Filipifɔ 2:2 - Bulu Ntam Pɔpwɛ mʋ́a Israel Ɩlʋ

² Mʋ́ sʋ mlɩbwɛ kʋlɛ, amlɩtsula dwɛ aba tsu mlɩ klʋntɔ. Mlɩbwɛ agywɩɩn kʋlɛ, amlɩyɔ agyʋma wa abatɔ pʋha mɩ ansigyi ɩfʋn.

Filipifɔ 2:2 Cross References

Israelfɔ Ɩlʋ 122:8

Mɩ apio aba sʋ ndɛ Bulu kokoli mbɛɛ, “Iwilwii itsia wulu amʋtɔ.”

Yohane 3:29

Ɩnʋ ɔlɛha amʋ́ yebi ɔbɛɛ, “Ɔka otsiapʋ bʋ mʋ ka. Ɔka otsiapʋ amʋ mʋ nyawie ɛ tetsia ɔka otsiakpa ɩnʋ, mɛnɩ ansɩ bégyi mʋ nɩ onu mʋ nyawie amʋ ɔmɛ. Alɩ kɛn ansɩ dɛ mɩ gyi sei nɩ.

Gyumagyihɛ 1:14

Aha ánɩ́ bɛtra dʋ yɔ ɩnʋ gyi, atsɩ akʋ, Yesu mʋ yin Maria pʋ́ Yesu apio. Aha anfɩ letsia bwɛ ɩkʋlɛ bɔ mpaɩ nɩ.

Gyumagyihɛ 2:1

Pentekoste Ɛkɛ, igyi Israelfɔ atɔ pɔpwɛ ɔnɔ ɔdakɛ amʋ lɔfʋn a, ahogyipʋ amʋ fɛ́ɛ́ bɛba befia amʋ́ ofiakpa.

Gyumagyihɛ 2:46

Amʋ́ fɛ́ɛ́ betsia fia Bulu ɔtswɛkpa wunsɩnɛsʋ ekekegyiɛkɛ. Bɔpʋ amʋ́ klʋntɔ-ɔdwɛ tsia gyi atɔ ɔpasuatɔ amʋ́ aba woyitɔ.

Gyumagyihɛ 5:12

Bulu lɔtsʋn sumbi ayɔpʋ amʋsʋ bwɛ ofula pʋ́ osuna tsɔtsɔɔtsɔ wulu amʋtɔ. Ahogyipʋ amʋ fɛ́ɛ́ bɔbwɛ kʋlɛ tsia fia ɔtɩnɛkʋá bʋtɛtɩ ɩnʋ Salomo Abrandasʋ.

Romafɔ 12:16

Mlɩ fɛ́ɛ́ mlɩtsia wanklaan. Mlɩmátsu ɩwɩ. Mlɩpʋ ɩwɩ manta aha ánɩ́ aha bʋtamabu amʋ́. Mlɩmákɩ mlɩ ɩwɩá mlɩdʋn akʋ.

1 Korintofɔ 1:10

Apio, nɔpʋ anɩ Wie Yesu Kristo kokoli mlɩ ánɩ́ mlɩ fɛ́ɛ́ mlɩbwɛ kʋlɛ, mɛnɩ mlɩmɛ́ɛdasaɩn. Mlɩha mlɩ agywɩɩn ɩbwɛ kʋlɛ mlɩ asʋn blɩhɛ kugyikʋtɔ.

2 Korintofɔ 13:11

Apio, ɩtrahɛ a, ansɩ igyi mlɩ. Mlɩbɔ mbɔdɩ amlɩlɩɩ kinkiinkin, amlɩdan Kristo hogyitɔ. Mlɩwa aba ɔwʋnlɩn. Mlɩ agywɩɩn ɩbwɛ kʋlɛ, amlɩtsia iwilwiitɔ, mɛnɩ Bulu amʋʋ ɔtɔdwɛ anɩ, ɔtɛha anɩ iwilwii amʋ obétsia mlɩtɔ brɛ fɛ́ɛ́. Nɛha mlɩ itsia gyagyagya.

