Filipifɔ 2:15 - Bulu Ntam Pɔpwɛ mʋ́a Israel Ɩlʋ

¹⁵ mɛnɩ ɔlala méetsia mlɩ ɩwɩ; mlɩ ɩwɩ bɛ́tɩn, fɛ Bulu aha brɛ anfɩ mlɩtsie lakpan kugyikʋ abwɛpʋ ɔyɩ anfɩtɔ. Mlɩwankɩ fɛ ntsrakpabi amʋ́ ansɩtɔ.

Filipifɔ 2:15 Cross References

Israelfɔ Ɩlʋ 122:5

Ɩnʋ bɛyaɩ awie-mbia ha asʋngyi nɩ, Dawid woyitɔ awie-mbia.

Mateo 10:16

Ɔlɛtra bla amʋ́ ɔbɛɛ, “Mlɩbɩá ndɛ mlɩ wa fɛ akufa ánɩ́ bɔyɔ nkpatakutɔ. Mlɩfwifwi ansɩ fɛ awɔ, amlɩha mlɩ ɩwɩ ɩtɩn fɛ alɔpɔ.

Mateo 17:17

Yesu lɛlɛ mʋ́ ɔnɔ ɔbɛɛ, “Ndɛmba-abiá mlɩmá hogyi, mlɩ tsiatɔ ma alɛ. Alɩ nétsia mlɩ wa yɔ ekekegyiɛkɛ nɩ? Nnya klʋn ha mlɩ yɔfʋn ɔmɛnkɛ? Mlɩkpa kebi amʋ ba mɩ!”

Mateo 5:48

Ɩnɩ sʋ mlɩfʋn fɛ alɩá mlɩ Sɩ amʋʋ ɔbʋ ɔsʋsʋ amʋ lɔfʋn.

Luka 1:6

Mʋa mʋ ka asʋn da ɔkpa Bulu ansɩtɔ. Bʋtegyi anɩ Wie Bulu mbla pʋ́ mʋ nhɩhɩɛ fɛ́ɛ́sʋ pɛpɛɛpɛ.

Luka 6:35

Mʋ́ sʋ mlɩdwɛ mlɩ alupʋ, mlɩbwɛ yile ha amʋ́, mlɩpan amʋ́ atɔ, mlɩmátɩ amʋ́ akɔ, mɛnɩ Bulu ɔbɛ́ka mlɩ ɩkɔ tsɔtsɔɔtsɔ. Fówun mlɩlabwɛ Ɔsʋsʋʋsʋ mʋ Wie amʋ abi. Tsufɛ ɔbʋ awɩtɔlɛ ha aha ánɩ́ atɔ tamagyi amʋ́ ansɩ pʋ́ aha lalahɛ fɛ́ɛ́.

Yohane 5:35

Yohane asʋn blɩhɛ lɔbwɛ fɛ ɔkandɩɛá ɩdɛwankɩ. Mʋ́ sʋ mlɩlotsula gyi mʋ́ ɔdwɛ kpalobi.

Gyumagyihɛ 2:40

Petro lɛblɩ asʋn tsɔtsɔɔtsɔ, pʋtɔɩ kpla amʋ́ ɔbɛɛ, “Mlɩlɛ mlɩ ɩwɩ tsu ndɛmba-abi lalahɛ anfɩtɔ.”

Gyumagyihɛ 20:30

Mlɩtɔ akʋ o bɔ́kʋsʋ, damli ɔnɔkwalɩ amʋ pʋbɩtɩa mlɩtɔ akʋ buo ɩwɩ.

Romafɔ 16:19

Tamɛ mlɩ mʋ́ a, ɔhagyiɔha lanu alɩá mlɩlapʋ mlɩ ɩwɩ ha Kristo. Mʋ́ sʋ ɩbʋ mɩ ɔdwɛ, ansɩ dɛ mɩ gyi wanklaan mlɩ sʋ. Tamɛ ndekleá mlɩtɩn ansɩ, amlɩbɩ tɔá ɩbʋ alɛ. Mlɩmáwa ɩbɩ lalahɛtɔ.

