Filipifɔ 2:7 - Bulu Ntam Pɔpwɛ mʋ́a Israel Ɩlʋ

⁷ Mboun olesi mʋ togyitɔ ɔmagya, bwɛ mʋ ɩwɩ osumpʋ. Bɔkwɩɩ mʋ fɛ alɩá bɔkwɩɩ ɔhagyiɔha.

Filipifɔ 2:7 Cross References

Israelfɔ Ɩlʋ 22:6

Tamɛ mɩ mʋ́ a, nyambi ngyi. Mmegyi nyankpʋsa. Ɩwɩ nyankɩla ngyi ha anyankpʋsa. Ɔhaa tamafia mɩ.

Mateo 12:18

Ɔbɛɛ, “Kɩ, mɩ osumpʋá nalɛ nɩ. Ntɔdwɛ mʋ, mɩ ansɩ tegyi mʋ ɩwɩ. Nɔ́pʋ mɩ Ɔŋɛ Wankɩhɛ wa mʋtɔ. Ɔbɛ́bla ɔmátɔfɔ ɔbɛɛ, ‘Négyi amʋ́ asʋn ɔnɔkwalɩsʋ.>

Mateo 20:28

Alɩ kɛn mɩ, Nyankpʋsa-Mʋ-Bi anfɩ ɛ mmɛba mbɛɛ, bʋsum mɩ nɩ. Aha osumkpa nɛba, ampʋ mɩ nkpa hɔ aha tsɔtsɔɔtsɔ nkpa.”

Marko 9:12

Ɔlɛlɛ mʋ́ ɔnɔ ɔbɛɛ, “Ɔnɔkwalɩ igyiá Elia obégyankpa bɛla togyitɔ yaɩ wanklaan. Mʋ́ ntogyi sʋ Bulu asʋn wanlɩnhɛ amʋ kɛn lɛblɩ tsu mɩ ɩwɩ ɔbɛɛ, mɩ, Nyankpʋsa-Mʋ-Bi anfɩ nɛ́hɩɛ wun ipian, aha bɔ́sʋpa mɩ?

Luka 22:27

Ma dʋn mʋ ba? Ɔha ánɩ́ otsie ɔpʋnʋasɩ loo, ntɛ ɔha ánɩ́ odesum ɔpʋnʋ amʋ asɩ? Megyi ɔha amʋʋ otsie mʋ́ asɩ amʋ dʋn? Tamɛ mbʋ mlɩtɔ fɛ osumpʋ.

Yohane 1:14

Asʋn amʋ lebemli nyankpʋsa, oletsia anɩtɔ. Awɩtɔlɛ pʋ́ ɔnɔkwalɩ sɔɔn letsia mʋtɔ. Anɩlowun mʋ numnyam. Mʋ Sɩ lɔwa mʋ numnyam amʋ, tsufɛ Obi ɔkʋkʋnʋ ɔkʋlɛ pɛ ogyi ha mʋ.

Romafɔ 1:3

Asʋn wanklaan amʋ ɩlɔtɔɩ tsu mʋ Bi, ogyi anɩ Wie Yesu Kristo ɩwɩ. Anyankpʋsa ɔkpasʋ a, ɔlɛlɩn Owie Dawid abusuantɔ.

Romafɔ 15:3

Tsufɛ Kristo kʋraa mɔbwɛ tɔá mʋ onuto otekle. Mʋ ɩwɩ asʋn bɔwanlɩn wa Bulu asʋn amʋtɔ bɛɛ, “Asiabi amʋʋ besia fʋ amʋ fɛ́ɛ́ ɩlɛbɛdɩnka mɩsʋ.”

Romafɔ 15:8

Tsufɛ ndɛ mlɩ bla mbɛɛ, Kristo labwɛ Yudafɔ osumpʋ, mɛnɩ ibósuna ánɩ́ Bulu obégyi mʋ tɔ amʋʋ ɔlɛhɩɛ amʋ́ anain amʋsʋ.

Romafɔ 8:3

Mose Mbla amʋ ɩmɛtalɩ lɛ anɩ tsu anɩ lakpantɔ. Tsufɛ anɩ tsiatɔ dada amʋʋ ɩtɛha anɩtɔbwɛ lakpan amʋ ɩmɛha anɩmegyi mbla amʋ atosunahɛsʋ. Tamɛ Bulu lɔtsʋn ɔkpa pɔpwɛsʋ hɔ anɩ. Ɔlɔwa mʋ Bi onuto lɛba fɛ nyankpʋsa ánɩ́ ɔtɔbwɛ lakpan, tamɛ mʋ mʋ́ ɔmɔbwɛ lakpan. Bulu lɔtsʋn mʋ lowusʋ mɔ anɩ tsiatɔ dada amʋʋ lakpan legyi mʋ́sʋ amʋ.

2 Korintofɔ 13:4

Ɩbʋ mʋ́tɔá mʋ oyikpalihɛsʋ lowu ilosuna ánɩ́ alapɔn, tamɛ sei a, otsie nkpa Bulu tumitɔ. Brɛá anɩa mʋnyɔ anɩlɔbwɛ kʋlɛ a, anɩlɔpɔn, tamɛ sei anɩa mʋnyɔ anɩtsie nkpa Bulu tumitɔ. Mʋ́ anɩdɛpʋkpa mlɩ nɩ.

2 Korintofɔ 8:9

Tsufɛ mlɩyin alɩá anɩ Wie Yesu Kristo lɔdwɛ aha, wa awɩtɔlɛ. Ɩwɩ onyapʋ ogyi tɛkɩ, tamɛ anɩ sʋ ɔlɔbwɛ ɩwɩ ohiani, mɛnɩ abɔ́tsʋn mʋ ohian amʋsʋ bwɛ ɩwɩ anyapʋ.

Galatiafɔ 4:4

Tamɛ brɛá brɛ amʋ onuto lɔfʋn a, Bulu lɔwa mʋ Bi sɩsɩ, ɔha tsɩhɛ lɔkwɩɩ mʋ wa mbla amʋ asɩ.

Filipifɔ 2:6

Ɩnɩá ɔlɛlɩan Bulu ɔkpagyiɔkpasʋ o a, ɔmɔbwɛ agywɩɩn ánɩ́ obótsu mʋ ɩwɩá mʋa Bulu bʋgyi kɛkɛ.

Hebrifɔ 12:2

Mlɩha apʋ ansɩ dɩnka Yesusʋ. Mʋgyi anɩ hogyi nfiasɩ pʋ́ mʋ́ ɔnɔmɔ. Ɩnɩá oyin ansigyi oduá ɩda gyo mʋ sʋ a, olotomi wun ipian oyikpalihɛsʋ wu. Omobu kpɔɩá bɔ́kpɔɩ mʋ tɔtɔ, alayɔ otsie Bulu owie obia amʋ gyɔpɩsʋ.

Hebrifɔ 13:3

Mlɩkaɩn obu adɩpʋsʋ, fɛ mlɩa amʋ́nyɔ da obu. Mlɩkaɩn aha ánɩ́ bʋdɛ ɩwɩɔsɩn wunsʋ, fɛ mlɩa amʋ́nyɔ dɛ ɩwɩɔsɩn amʋ wun.

Hebrifɔ 4:15

Tsufɛ mʋ mʋ́ omegyi ɔha ánɩ́ omóonu anɩ asɩ nɩ anɩmɛtalɩ gyi ɩwɩsʋ. Ogyi ɔha ánɩ́ bɔsɔ mʋ kɩ ɔkpagyiɔkpasʋ fɛ anɩ, tamɛ ɔmɔbwɛ lakpan ɛkɛkɛɛkɛ.