Filipifɔ 2:11 - Bulu Ntam Pɔpwɛ mʋ́a Israel Ɩlʋ

¹¹ Ɔhagyiɔha ɔbɛ́lɛ blɩ ánɩ́ “Yesu Kristo gyi Owie!” pʋwa anɩ Sɩ Bulu numnyam.

Filipifɔ 2:11 Cross References

Israelfɔ Ɩlʋ 110:1

Nana Bulu lɛbla mɩ Wie ɔbɛɛ, “Tsia mɩ gyɔpɩsʋ, yɛfʋn brɛá nɔ́pʋ fʋ alupʋ bwɛ fʋ ayabi oyikpa.”

Israelfɔ Ɩlʋ 18:49

Oo Nana Bulu, ɩnɩ sʋ nɛ́kanfʋ fʋ ɔmá-ɔmá ansɩtɔ. Nɔ́wa ɩlʋ kanfʋ fʋ ɩda.

Mateo 10:32

“Nɩ ɔkʋ lɛtalɩ gyi mɩ ɩwɩ adansɩɛ ahatɔ a, mɩ ɛ négyi mʋ ɩwɩ adansɩɛ suna mɩ Sɩ ɔsʋsʋ.

Luka 2:11

Ndɛ bakwɩɩ nkpa Ɔhɔpʋ, anɩ Wie Kristo, (ɔha amʋʋ Bulu lada mʋ ofuli amʋ) ha mlɩ Owie Dawid wulutɔ!

Yohane 12:42

Mʋ́ o a, Yudafɔ ahandɛ amʋ tsɔtsɔɔtsɔ bɔhɔ mʋ gyi, tamɛ bʋmɛlɛ amʋ́ hogyi ɔwan. Tsufɛ benya ifuá Farisifɔ amʋ bɛ́bɩ amʋ́, gya amʋ́ lɛ amʋ́ ofiakpa.

Yohane 13:13

Mlɩtɛtɩ mɩ ‘Osunapʋ,> mlɩtɛtɩ mɩ ‘Owie.> Mʋ́ ɔkpa nɩ, tsufɛ mʋ́ ngyi nɩ.

Yohane 13:14

Nɩ mɩá ngyi mlɩ osunapʋ pʋ́ mlɩ Wie, nafwɩ mlɩ ayabiasɩ a, mʋmʋ ilehian ánɩ́ mlɩ ɛ mlɔ́fwɩ mlɩ aba ayabiasɩ.

Yohane 14:13

Nɔ́bwɛ togyitɔá mlɔ́kʋlɩ mɩ ɩdatɔ ha mlɩ, mɛnɩ nɔ́wa mɩ Sɩ amʋ numnyam.

Yohane 14:23

Yesu lɛlɛ mʋ́ ɔnɔ ɔbɛɛ, “Nɩ ɔkʋ dɛ mɩ dwɛ a, ɔbɔ́bwɛ dɩnka mɩ atosunahɛsʋ. Mɩ Sɩ ɔbɔ́dwɛ mʋ. Mɩa mɩ Sɩ amʋ nyɔ abɛ́ba betsia mʋ wa.

Yohane 17:1

Yesu lɛblɩ asʋn anfɩ ta, olotsu ansɩ fʋa kɩ ɔsʋsʋ bɔ mpaɩ ɔbɛɛ, “Oo mɩ Sɩ, brɛ lafʋn. Wa mɩ numnyam, mɛnɩ mɩ ɛ nɔ́wa fʋ numnyam.

Yohane 20:28

Toma lɛlɛ mʋ́ ɔnɔ ɔbɛɛ, “Mɩ Wie pʋ́ mɩ Bulu!”

Yohane 5:23

mɛnɩ ɔhagyiɔha obóbu mɩ fɛ alɩá otobu mɩ Sɩ amʋ. Ɔha ánɩ́ ɔtamabu mɩ tamabu mɩ Sɩ amʋʋ ɔlɔpʋ mɩ sɩsɩ amʋ ɛ.

Yohane 9:22

Mʋ akwɩɩpʋ amʋ bʋdɛ Yudafɔ ahandɛ amʋ ifu nya. Mʋ́ sʋ bɛblɩ alɩ nɩ. Tsufɛ ahandɛ amʋ bablɩ tswɩ bɛɛ, ɔhagyiɔha ánɩ́ ɔbɛ́blɩ ɔbɛɛ, Yesu gyi Kristo, (ɔha amʋʋ Bulu lada mʋ ofuli amʋ) a, bégya mʋ lɛ Yudafɔ ofiakpa ɩnʋ.

Gyumagyihɛ 10:36

Mlɩyin asʋn wanklaan ánɩ́ Bulu lɔpʋha Israelfɔ. Asʋn amʋ gyi, Bulu lapʋ iwilwii ba tsʋn Yesu Kristo, aha fɛ́ɛ́ Owie amʋsʋ.