1 Korintofɔ 1:8

Mʋ onuto ɔbɔ́wa mlɩ ɔwʋnlɩn yɔfʋn ɛkɛ amʋʋ ɔbɛ́sanki ba begyi anɩ asʋn amʋ, mɛnɩ asʋansʋ méetsia mlɩ ɩwɩ.

2 Korintofɔ 6:17

Bɔwanlɩn wa Bulu asʋn amʋtɔ ɛ bɛɛ, “Anɩ Wie Bulu ɔbɛɛ, ‘Mlɩdalɩ amʋ́tɔ, amlɩmaɩn ɩwɩ lɛ amʋ́sʋ.> ” Bɛtra wanlɩn wa Bulu asʋn amʋtɔ bɛɛ, “Mlɩmáwa ɩbɩ lalahɛtɔ, mɩ anhɔ mlɩ.”

Efesofɔ 5:27

Omekleá ifin pʋ́ asʋansʋ bétsia ɔpasua amʋ ɩwɩ, ntɛ mʋ́ ɔtɩnɛkʋ ɩbɔ́kpʋkpʋ tɩa, mɛnɩ ɩbɔ́wa mʋ onuto amʋ akɩlɛ fɛ obitebi, ɔbɛ́kpa mʋ ba mʋ ɩwɩ wa.

Filipifɔ 1:10

mɛnɩ mlɛ́bɩ tɔá ɩhɩɛ ɩbʋ alɛ. Amlɩtsia nkpa ánɩ́ mʋ́ ɩwɩ lɛtɩn, ɔlala ɩma mʋ́ ɩwɩ alɩɩ yɔfʋn ɛkɛá Kristo ɔbɛ́laba.

Filipifɔ 3:6

Nɛhɩɛ wa nsi, dɩnka Kristo ɔpasua amʋsʋ. Negyi Mose mbla amʋsʋ wanklaan, ɔlala metsia mɩ ɩwɩ.

1 Tesalonikafɔ 5:23

Bulu tɛha anɩ iwilwii. Ɔtɩn mlɩ ɩwɩ ɔkpagyiɔkpasʋ. Ɔkɩ mlɩ nyankpʋsa-oyi, mlɩ ɔŋɛ pʋ́ mlɩ ɔklasʋ tsu lalahɛ kugyikʋtɔ, mɛnɩ ɔlala méetsia mlɩ ɩwɩ anɩ Wie Yesu Kristo ɔbakɛ amʋ.

1 Timoteo 3:10

Mlɩgyankpa pʋ agyʋma ɩkʋ wa mʋ ɩbɩtɔ, pʋsɔ mʋ kɩ bɛɛ, ɔlala ma mʋ ɩwɩ, asa amlɩha mʋ ɔbwɛ ɔpasua ɔhandɛ ɔbʋapʋ.

1 Timoteo 3:2

Imehian ánɩ́ ɔlala bétsia ɔpasua ɔhandɛ ɩwɩ. Ɔbwɛ ɔka ɔkʋlɛ otsiapʋ, mʋ agywɩɩntɔ da, otegyi ɩwɩsʋ, obú bʋ mʋsʋ, ɔtɔhɔ afɔɔ, otosuna atɔ ɛ wanklaan.

1 Timoteo 5:14

Ɩnɩ sʋ ndekleá asʋrapʋ amʋʋ bʋmɔkʋdan amʋ bʋwuna tsia aklu kwɩɩ abi, abʋkɩ amʋ́ woyisʋ, mɛnɩ bʋmɛ́ɛha anɩ alupʋ ɔkpa abʋblɩ anɩ ɩwɩ asʋn lalahɛ kʋkʋ.

1 Timoteo 5:20

Wa ɩyɩn wa ɔhandɛ amʋʋ ɔdɛ lalahɛ bwɛ amʋ ɔpasua amʋ ansɩtɔ, mɛnɩ atrahɛ bénya ifu.

1 Timoteo 5:7

Bla ɔpasua amʋ asʋn anfɩ, mɛnɩ ɔhaa mɛ́ɛblɩ ɔsʋrapʋ ɔkʋkʋ ɩwɩ asʋn lalahɛ.

