Filipifɔ 3:12 - Bulu Ntam Pɔpwɛ mʋ́a Israel Ɩlʋ

¹² Mmɛdɛblɩ mbɛɛ, mɩ ɩbɩ lada ntobi anfɩ fɛ́ɛ́ ntɛ Bulu labwɛ mɩ nafʋn. Ntra ndɛ nsi wa alɩá ɩbɔ́bwɛ mɩ ɩbɩ bɛ́da tɔ amʋ sʋ amʋʋ Kristo Yesu ɩbɩ lada mɩ amʋ.

Filipifɔ 3:12 Cross References

Israelfɔ Ɩlʋ 119:5

Oo, tɛkɩ nɩ nɛ́talɩ natɩ fʋ amandɩɛ amʋsʋ wanklaan,

Israelfɔ Ɩlʋ 138:8

Nana Bulu, fégyi fʋ nhɩhɩɛsʋ ha mɩ. Fʋ ɔdwɛá ɩma ɔka bʋ ɩnʋ brɛ fɛ́ɛ́. Fʋ ɩbɩ ɔnɔ atɔbwɛhɛ anɩgyi, makina anɩ.

Israelfɔ Ɩlʋ 42:1

Alɩá nani tɛnatɩ dunka abʋnkpatɔ ntsu a, alɩ ntodunka Bulu nɩ.

Israelfɔ Ɩlʋ 63:8

Mɩ mʋ́ natrʋ kɩta fʋ. Fʋ gyɔpɩ dɛ mɩ kinkiinkin.

Israelfɔ Ɩlʋ 84:2

Fʋ otsiakpa wunsɩnɛsʋ yɔ ɩhɩɛ dɩn mɩ ɔwɔlɩ. Mɩ nyankpʋsa-oyi amʋ fɛ́ɛ́ ndɛ ɩlʋ wa kanfʋ Bulu Ɔkɩankpapʋ.

Israelfɔ Ɩlʋ 94:15

tsufɛ bɛ́lagyi asʋn ɔnɔkwalɩsʋ, aha ánɩ́ amʋ́ asʋn da ɔkpa fɛ́ɛ́ bóbuo mʋ́.

Mateo 5:48

Ɩnɩ sʋ mlɩfʋn fɛ alɩá mlɩ Sɩ amʋʋ ɔbʋ ɔsʋsʋ amʋ lɔfʋn.

Gyumagyihɛ 9:15

Anɩ Wie lɛbla mʋ ɔbɛɛ, “Yɔ, mɩlalɛ mʋ mbɛɛ, ɔbwɛ mɩ osumpʋ. Ɔha ɔmá bambatɔfɔ, amʋ́ awie pʋ́ Israelfɔ fɛ́ɛ́ abʋbɩ mɩ.

Romafɔ 8:39

Togyitɔá ɩbʋ ɔsʋ mʋ́a asɩ ntɛ ɔsʋlʋ ayasɩ kʋkʋʋkʋ mɛ́ɛtalɩ ka ɔdwɛ amʋʋ Bulu ladwɛ anɩ tsʋn anɩ Wie Kristo Yesusʋ amʋtɔ ɛkɛkɛɛkɛ.

1 Korintofɔ 13:10

Tamɛ ɔŋɛtɔ atokiehɛ anfɩ fɛ́ɛ́ ɩmɔfʋn. Nɩ mʋ́á ɩlɔfʋn yi ɩba a, ɩnɩ fɛ́ɛ́ bɔ́fwɩ.

1 Korintofɔ 13:12

Sei a, anɩdɛ atɔ kɩ fulaa fɛ ogyasitɔ anɩdɛ mʋ́ kɩ. Brɛ ɩkʋ bɛ́ba a, abówun mʋ́ wanklaan. Sei a, anɩ atɔbɩ mɔfʋn. Ɔma a, abɛ́ba bɛbɩ mʋ́ fɛ alɩá Bulu yin anɩ.

