkɛ.

Luka 18:4

Tɛkɩ olekle okina, tamɛ ɔma-ɔma a, ɔlɛbla mʋ ɩwɩ ɔbɛɛ, ‘Ɩbʋ mʋ́tɔá ntamanya Bulu ifu, ntamanya ɔhaa ɛ pɛlɩ.

Romafɔ 16:18

Tsufɛ aha amʋ odu a, megyi anɩ Wie Yesu Kristo bʋdesum. Amʋ́ ɔwɔlɩ lalahɛ bʋdesum. Bapʋ amʋ́ ɔnɔwankɩ pʋ́ ahakanfʋ bʋna bʋdɛ aha ánɩ́ bʋmeyin ɔlala mlɛ.

Romafɔ 6:21

Labi mɔmʋ mlɩlenya tsu lakpan amʋʋ mlɩlɔbwɛ, ndɛ ɩbʋ mlɩ pɛlɩ amʋtɔ? Mʋ́ labi gyi lowu.

1 Korintofɔ 3:3

Tsufɛ ɔyɩ anfɩtɔ tsiatɔ ɩtra bʋ mlɩtɔ. Mlɩdɛ aba lu, mlɩdɛtrɛ. Nɩ mlɩdɛ ɩnɩ bwɛ mɛ, imosuna ánɩ́ mlɩ agywɩɩn tra dɩn ɔyɩ anfɩtɔ atɔsʋ, mlɩgyi fɛ ɔmátɔfɔ?

1 Korintofɔ 5:2

ɩbʋ mlɩ ansigyi! Ɩma mlɩ awɩrɛhɔ. Pɛlɩ mɛdɛ mlɩ, mɛnɩ mlégya ɔha anfɩ odu lɛ mlɩ ɔpasuatɔ.

1 Korintofɔ 5:6

Kpaalɩ mlɩdɛ ɩwɩ tsu. Mlɩmeyin ánɩ́ bodobodotu-afa kpalobi tɛha bodobodo amʋ fɛ́ɛ́ itotu?

2 Korintofɔ 11:12

Nɔ́bwɛ mɩ agyʋma fɛ alɩá ndɛ mʋ́ bwɛ dodo. Nɔ́bwɛ mʋ́ pʋtin amʋ́ ɔkpa, nɩ bʋdɛ ɩwɩ tsu bɛɛ, gyʋma kʋlɛ anɩa amʋ́nyɔ anɩdɛbwɛ.

2 Korintofɔ 11:15

Mʋ́ sʋ ɩma wanwan ánɩ́ mʋ asumpʋ anfɩ ɛ bapina bwɛ ɩwɩ fɛ yile abwɛpʋ. Amʋ́ ɔnɔmɔ ɩbɛ́lɛ amʋ́ bwɛhɛ kugyikʋ ɔwan.

Galatiafɔ 6:13

Kete atɩnpʋ amʋ onuto o bʋtamagyi Mose mbla amʋsʋ. Tamɛ bʋdekleá mlɩtɩn kete, mɛnɩ bɔ́pʋtsu ɩwɩ suna amʋ́ aba ánɩ́ baha mlɩlatɩn kete.

Filipifɔ 2:21

Tsufɛ atrahɛ amʋ fɛ́ɛ́ bʋdɛ amʋ́ onuto klɛ kɩ, megyi Yesu Kristo klɛ.

Kolosefɔ 3:2

Mlɩha agywɩɩn ɩnʋ atɔ ɩwɩ, megyi ɔsʋlʋsʋ klɛ.

2 Tesalonikafɔ 1:9

Amʋ́ ɩsʋbɩtɩ gyi, amʋ́a anɩ Wie nsɩnɛ bɔ́wa ɩfɔ. Mʋ tumi mɔ́ɔwankɩ wʋlɩ amʋ́sʋ, obéyinta amʋ́ brɛ fɛ́ɛ́tɔ.

2 Tesalonikafɔ 2:12

Ɔbɛ́ha aha anfɩ bʋmɔhɔ ɔnɔkwalɩ amʋsʋ gyi, bʋtekle lakpan bwɛ anfɩ fɛ́ɛ́ ɩpɔn.

2 Tesalonikafɔ 2:8

Ɩnʋ mblasʋ mágyipʋ amʋ ɔbɛ́lɩn ɔwan nɩ. Tamɛ anɩ Wie Yesu oyinki ba a, mʋ ɔnɔtɔ afu kɛkɛ ɩbɔ́mɔ mʋ. Mʋ numnyam ɛ ɩbɔ́wankɩ wʋlɩ mʋsʋ yinta mʋ.

1 Timoteo 6:5

Asʋn ánɩ́ imedehian ɩwɩ nwɛn aha anfɩ odu bʋtɛnatɩ gyi. Amʋ́ agywɩɩn lawu, bʋtamablɩ ɔnɔkwalɩ. Amʋ́ odu bʋtosusuá Bulusum igyi ɔkpa kʋá fɔ́tsʋn mʋ́sʋ nya ɩwɩ.

2 Timoteo 3:4

Bɛ́lɛ aha ha, bʋmóosusu asʋn ɩwɩ, bɛ́kɩ amʋ́ ɩwɩá bʋdʋn ɔhagyiɔha, bɔ́dwɛ ɔyɩtɔ ansigyi si Bulu.

Yakobo 4:16

Nɩ imegyi alɩ a, ilosuna ánɩ́ mlɩdɛ ɩwɩ tsu, pʋ ɩbɩ si kantɔ. Lakpan ɩwɩtsu anfɩ odu gyi.

