Filipifɔ 2:9 - Bulu Ntam Pɔpwɛ mʋ́a Israel Ɩlʋ

⁹ Ɩnɩ sʋ Bulu lotsu mʋ fʋa ya ɔsʋsʋʋsʋ, ha mʋ ɩda ánɩ́ ɩdʋn ada fɛ́ɛ́,

Filipifɔ 2:9 Cross References

Israelfɔ Ɩlʋ 110:1

Nana Bulu lɛbla mɩ Wie ɔbɛɛ, “Tsia mɩ gyɔpɩsʋ, yɛfʋn brɛá nɔ́pʋ fʋ alupʋ bwɛ fʋ ayabi oyikpa.”

Israelfɔ Ɩlʋ 110:5

Anɩ Wie lɩɩ fʋ ɔma. Obóbwiebwie awie nwun mʋ ɔblɔ onyakɛ.

Israelfɔ Ɩlʋ 89:27

Nɔ́bwɛ mʋ mɩ bitɩ, ɔbɔ́bwɛ ɔsʋlʋsʋ awie fɛ́ɛ́ nwun.

Israelfɔ Ɩlʋ 91:14

Bulu ɔbɛɛ, “Nɛ́lɛ mʋ, tsufɛ ɔtɛhɩɛ dwɛ mɩ. Nótsu mʋ lɩɩ ɔwanklaankpa, tsufɛ oyin mɩ ɩda.

Mateo 11:27

“Mɩ Sɩ lɔpʋ togyitɔ wa mɩ ɩbɩtɔ. Ɔhaa meyin Obi amʋ, nkɛtɩ Ɔsɩ amʋ nkʋlɛ. Ɔhaa meyin Ɔsɩ amʋ ɛ, nkɛtɩ Obi amʋ pʋ́ ɔha ánɩ́ Obi amʋ latsula ánɩ́ ɔbɛ́lɛ mʋ suna.”

Mateo 28:18

Mʋʋ Yesu lɔkpʋkpɛ ba amʋ́ wa, blɩ ɔbɛɛ, “Bulu lapʋ ɔsʋ mʋ́a asɩ tumi fɛ́ɛ́ wa mɩ ɩbɩtɔ.

Luka 10:22

Mʋʋ ɔlɛbla mʋ akasɩpʋ amʋ ɔbɛɛ, “Mɩ Sɩ lapʋ togyitɔ wa mɩ ɩbɩtɔ. Ɔhaa meyin ɔha ánɩ́ Obi amʋ gyi, nkɛtɩ Ɔsɩ amʋ nkʋlɛ. Ɔhaa meyin Ɔsɩ amʋ ɛ, nkɛtɩ Obi amʋ, pʋ́ ɔha ánɩ́ Obi amʋ latsula ánɩ́ ɔbɛ́lɛ mʋ suna mʋ.”

Yohane 13:3

Yesu yin ánɩ́ mʋ Sɩ lɔpʋ togyitɔ wa mʋ ɩbɩtɔ. Oyin ánɩ́ Bulu wa motsu ba, mʋ wa meyinki yɔ nɩ.

Yohane 17:11

Nɛba fʋ wa sei. Mmɛ́ɛtra tsia ɔyɩtɔ, tamɛ amʋ́ mʋ́ bʋbʋ ɔyɩtɔ. Mɩ Sɩ Wankɩhɛ, pʋ fʋ ɩda amʋʋ fɔpʋha mɩ amʋ tumi kɩ amʋ́sʋ, mɛnɩ bɔ́bwɛ kʋlɛ fɛ alɩ amʋʋ mɩa fʋnyɔ anɩgyi kʋlɛ amʋ.

Yohane 17:12

Brɛá mbʋ amʋ́ wa a, nɛkɩta amʋ́ wanklaan, ɩda amʋʋ fɔpʋha mɩ amʋ tumitɔ. Nɛlɛ ansɩ kɩta amʋ́ wanklaan. Mmɛha amʋ́tɔ ɔkʋkʋ mɔfwɩ, dʋn ɔmʋamʋʋ ɩda yaɩ ánɩ́ ɔbɛ́hɩ amʋ. Fɛkɩ Bulu asʋn wanlɩnhɛ amʋ ɩbɛ́ba mʋ́tɔ.

Yohane 17:5

Mɩ Sɩ! Wa mɩ numnyam fʋ ansɩtɔ ngya, fɛ alɩ amʋʋ mbʋ mʋ́ fʋ wa yaɩ asa fɔbwɛ ɔyɩ amʋ.

Gyumagyihɛ 5:31

Olotsu mʋ ya ɔsʋsʋ, pʋ mʋ yɛyaɩ mʋ gyɔpɩsʋ, bwɛ mʋ aha Ɔkpapʋ pʋ́ Nkpa Ɔhɔpʋ. Fówun ɔkpa ɩdɩ ha Israelfɔ abʋdamli klʋntɔ, Bulu osi amʋ́ lakpan kie amʋ́.

Efesofɔ 1:10

Mʋ asʋn ŋainhɛ amʋ gyi, nɩ brɛ amʋ ɩfʋn a, mɔ́bwɛ mʋ atɔ bwɛhɛá ɩbʋ ɔsʋ mʋ́a asɩ fɛ́ɛ́ kʋlɛ, pʋwa anɩ Wie Kristo asɩ.

