Filipifɔ 3:10 - Bulu Ntam Pɔpwɛ mʋ́a Israel Ɩlʋ

¹⁰ Mɩ agywɩɩn gyi, ndekleá nɛ́bɩ Kristo pʋ́ tumi amʋʋ Bulu lɔpʋkʋsʋa mʋ tsu afulitɔ amʋ tsɩa. Ndekleá nówun ipian fɛ alɩá Kristo lowun ipian wu,

Filipifɔ 3:10 Cross References

Mateo 20:23

Mʋʋ ɔlɛbla amʋ́ ɔbɛɛ, “Mlówun ɩwɩɔsɩn amʋ mʋ́, tamɛ mma tumiá nɛ́lɛ aha ánɩ́ bétsia mɩ gyɔpɩsʋ ntɛ mɩ bɩnasʋ. Otsiakpa ɩnʋ ɩda gyo aha amʋʋ mɩ Sɩ Bulu lala ɩnʋ yaɩ ha amʋ.”

Yohane 10:18

Ɔhaa mɛ́ɛtalɩ swɩɩ mɩ. Mɩ onuto latsula ánɩ́ nɔ́hʋlɩ mʋ́. Mbʋ ɔkpa hʋlɩ mɩ nkpa, mbʋ ɔkpa lanya mʋ́ ɛ. Ɩnɩ mɩ Sɩ lɛbla mɩ ɔbɛɛ, mbwɛ nɩ.”

Yohane 17:3

Nkpa ánɩ́ ɩtamata amʋ gyi, bʋbɩ fʋ Bulu Ɔnɔkwalɩpʋ ɔkʋkʋnʋ ɔkʋlɛ pɛ anfɩ, abʋbɩ mɩ Yesu Kristo anfɩ fɔpʋsɩsɩ ɔyɩtɔ anfɩ.

Romafɔ 8:17

Nɩ Bulu abi anɩgyi a, mʋmʋ anɩgyi mʋ atɔ agyipʋ. Anɩa Kristonyɔ obégyi mʋ atɔ. Tsufɛ nɩ awun Kristo ipian amʋ kʋ a, mʋmʋ abénya mʋ numnyam amʋ ɛ kʋ.

Romafɔ 8:29

Tsufɛ aha amʋʋ Bulu yin yaɩ amʋ a, amʋ́ ɔlɛlɛ. Aha amʋʋ ɔlɛlɛ amʋ ɔlɛtɩ ɔbɛɛ, bʋbɛ́lɩan mʋ Bi amʋ. Fówun mʋ Bi amʋ ɔbɔ́bwɛ ɔdɛhɛn mʋ abi tsɔtsɔɔtsɔtɔ.

Romafɔ 8:36

Tsufɛ bɔwanlɩn wa Bulu asʋn wanlɩnhɛ amʋtɔ bɛɛ, “Fʋ sʋ bʋdɛ anɩ mɔ ekekegyiɛkɛ. Bʋdɛ anɩ kɩ fɛ akufa ánɩ́ bapʋ bɛya ɔmɔkpa.”

2 Korintofɔ 1:10

Lɛlɛ mʋ́ a, ɔlɛlɛ anɩ tsu lowutɔ. Anɩlahogyiá obétsia lɛ anɩ bregyibrɛ.

2 Korintofɔ 1:5

Alɩ amʋʋ Kristo lɛhɩɛ wun ipian kpɔnkpɔɔnkpɔntɩ, anɩ ɛ anɩdɛ mʋ́ kʋ wun amʋ a, alɩ kɛn Bulu na Kristosʋ ɔhɩɛ ɔdɛ anɩ klʋn lwii nɩ.

2 Korintofɔ 13:4

Ɩbʋ mʋ́tɔá mʋ oyikpalihɛsʋ lowu ilosuna ánɩ́ alapɔn, tamɛ sei a, otsie nkpa Bulu tumitɔ. Brɛá anɩa mʋnyɔ anɩlɔbwɛ kʋlɛ a, anɩlɔpɔn, tamɛ sei anɩa mʋnyɔ anɩtsie nkpa Bulu tumitɔ. Mʋ́ anɩdɛpʋkpa mlɩ nɩ.