2 Petro 2:1

Bɩmbɩ amʋ a, Bulu ɔnɔsʋ atɔɩpʋ afunupʋ betsia Bulu ahatɔ. Alɩ kɛn bétsia mlɩtɔ nɩ. Bɔ́bwɛ hɩɛɛ pʋ amʋ́ onuto atosunahɛá ɩtɔmɔ bɔwa mlɩtɔ. Bɔ́kʋsʋ lɩɩ amʋ́ Wie amʋʋ ɔlɔhɔ amʋ́ amʋsʋ kʋraa, pʋhɩ amʋ́ ɩwɩ.

2 Petro 2:13

Alɩ amʋʋ baha aha bʋdɛ asʋn wun amʋ sʋ Bulu ɔbɔ́pʋ asʋn wunhɛ ka amʋ́ akɔ. Bʋtegyi ɔdwɛ nkɛtɔ, tsufɛ ansigyila bʋtɔbwɛ. Bʋtɔbwɛ pɛlɩla, kpɔɩ ɩwɩ, wie anɩtɔ anɩ nkegyitɔ. Bʋdɛ ɩwɩ mlɛ.

2 Petro 2:3

Amʋ́ ɔnsɩpɛ sʋ bɛ́kpɛkpɛ asʋn blɩ pʋswɩɩ mlɩ kɔba. Asʋn ogyipʋ Bulu lɛda ɩwɩsʋ ɔyɩ ɔpá ánɩ́ ɔbɛ́bɩtɩ amʋ́ ɩsʋ, hɩ amʋ́.

Yuda 1:10

Tamɛ aha anfɩ mʋ́ bʋtɛblɩ asʋn lalahɛ tsu tɔá bʋmonu mʋ́ asɩ ɩwɩ. Amʋ́ bwɛhɛ lɛlɩan mbwɩá bʋma agywɩɩn. Mʋ́gyi tɔá ɩtɛhɩ amʋ́ ɛ nɩ.

Yuda 1:16

Aha anfɩ bʋtɔtɔɩ ahasʋ, lɛ aha ɩla, bwɛ lalahɛ kugyikʋá bʋdekle. Bʋtotsu ɩwɩ, bun aha kpantsapa, mɛnɩ bénya tɔá bʋdekle.

Yuda 1:4

Tsufɛ aha akʋ baŋain bowie mlɩtɔ. Aha anfɩ ada ɩda ɔwʋlʋtɔ dodo ha ɩsʋbɩtɩ, tsufɛ bʋtamanya Bulu ifu. Bʋdɛblɩ bɛɛ, ɩnɩá Bulu tesi anɩ lakpan kie anɩ sʋ a, abɛ́talɩ tsia tsiatɔ lalahɛ. Bakʋsʋ lɩɩ anɩ Wie pʋ́ anɩ Ɔkpapʋ Yesu Kristo ɔkʋlɛ pɛ amʋsʋ.

Atɔ Lɛsunahɛ 18:7

Alagyi ɔdwɛ lalahɛ, tsu ɩwɩ dʋbɩ. Mʋ́ sʋ pʋ ɩwɩɔsɩn mʋ́a asʋn wunhɛ ka mʋ ɩkɔ sei. Ɔtɛbla mʋ ɩwɩ ɔbɛɛ, ‘Owie tsɩhɛ ngyi, ntsie mɩ obiasʋ. Megyi ɔsʋrapʋ ngyi, mmɔ́ɔwa nwɛ ɛkɛkɛɛkɛ!>

Atɔ Lɛsunahɛ 19:20

Tamɛ begyi ɔbwɩkɩta-atɔ amʋsʋ, bɛkɩta mʋa mʋ ɔnɔsʋ ɔtɔɩpʋ amʋʋ ɔtɔbwɛ osuna akpɔnkpɔntɩ mʋ ɩdatɔ amʋ. Ofula amʋ ɔlɔpʋmlɛ aha amʋʋ ɔbwɩkɩta-atɔ amʋ nsʋhɩɛtɔ dɩn amʋ́sʋ, bʋtosum ɔkpɩ amʋʋ bɔpwɛ lɩan ɔbwɩ amʋ nɩ. Bɔtswɩ ɔbwɩ amʋ mʋa mʋ ɔnɔsʋ ɔtɔɩpʋ amʋ wa ogya patɩ kpɔnkpɔntɩá ogya mʋa atonkodu ɩhɩɛ detsii mʋ́tɔ.

Atɔ Lɛsunahɛ 21:8

Tamɛ afupʋá beyinki mɩ ɔma, aha ánɩ́ bʋmɔhɔ mɩ gyi, mbusuo abɔpʋ, aha amɔpʋ, mbʋa atɔpʋ, atɔ alapʋ, ɩkpɩ atswɛpʋ pʋ́ afunupʋ fɛ́ɛ́ otsiakpa gyi ogya patɩ kpɔnkpɔntɩ, ogya mʋ́a atonkodu ɩhɩɛ detsii mʋ́tɔ. Ɩnɩ gyi lowu nyɔsɩ amʋ nɩ.”

Atɔ Lɛsunahɛ 22:15

Akɩaɩ obésin ɩban amʋ ɔma. Amʋ́ gyi; atɔ alapʋ, mbʋa atɔpʋ, aha amɔpʋ, ɩkpɩ atswɛpʋ pʋ́ aha ánɩ́ bʋtekle afunu, bʋtɔwa mʋ́ ɛ fɛ́ɛ́.