Tito 1:6

Imehian ánɩ́ ɔlala bétsia ɔpasua ɔhandɛ ɩwɩ. Ɔbwɛ ɔka ɔkʋlɛ otsiapʋ, mʋ abi bʋgyi ahogyipʋ. Bʋbu atɔ; bʋmábwɛ nyebi lalahɛ.

Tito 2:10

Bʋmáwi amʋ́ awie, mboun bʋwa ɔnɔkwalɩ ha amʋ́ togyitɔtɔ, mɛnɩ amʋ́ bwɛhɛ bɛ́ha aha ansɩ bégyi anɩ nkpa Ɔhɔpʋ Bulu atosunahɛ amʋ ɩwɩ.

Tito 2:15

Suna ɩnɩ aná, afʋtɔɩ kpla amʋ́ abʋgyi mʋ́sʋ. Fʋbʋ ɔkpa wa ɩyɩn wa amʋ́, nɩ bʋmɛdɛbɩ bwɛ. Máha ɔhaa ɔkɩ fʋ ansɩtɔ kotikoti.

Hebrifɔ 7:26

Yesu gyi Bulu igyi ɔhapʋ dɛhɛn onutoá anɩdehian nɩ. Mʋ ɩwɩ lɛtɩn, tsitsa kʋkʋ ɩma mʋ ɩwɩ. Lalahɛ kʋkʋʋkʋ ɛ ɩma mʋtɔ. Bulu lɛlɛ mʋ lɛ lakpan abwɛpʋ ɔkpasʋ, ha mʋ otsiakpa fʋahɛ ɔsʋsʋʋsʋ.

1 Petro 2:12

Ɩnɩá mlɩa ɔmátɔfɔ tsie sʋ a, mlɩtsia tsiatɔ wanklaan, mɛnɩ nɩ bʋdɛblɩ bɛɛ mlɩ tsiatɔ ɩma alɛ a, bówun mlɩ yilebwɛ. Fówun bɛ́kanfʋ Bulu ɛkɛ amʋʋ ɔbɛ́ba bɛkɩ amʋ́ gyumagyihɛ amʋ.

1 Petro 2:9

Tamɛ mlɩ mʋ́ a, mlɩgyi ɔmá ánɩ́ Bulu lalɛ. Owie amʋ igyi ahapʋ. Ɔmá wankɩhɛá alapʋ mlɩ bwɛ mʋ onuto aha nɩ. Mʋlalɛ mlɩ tsu okluntɔ, pʋ mlɩ ba mʋ ɔkandɩɛ wankɩhɛ amʋ asɩ ɔbɛɛ, mlɩbɛ́da ofula amʋʋ alabwɛ amʋ ɩwɩ ɔkan.

2 Petro 3:14

Mʋ́ sʋ apio adwɛpʋ, ɩnɩá mlɩgyo ɩnɩ sʋ a, mlɩyɩrɩ ɩwɩ amlɩtsia tsiatɔá mʋ́ ɩwɩ lɛtɩn, ɔlala méetsia mlɩ ɩwɩ Bulu ansɩtɔ, mɛnɩ iwilwii bétsia mlɩa mʋnyɔ nsɩnɛ.

Atɔ Lɛsunahɛ 2:5

Mʋ́ sʋ kaɩn alɩá tɛkɩ fʋgyi asa fadɩda. Damli klʋntɔ, afʋlatsia fʋ atsiabi. Nɩ megyi alɩ a, nɛ́ba bɛlɛ fʋ ɔkandɩɛ-oyi amʋ lɛ mʋ́ aba ɔpasua atrahɛ amʋtɔ.

Atɔ Lɛsunahɛ 3:9

Ɔbʋnsam abuopʋ amʋʋ bʋdɛ afunu wa bɛɛ, Yudafɔ bʋgyi amʋ a, nɛ́ka amʋ́ hɩɛ bɛ́ba bɛda akpawunu fʋ ayabiasɩ. Amʋ́ fɛ́ɛ́ bɛ́bɩá ntɔdwɛ fʋ.