Filipifɔ 2:17 - Bulu Ntam Pɔpwɛ mʋ́a Israel Ɩlʋ

¹⁷ Tamɛ nɩ ɩbɛ́ba mʋ́tɔá bɔ́pʋ mɩ obugya wʋlɩ asɩ fɛ nta, mlɩ hogyi ɩwɩ afɔdɩɛ pʋ́ Bulu agyʋma ánɩ́ mlɩdɛyɔsʋ kʋraa a, ɩbɔ́wa mɩ ɔdwɛ. Ansɩ bégyi mɩa mlɩnyɔ fɛ́ɛ́.

Filipifɔ 2:17 Cross References

Gyumagyihɛ 20:24

Tamɛ mmotsu mʋ́ asʋnbogya. Mboun alɩá nɔ́mɔ agyʋma amʋʋ anɩ Wie Yesu lɛha mɩ amʋ ɔnɔ. Agyʋma amʋ gyi, nɛ́bla aha Bulu awɩtɔlɛ asʋn wanklaan amʋ.

Gyumagyihɛ 21:13

Ɩnʋ Paulo lɛfɩtɛ anɩ ɔbɛɛ, “Ntogyi sʋ mlɩdesu, mlɩlaha ɩwɩ lawu mɩ alɩ? Mɩ mʋ́ a, megyi klɩ amʋʋ bɛ́kɩklɩ mɩ Yerusalem amʋ pɛ nala ɩwɩ yaɩ ha. Mboun nala ɩwɩ yaɩ ánɩ́ nówu anɩ Wie Yesu sʋ ɛ.”

Romafɔ 12:1

Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ.

Romafɔ 15:16

Mʋ́gyi, mba bɔbwɛ Kristo Yesu osumbi aha ánɩ́ bʋmegyi Yudafɔtɔ. Mʋ́ sʋ ndɛ osum agyʋma anfɩ yɔ fɛ Bulu igyi ɔhapʋ. Ndɛ aha amʋʋ bʋmegyi Yudafɔ amʋ Bulu asʋn wanklaan amʋ bla, mɛnɩ bémli igyi ahatɔá Ɔŋɛ Wankɩhɛ latɩn mʋ́ ɩwɩ, ilegyi Bulu ansɩ.

2 Korintofɔ 12:15

Ɩbʋ mɩ ɔdwɛá néyinta togyitɔá mbʋ mlɩ sʋ, si mɩ ɩwɩ fɛ́ɛ́ kʋraa ha mlɩ. Ɩnɩá ndɛ mlɩ dwɛ dʋbɩ alɩ a, ntogyi sʋ ɔdwɛá mlɩ mʋ́ mlɩbʋ ha mɩsʋ dɛdɩnkɩ?

2 Korintofɔ 4:12

Ɩnɩ desuna ánɩ́ lowu dɛ anɩ lala, mlɩ ɛ mlɩdɛ nkpa ánɩ́ ɩtamata nya.

2 Korintofɔ 6:10

Anɩbʋ ɩwɩɔsɩntɔ, tamɛ Kristo sʋ anɩbʋ ansigyitɔ. Ahianfɔ anɩgyi, tamɛ anɩlaha aha bamli ɩwɩ anyapʋ. Anɩmá tɔtɔ, tamɛ anɩbʋ togyitɔ Kristo sʋ.

2 Korintofɔ 7:4

Ntɛtalɩ bla mlɩ mɩ klʋntɔ asʋn, ndɛ ɩwɩ ɛ tsu mlɩsʋ wanklaan. Anɩ ipian fɛ́ɛ́ ɔma a, mlɩlawa mɩ atɛtɔ-ɔnlɩn. Ansigyi kpɔnkpɔntɩ kʋ labʋla mɩ klʋntɔ.

Filipifɔ 1:20

Nhɩɛ nyin, mbʋ hogyiá mmɔ́ɔbwɛ tɔá ɩbɛ́ha pɛlɩ bɛ́kɩta mɩ. Mboun nɛ́tra wa ɩwɩ ɔwʋnlɩn, mɛnɩ nɩ lowu igyi o, nkpa igyi o, mɩ tsiatɔ fɛ́ɛ́ ɩbɔ́wa Kristo numnyam.

Filipifɔ 2:18

Mʋ́ sʋ ɩwa mlɩ ɔdwɛ, ansɩ igyi anɩ fɛ́ɛ́.

Filipifɔ 2:30

Tsufɛ olesi mʋ nkpa ha Kristo agyʋma amʋ. Olekle owu mʋ́tɔ brɛá ɔlɩɩ mlɩ ɩdatɔ, mʋ nkʋlɛ ɔdɛ togyitɔá tɛkɩ nɩ mlɩbʋ nfɩ mlɔ́bwɛ ha mɩ bwɛ.

Filipifɔ 4:18

Mɩ ɩbɩ lada togyitɔá mlɩlɔpʋha Epafrodito mlɩaa, ɔpʋba mɩ. Ɩtsɔ kʋraa dʋbɩ. Mʋ́ sʋ nanya togyitɔá ibéhian mɩ. Ɩtɔ anfɩ mlɩlabwɛ anfɩ igyi fɛ mlɩlaha Bulu igyiá ɩbʋ ɔfan fanfaanfan, ɩlagyi mʋ ansɩ.

Kolosefɔ 1:24

Ɩbʋ mɩ ansigyi ánɩ́ ndɛ ipian wun mlɩ sʋ. Tsufɛ ndɛ ɩwɩɔsɩn amʋʋ Kristo lowun sian amʋ kʋ wun ha mʋ ɔpasua, igyi mʋ nyankpʋsa-oyi amʋ.

1 Tesalonikafɔ 2:8

Anɩtɛhɩɛ kle mlɩ asʋn. Mʋ́ sʋ megyi Bulu asʋn wanklaan amʋ nkʋlɛ anɩlɔpʋ ba mlɩ, mboun anɩlesi anɩ ɩwɩ ɛ ha mlɩ, tsufɛ mlɩlamli anɩ adwɛpʋ.

2 Timoteo 4:6

Mɩ mʋ́ a, brɛ lafʋn ánɩ́ bɔ́pʋ mɩ obugya wʋlɩ asɩ fɛ nta ha Bulu fɛ afɔdɩɛ-abɔtɔ. Mɩ lowu lafʋn.

1 Petro 2:5

Ɔŋɛtɔ asʋn nɛba bɛblɩ a. Mlɩba Bulu wa brɛ anfɩ mlɩbʋ nkpa anfɩ, ɔbwɛ mlɩ fɛ abwiá ɔdɛpʋyi obuá bɔ́tswɛ mʋ mʋ́tɔ. Ɔbwɛ mlɩ mʋ igyi ahapʋá amʋ́ ɩwɩ lɛtɩn, amlɩtsʋn Yesu Kristosʋ ha Bulu igyi amʋʋ mʋ Ɔŋɛ losusu suna mlɩ, itegyi mʋ ansɩ amʋ.

1 Yohane 3:16

Alɩ amʋʋ Kristo lotsula wu ha anɩ amʋ ɩlasuna anɩ alɩá ɔdwɛ gyi. Mʋ́ sʋ ilehian ánɩ́ anɩ ɛ abówu ha anɩ aba alɩ kɛn.