Kolosefɔ 1:18

Mʋgyi nwun ha mʋ nyankpʋsa-oyi, igyi ɔpasua amʋ, ɔdɛ mʋ́ nkpa ha. Mʋlegyankpa kʋsʋ tsu afulitɔ, ogyi togyitɔ nkpa ogyapʋ.

2 Tesalonikafɔ 1:12

Nɩ mlɛtalɩ bwɛ ɩnɩ a, mlɩ sʋ aha bɔ́pʋ numnyam ha anɩ Wie Yesu. Mʋ ɛ ɔbɔ́wa mlɩ numnyam; fɛ alɩ amʋʋ anɩ Sɩ Bulu mʋa anɩ Wie Yesu Kristo awɩtɔlɛ gyi amʋ.

Hebrifɔ 1:4

Bulu lotsu mʋ Bi amʋ fʋa dʋn Bulu-abɔpʋ fɛ́ɛ́. Alɩ kɛn ɔlɛha mʋ ɩda dʋn amʋ́ nɩ. Ɩnɩ losuna ánɩ́ ɔdʋn amʋ́ fɛ́ɛ́.

Hebrifɔ 1:9

Yilebwɛ fʋtekle. Fʋtekisi lalahɛ fɛ́ɛ́. Mʋ́ sʋ mɩ, fʋ Wie Bulu nalɛ fʋ, da fʋ ofuli. Napʋ ansigyi wa fʋtɔ dʋn fʋ aba.”

Hebrifɔ 12:2

Mlɩha apʋ ansɩ dɩnka Yesusʋ. Mʋgyi anɩ hogyi nfiasɩ pʋ́ mʋ́ ɔnɔmɔ. Ɩnɩá oyin ansigyi oduá ɩda gyo mʋ sʋ a, olotomi wun ipian oyikpalihɛsʋ wu. Omobu kpɔɩá bɔ́kpɔɩ mʋ tɔtɔ, alayɔ otsie Bulu owie obia amʋ gyɔpɩsʋ.

Hebrifɔ 2:9

Tamɛ anɩlawun Yesu. Bulu lɛba mʋ asɩ dʋn mʋ abɔpʋ brɛ itinbi kʋtɔ. Awɩtɔlɛ Bulu lɔwa bwɛ mʋ́ alɩ, tsufɛ ɔlɛha Yesu lowu ɔhagyiɔha nwunsʋ. Anɩlabɩá sei a, Bulu lapʋ numnyam pʋ́ obú dɩnka mʋsʋ, ɩwɩɔsɩn amʋʋ olowun, wu amʋ sʋ.

1 Petro 3:22

Alayɔ ɔsʋsʋ yetsia Bulu gyɔpɩsʋ sei. Bulu-abɔpʋ, ɔŋɛtɔ awie pʋ́ tumi kugyikʋ bʋbʋ mʋ asɩ.

2 Petro 1:17

Tsufɛ anɩ ansɩtɔ anɩ Sɩ Bulu lɔpʋ obú mʋ́a numnyam kpɔnkpɔɔnkpɔntɩ ha Yesu, brɛá Bulu Onumnyampʋ amʋ ɔmɛ lɛdalɩ tsu ɔsʋsʋ ɔbɛɛ, “Ɔ́nɩ gyi mɩ Bi ɔdwɛpʋá olegyi mɩ ansɩ nɩ.”

3 Yohane 1:7

Tsufɛ Kristo sʋ bʋna. Bʋmɛdɛ tɔtɔ hɔ tsu aha ánɩ́ bʋmegyi Akristofɔ wa.

Atɔ Lɛsunahɛ 11:15

Mʋʋ Bulu-ɔbɔpʋ osienɔsɩ lɔfʋlɩ mʋ ɔkpɛ. Ɩnʋ ɔmɛ akpɔnkpɔntɩ lɛlɩn tsu ɔsʋsʋ bɛɛ, “Sei a, ɔyɩtɔ iwiegyi lamli anɩ Wie Bulu mʋa Kristo, (ɔha amʋʋ Bulu lada mʋ ofuli amʋ) klɛ. Obégyi iwie brɛ fɛ́ɛ́!”

Atɔ Lɛsunahɛ 19:16

Ɩda ánɩ́ bɔwanlɩn dɩnka ɔha amʋʋ ɔdɩn ɔpɔnkɔ fututu amʋ atadɩɛsʋ pʋ́ mʋ obiansʋ gyi, “Asɩtɔ Ɔsɩ, Awietɔ Owie.”

Atɔ Lɛsunahɛ 3:21

Ɔha ánɩ́ olegyi ɩsʋ a, nɛ́ha mʋ obétsia mɩ wa, mɩ owie obia amʋsʋ. Alɩ kɛn mɩ ɛ negyi ɩsʋ, ntsie mɩ Sɩ wa mʋ owie obia amʋsʋ nɩ.

Atɔ Lɛsunahɛ 5:12

Bɔpʋ ɔmɛ kpɔnkpɔɔnkpɔntɩ wa ɩlʋ bɛɛ, “Okufabi amʋʋ bɔpʋha igyi amʋ lɔfʋn ha tumi, ɩwɩnya mʋ́a nyansa pʋ́ awutɔ ɔwʋnlɩn, ɩdayile mʋ́a numnyam pʋ́ kanfʋ.”