Galatiafɔ 2:20

Mʋ́ sʋ ntsie nkpa sei, tamɛ megyi mɩ onuto tsie nkpa ɔsʋlʋ anfɩsʋ. Kristo, ogyi Bulu mʋ Bi amʋ tsie mɩtɔ. Mʋlɔdwɛ mɩ, bowu ha mɩ. Mʋ hogyi sʋ ntsie nkpa.

Galatiafɔ 6:17

Asa nɛ́kpa mɩ asʋn opulu a, mbla mlɩ. Mlɩtɔ ɔhaa mátra wa mɩ tɔɩ. Tsufɛ mɩ ɩwɩ apɩna anfɩ idesuna ánɩ́ Yesu ɔkpábi ngyi.

Efesofɔ 4:13

mɛnɩ anɩ fɛ́ɛ́ abɔ́bwɛ kʋlɛ hogyitɔ, bɩ Bulu mʋ Bi amʋ. Fówun abɛ́dan, fʋn ɔkpagyiɔkpasʋ fɛ Kristo.

Filipifɔ 3:8

Mʋ́á ɩdʋn mʋ́ kʋraa gyi, nɩ nɔpʋkɩ alɩá nɔpʋbɩ mɩ Wie Kristo Yesu a, nawun ánɩ́ ɩbʋ labi dʋn togyitɔ. Nawun ánɩ́ nahʋlɩ ntobi anfɩ ntɛkɩá ɩbʋ mɩ labi anfɩ fɛ́ɛ́, alɩá Kristo ɔbɛ́da mɩ ɩbɩ sʋ.

Kolosefɔ 1:24

Ɩbʋ mɩ ansigyi ánɩ́ ndɛ ipian wun mlɩ sʋ. Tsufɛ ndɛ ɩwɩɔsɩn amʋʋ Kristo lowun sian amʋ kʋ wun ha mʋ ɔpasua, igyi mʋ nyankpʋsa-oyi amʋ.

Kolosefɔ 2:13

Tɛkɩ mlɩ lakpan pʋ́ mlɩ tsiatɔ dada amʋʋ bʋmɔkʋdɩnkɩ lɛ mlɩsʋ amʋ sʋ mlɩlowu fɛ ɔha ánɩ́ ɔmɔkʋtɩn kete. Tamɛ sei a, Bulu lakʋsʋa anɩa Kristonyɔ ba nkpa pɔpwɛtɔ, alasi anɩ lakpan fɛ́ɛ́ kie anɩ.

Kolosefɔ 3:1

Mʋ́ sʋ nɩ Bulu lakʋsʋa mlɩa Kristonyɔ ba nkpa pɔpwɛtɔ a, mlɩdunka atɔá ɩbʋ ɔsʋsʋ, ɔtɩnɛ amʋʋ Kristo tsie Bulu gyɔpɩsʋ amʋ.

1 Petro 1:3

Mlɩha akanfʋ Bulu. Mʋgyi anɩ Wie Yesu Kristo mʋ Sɩ pʋ́ mʋ Bulu nɩ. Mʋ nwewun kpɔnkpɔɔnkpɔntɩ amʋ sʋ alakʋsʋa anɩ Wie Yesu Kristo tsu afulitɔ pʋha anɩ nkpa pɔpwɛ. Ɩnɩ laha anɩlanu ɩwɩasɩá anɩ ɔkpakɩ mɔ́ɔbwɛ kpaalɩ.

2 Petro 1:13

Ee, nawun ánɩ́ ɩnɩá nenya mbʋ nkpa anfɩ mʋ́ a, ɩbʋ alɛá nétsia kaɩn mlɩ asʋn anfɩ bregyibrɛ.

1 Yohane 2:3

Nɩ anɩdɛ Bulu mblasʋ gyi a, mʋ́ ɔbɛ́ha abɛ́bɩá anɩlabɩ mʋ nɩ.

1 Yohane 2:5

Tamɛ nɩ ɔkʋ tegyi Bulu mblasʋ a, idesuna ánɩ́ mʋ Bulu-dwɛ lɔfʋn. Tɔá ɩbɛ́ha abɛ́bɩá ɩkʋlɛbwɛ bʋ anɩa Bulu nsɩnɛ gyi, anɩtsie nkpa fɛ Yesu Kristo.

Atɔ Lɛsunahɛ 1:18

Mɩgyi ɔkɩankpapʋ amʋʋ nowu amʋ nɩ. Kɩ, mbʋ nkpa brɛ fɛ́ɛ́! Mbʋ tumi lowu mʋ́a afulitɔsʋ.