1 Korintofɔ 9:24

Mlɩkaɩn ánɩ́ nɩ aha bʋsrɩ a, okugyiɔkʋ tɛyɩrɩ ɩwɩ, tamɛ ɔbakʋlɛ tegyi ɩsʋ, bʋtekie mʋ atɔ? Mlɩ ɛ mlɩyɩrɩ ɩwɩ srɩ, mɛnɩ mlégyi ɩsʋ békie mlɩ atɔ.

2 Korintofɔ 13:9

Nɩ anɩ mʋ́ anɩ ɔwʋnlɩn ɔnɔ laba asɩ, mlɩ klɛ ɩlawa ɔnlɩn a, ansɩ bégyi anɩ. Tɔá anɩdɛ Bulu kʋlɩ gyi, ɔha amlɩlalɩɩ kinkiinkin, amlɩdan Kristo hogyitɔ.

2 Korintofɔ 7:1

Mɩ apio adwɛpʋ, Bulu lahɩɛ ntobiá igyi alɩ yaɩ anɩ. Mʋ́ sʋ mlɩha afwɩ ɩbɩ lɛ togyitɔá ɩbɔ́kpɔɩ anɩ ɔyʋlʋ pʋ́ anɩ ɔkla fɛ́ɛ́tɔ. Mlɩha anya Bulu ifu, mɛnɩ ɩbɛ́ha anɩ ɩwɩ bɛtɩn, ifin kʋkʋ mɛ́ɛtra tsia anɩ ɩwɩ.

Galatiafɔ 5:17

Tsufɛ tɔá anɩ tsiatɔ dada tekle ɩhɩɛ na ɔtsan ha tɔá Ɔŋɛ Wankɩhɛ amʋ tekle. Tɔá Ɔŋɛ Wankɩhɛ amʋ tekle ɛ ɩhɩɛ na ɔtsan ha tɔá anɩ tsiatɔ dada tekle. Atoku anyɔ anfɩ ɩlɔkʋsʋ lɩɩ abasʋ, mɛnɩ mlɩmɔ́ɔbwɛ tɔá mlɩtekle.

Efesofɔ 1:4

Asa Bulu lɔbwɛ ɔyɩ a, ɔlɛlɛ anɩ bwɛ mʋ klɛ tsʋn anɩa Kristonyɔ kʋlɛbwɛsʋ, ánɩ́ abwɛ aha ánɩ́ amʋ́ ɩwɩ lɛtɩn, ifin kʋkʋ ma anɩ ɩwɩ mʋ ansɩtɔ.

Efesofɔ 4:12

Kristo lɛlɛ amʋ́ alɩ, mɛnɩ Bulu aha bɛ́talɩ yɔ mʋ agyʋma, pʋwa Kristo ɔyʋlʋ ɩkʋlɛ; igyi mʋ ɔpasua amʋ ɔwʋnlɩn,

Filipifɔ 1:1

Mɩ Paulo pʋ́ anɩ pio Timoteoá anɩgyi Kristo Yesu asumpʋ dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩbʋ Filipi wulutɔ, mlɩa Yesu Kristo mlɩlabwɛ kʋlɛ. Mlɩa mlɩ ɔpasua ahandɛ pʋ́ amʋ́ abʋapʋ fɛ́ɛ́ anɩdɛ mʋ́ wanlɩn sɩsɩ.

Filipifɔ 3:16

Tamɛ mlɩha akɩta ɔnɔkwalɩ amʋʋ Bulu lasuna anɩ amʋtɔ.

Filipifɔ 3:3

Tsufɛ anɩ aha amʋʋ anɩtɔpʋ Ɔŋɛ Wankɩhɛ sum Bulu amʋ gyi kete atɩnpʋ onuto nɩ. Mʋ́ sʋ abɛ́talɩ tsu ɩwɩ ɩtɔ amʋʋ Kristo Yesu labwɛ ha anɩ amʋ sʋ. Anɩtamapʋ ansɩ dɩnka tɔá nyankpʋsa lapʋ ɩbɩ bwɛsʋ.

Filipifɔ 3:8

Mʋ́á ɩdʋn mʋ́ kʋraa gyi, nɩ nɔpʋkɩ alɩá nɔpʋbɩ mɩ Wie Kristo Yesu a, nawun ánɩ́ ɩbʋ labi dʋn togyitɔ. Nawun ánɩ́ nahʋlɩ ntobi anfɩ ntɛkɩá ɩbʋ mɩ labi anfɩ fɛ́ɛ́, alɩá Kristo ɔbɛ́da mɩ ɩbɩ sʋ.