2 Korintofɔ 2:3

Mʋ́ sʋ nɔwanlɩn ɔwʋlʋ gyankpapʋ amʋ sɩsɩ mlɩ nɩ. Fówun nɩ nɛba a, mlɩ amʋʋ mlɛ́ha ansɩ bégyi mɩ amʋ mlɩmɛ́ɛla ha awɩrɛhɔ mboun ɩkɩta mɩ. Tsufɛ mɩ ansɩ dɩn mlɩ fɛ́ɛ́sʋ ánɩ́ nɩ ansɩ dɛ mɩ gyi a, mlɩ ɛ ansɩ bégyi mlɩ.

2 Korintofɔ 7:7

Megyi mʋ ɩba amʋ nkʋlɛ lɛha ɩklʋn lolwii anɩ, mboun asʋn ánɩ́ ɔlɔpʋtsua ɩnʋ ba ɛ. Ɔlɛbla anɩ ɔbɛɛ, mlɩhɩɛ mlɩdekleá mlówun mɩ. Alɩá asʋn amʋ ɩlahan mlɩ, mlɩlanu ɩwɩasɩ ánɩ́ mlɩmɛbɩ bwɛ pʋ́ alɩá mlɩlahɩɛ tsula dɩnka mɩ klɛsʋ, sʋ ansɩ lɛtra gyi mɩ tsɩa.

Filipifɔ 1:4

Bregyibrɛá ndɛ mpaɩ bɔ ha mlɩ fɛ́ɛ́ a, ansɩ tegyi mɩ.

Filipifɔ 2:16

Mlɩyɔ mʋ́sʋ amlɩbla aha asʋn amʋʋ ɩtɛha nkpa amʋ, mɛnɩ mlɩ sʋ nɛ́talɩ pʋ ɩbɩ si kantɔ ɛkɛá anɩ Wie Kristo ɔbɛ́laba, ánɩ́ mɩ mbɔdɩ ntɛ mɩ gyumagyihɛ mɔbwɛ kpaalɩ.

Filipifɔ 2:20

Mma ɔha ánɩ́ olotsu ɩkʋ lɛ mlɩ asʋntɔ dʋn mʋ.

Filipifɔ 4:2

Ndɛ mɩ apio tsɩhɛ Euodia mʋa Sintike kokoliá bʋnu aba asɩ, tsufɛ anɩ Wie abuopʋ bʋgyi.

Kolosefɔ 2:5

Ɩbʋ mʋ́tɔá mbʋ ɩfɔ mlɩ wa, tamɛ ntosusu mlɩ ɩwɩ bregyibrɛ. Ansɩ ɛ ɩdɛ mɩ gyi ánɩ́ mlɩtsie wanklaan, mlɩlɩɩ kinkiinkin Kristosʋ hogyitɔ.

2 Tesalonikafɔ 2:13

Apioá anɩ Wie tɔdwɛ, ilehian ánɩ́ abɛ́da Bulu ɩpan mlɩ nwunsʋ bregyibrɛ. Tsufɛ tsu brɛá ɔyɩ lɛlɩn ɔpá Bulu lɛlɛ mlɩ ánɩ́ ɔbɔ́tsʋn mʋ Ɔŋɛ amʋ pʋ́ mʋ ɔnɔkwalɩ asʋn amʋʋ mlɩlahogyi amʋsʋ tɩn mlɩ ɩwɩ, pʋhɔ mlɩ nkpa.

2 Timoteo 1:4

Nɩ nɛkaɩn ntsúá fɛlɩn brɛá ndɛnatɩ si fʋsʋ a, ntekleá nówun fʋ, mɛnɩ ansigyi bɔ́bʋla mɩtɔ.

Filemon 1:20

Ɩnɩ sʋ mɩ pio ɔdwɛpʋ, anɩ Wie sʋ wa labi ha mɩ. Ha klʋn ɩdɩ mɩ asɩ Kristo sʋ.

2 Yohane 1:4

Ansɩ lɛhɩɛ gyi mɩ brɛá nowun ánɩ́ fʋ abi amʋ akʋ bʋna ɔnɔkwalɩ ɔkpa amʋsʋ, fɛ alɩá anɩ Sɩ Bulu lɛbla anɩ.

3 Yohane 1:4

Bregyibrɛá nonu alɩá mɩ abi Akristofɔ bʋna ɔnɔkwalɩ ɔkpa amʋsʋ a, ɩtɛhɩɛ wa mɩ ansigyi.