Filipifɔ 2:25 - Bulu Ntam Pɔpwɛ mʋ́a Israel Ɩlʋ

²⁵ Tamɛ nɔbwɛ agywɩɩn ánɩ́ nɛ́layinkia Epafrodito sɩsɩ mlɩ. Anɩ pioá mɩa mʋnyɔ anɩdɛ agyʋma yɔ, anɩdɛkɔ asʋn wanklaan amʋ nwunsʋ. Mʋgyi mlɩ biá mlɩlɔwa mlɩaa, ɔba bɛkɩ mɩsʋ nɩ.

Filipifɔ 2:25 Cross References

Yohane 13:16

Ɔnɔkwalɩ ndɛ mlɩ bla. Osumpʋ ɔkʋkʋ mɔdʋn mʋ wie. Alɩ kɛn sumbi ɔyɔpʋ mɔdʋn ɔha ánɩ́ ɔlɔwa mʋ nɩ.

Yohane 17:18

Alɩ amʋʋ fɔwa mɩ sɩsɩ ɔyɩtɔ amʋ a, alɩ mɩ ɛ nawa amʋ́ sɩsɩ nɩ.

Romafɔ 16:3

Nɛha Priska mʋa mʋ klu Akwila fɛ́ɛ́ tsia. Mɩa amʋ́nyɔ letsia bwɛ anɩ Wie Kristo Yesu agyʋma.

Romafɔ 16:9

Nɛha anɩ Kristo agyʋma ɔyɔba Urbano mʋa mɩ nyawie klakla Staki tsia.

1 Korintofɔ 3:9

Agyʋma ayɔpʋ mɩa Apolo anɩgyi ha Bulu. Mlɩgyi Bulu ndɔ, mlɩgyi mʋ obu ɛ nɩ.

2 Korintofɔ 2:13

Tamɛ mɩ klʋn mɛdɩ mɩ asɩ, tsufɛ mmɔtʋ mɩ pio Tito ɩnʋ. Mʋ́ sʋ nɛkla amʋ́ ka tsʋn yɔ Makedonia nsaɩntɔ.

Filipifɔ 2:26

Tsufɛ ɔdɛ mlɩsʋ kaɩn dʋbɩ. Ɩhɩɛ dɛ mʋ han, tsufɛ mlɩlonu mʋ ɩlɔ.

Filipifɔ 4:18

Mɩ ɩbɩ lada togyitɔá mlɩlɔpʋha Epafrodito mlɩaa, ɔpʋba mɩ. Ɩtsɔ kʋraa dʋbɩ. Mʋ́ sʋ nanya togyitɔá ibéhian mɩ. Ɩtɔ anfɩ mlɩlabwɛ anfɩ igyi fɛ mlɩlaha Bulu igyiá ɩbʋ ɔfan fanfaanfan, ɩlagyi mʋ ansɩ.

Filipifɔ 4:3

Mɩ agyʋmayɔba onuto, ndɛ fʋ ɛ kokoli mbɛɛ, fʋtɔɩ kpla amʋ́ abʋbwɛ kʋlɛ. Tsufɛ bawa nsi tsa mɩa Klement pʋ́ atrahɛ amʋ anɩlada asʋn wanklaan amʋ ɔkan. Bulu lawanlɩn amʋ́ ada wa nkpa ánɩ́ ɩtamata atsiapʋ ɔwʋlʋtɔ.

Kolosefɔ 1:7

Anɩ osumba ɔdwɛpʋ Epafra gyi ɔha ánɩ́ ɔlɔpʋ asʋn wanklaan amʋ ba mlɩ. Yesu Kristo osumbi ɔnɔkwalɩpʋ ogyi, ɔdɛ mlɩ bʋa anɩ ɔfansʋ.

Kolosefɔ 4:11

Opio Yesu, bʋtɛtra tɩ mʋ Yusto ɛ ɔha mlɩ itsia. Aha abasa anfɩ pɛ gyi Yudafɔá mɩa amʋ́nyɔ anɩdɛ Bulu iwiegyi amʋ ɩwɩ agyʋma yɔ nɩ. Amʋ́ tɛkɩta klʋn wa mɩ ɩwɩtɔ nɩ.

1 Tesalonikafɔ 3:2

awa anɩ pio Timoteo, ogyi anɩ Bulu agyʋmayɔba Kristo asʋn wanklaan amʋ ɔkandatɔ sɩsɩ mlɩ. Ɔbɔwa mlɩ ɔwʋnlɩn, ɔtɔɩ kpla mlɩ amlɩlɩɩ kinkiinkin hogyitɔ,

Filemon 1:24

Alɩ kɛn mɩ agyʋmayɔba Marko mʋa Aristarko pʋ́ Dema mʋa Luka ɛ bɛha fʋ itsia nɩ.

Hebrifɔ 3:1

Ɩnɩ sʋ apio aba ánɩ́ Bulu latɩ mlɩ wa ɔsʋsʋ ayɔpʋtɔ, mlɩpʋ ansɩ dɩnka Yesusʋ. Mʋgyi Bulu sumbi ɔyɔpʋ pʋ́ mʋ igyi ɔhapʋ dɛhɛn amʋʋ anɩdɛ mʋ ɩwɩ asʋn blɩ amʋ nɩ.