1 Tesalonikafɔ 5:15

Mlɩkɩá ɔha mɔ́ɔpʋ lalahɛ ka mʋ ba ɩkɔ. Mboun mlɩbwɛ yile ha aba pʋ́ aha fɛ́ɛ́.

2 Tesalonikafɔ 2:13

Apioá anɩ Wie tɔdwɛ, ilehian ánɩ́ abɛ́da Bulu ɩpan mlɩ nwunsʋ bregyibrɛ. Tsufɛ tsu brɛá ɔyɩ lɛlɩn ɔpá Bulu lɛlɛ mlɩ ánɩ́ ɔbɔ́tsʋn mʋ Ɔŋɛ amʋ pʋ́ mʋ ɔnɔkwalɩ asʋn amʋʋ mlɩlahogyi amʋsʋ tɩn mlɩ ɩwɩ, pʋhɔ mlɩ nkpa.

1 Timoteo 5:10

Ɔbwɛ ɔha ánɩ́ aha bʋyin ánɩ́ ɔlɔbwɛ yile, fɛ abisʋkɩ, afɔɔhɔ, olosum Bulu aha, ɔtɔbʋa aha ánɩ́ bʋdɛ ɩwɩɔsɩn wun, ɔlɔbwɛ agyʋma wanklaan kugyikʋ.

1 Timoteo 6:19

Nɩ bʋdɛ ɩnɩ bwɛ a, bʋdɛ atonyahɛ yaɩ ha brɛ amʋʋ ɩba amʋ. Amʋ́ ɩbɩ bɛ́da nkpa onuto amʋ.

Hebrifɔ 12:14

Mlɩbɔ mbɔdɩ amlɩha iwilwii itsia mlɩa ɔhagyiɔha nsɩnɛ. Mlɩtsia nkpa ánɩ́ mʋ́ ɩwɩ lɛtɩn, tsufɛ ɔha ánɩ́ mʋ ɩwɩ mɛtɩn móowun anɩ Wie.

Hebrifɔ 12:23

Bulu bitɩ amʋ abi, bʋgyi aha amʋʋ bawanlɩn amʋ́ ada ɔsʋsʋ amʋ ofiakpa mlɩlaba. Bulu, ogyi aha fɛ́ɛ́ asʋn ogyipʋ amʋ wa mlɩlaba. Mlɩlaba aha amʋʋ Bulu latsu amʋ́á bafʋn amʋ akla wa.

Yakobo 3:2

Anɩ fɛ́ɛ́ anɩtɛpan bregyibrɛ, tamɛ nɩ ɔkʋ tamapan mʋ tɔɩtɔ a, mʋmʋ ɔlɔfʋn. Ɔbɛ́talɩ gyi mʋ ɩwɩsʋ ɔkpagyiɔkpasʋ.

1 Petro 5:10

Tamɛ Bulu hɩɛ ɔbʋ awɩtɔlɛ ha mlɩ togyitɔtɔ. Mʋlatɩ mlɩ ba mʋ numnyamtɔ tsʋn mlɩa Kristonyɔ ɩkʋlɛbwɛtɔ. Mʋ numnyam amʋ bʋ ɩnʋ brɛ fɛ́ɛ́tɔ. Nɩ mlowun ipian kpalobi a, ɩmɔ́ɔwa ɔpá mʋ onuto obótsu mlɩ kʋsʋ, ha mléyinki lɩɩ. Ɔbɔ́wa mlɩ ɔwʋnlɩn, ha mlɛ́lɛ nlin Kristotɔ.

2 Petro 3:18

Mboun mlɩyɔ mʋ́sʋ, mɛnɩ anɩ Wie pʋ́ anɩ Ɔlɛpʋ Yesu Kristo awɩtɔlɛ pʋ́ mʋ bɩ bómoni mlɩtɔ. Numnyam ɩbwɛ mʋ klɛ tsu sei pʋya brɛ fɛ́ɛ́tɔ! Amen.