Gyumagyihɛ 2:36

“Mʋ́ sʋ mlɩ Israelfɔ fɛ́ɛ́ mlɩnu. Ɩbʋ mʋ́tɔá mlɩlɛda Yesu manta oyikpalihɛsʋ. Tamɛ mlɩhɩɛ bɩá Bulu lada mʋ ofuli, bwɛ mʋ Kristo pʋ́ anɩ Wie.”

Romafɔ 14:11

Bɔwanlɩn wa Bulu asʋn amʋtɔ bɛɛ, “Anɩ Wie Bulu ɔbɛɛ, ‘Nanya mbʋ nkpa anfɩ a, ɔhagyiɔha ɔbɛ́da akpawunu mɩ ansɩtɔ; ɔhagyiɔha ɔbɛ́lɛ blɩ ɔbɛɛ, Bulu ngyi.> ”

Romafɔ 14:9

Tsufɛ Kristo lowu, yinki kʋsʋ ba nkpatɔ, mɛnɩ ɔbɔ́bwɛ akɩankpapʋ pʋ́ awupʋ fɛ́ɛ́ Owie.

Romafɔ 15:9

Kristo lɛba, mɛnɩ aha ánɩ́ bʋmegyi Yudafɔ bɛ́tɩ Bulu ɩdayile, nwɛ amʋʋ olowun amʋ́ amʋ sʋ. Fɛ alɩá Bulu asʋn wanlɩnhɛ amʋ ɩlɛblɩ. Asʋn amʋ gyi, “Anɩ Wie Bulu, ɩnɩ sʋ nɔ́wa fʋ numnyam aha ánɩ́ bʋmegyi Yudafɔ ansɩtɔ. Nɔ́wa ɩlʋ kanfʋ fʋ.”

1 Korintofɔ 12:3

Mʋ́ sʋ ndekleá mlɩbɩ mʋ́á itsu Bulu wa. Ɔhagyiɔha ánɩ́ ɔdɛpʋ Ɔŋɛ Wankɩhɛ tɔɩ mɛ́ɛtalɩ lwɩɩ anɩ Wie Yesu. Ɔha ánɩ́ Ɔŋɛ Wankɩhɛ dɛ mʋ kpa nkʋlɛ ɔbɛ́talɩ blɩ ɔbɛɛ, “Yesu gyi mɩ Wie.”

1 Korintofɔ 15:47

Ɔsʋlʋtɔ-ɩsɩ Bulu lɔpʋpwɛ nyankpʋsa gyankpapʋ, ogyi Adam amʋ. Kristo, amʋʋ obuo amʋ mʋ́ otsu ɔsʋsʋ.

1 Korintofɔ 8:6

anɩ mʋ́ anɩyin ánɩ́ Bulu ɔkʋlɛ pɛ bʋ ɩnʋ. Mʋgyi anɩ Sɩ, ɔsʋ mʋ́a asɩ Ɔbwɛpʋ. Mʋ anɩtsie nkpa ha. Anɩ Wie ɔkʋlɛ pɛ ɛ bʋ ɩnʋ. Mʋgyi Yesu Kristo. Mʋsʋ Bulu lɔtsʋn bwɛ togyitɔ. Mʋ kɛn sʋ anɩtsie nkpa nɩ.

1 Petro 1:21

Kristo laha mlɩlahɔ Bulu gyi. Bulu lɔkʋsʋa mʋ tsu afulitɔ, wa mʋ numnyam. Mʋ́ sʋ mlɩ ansɩdɩn Bulusʋ, mlɩdɛ tɔá alahɩɛ ɔkpa kɩ nɩ.

1 Yohane 4:15

Ɔhagyiɔha ánɩ́ olohogyi, ɔlɛblɩ ɔbɛɛ Yesu gyi Bulu mʋ Bi amʋ a, Bulu bʋ mʋtɔ, mʋ ɛ ɔbʋ Bulutɔ.

1 Yohane 4:2

Ɩnɩ apʋbɩá ɔŋɛ amʋ itsu Bulu wa nɩ. Nɩ ɔkʋ dɛ atɔ suna, ɔlɛblɩ ɔbɛɛ, Yesu Kristo lɛlɩn fɛ nyankpʋsa a, mʋmʋ mʋ atosunahɛ amʋ itsu Bulu wa.

2 Yohane 1:7

Aha amlɛpʋ tsɔtsɔɔtsɔ baba ɔyɩ anfɩtɔ. Bʋdɛblɩ bɛɛ, Yesu Kristo mɛlɩn fɛ nyankpʋsa. Aha anfɩ gyi aha amlɛpʋ pʋ́ Kristo alupʋ amʋ nɩ.

Atɔ Lɛsunahɛ 3:5

Nɛ́ha ɔha ánɩ́ olegyi ɩsʋ ɔbɔ́wa atadɩɛ fututu. Mméetsitsi mʋ ɩda lɛ nkpa ɔwʋlʋ amʋtɔ. Nɛ́blɩ mɩ Sɩ mʋa mʋ abɔpʋ ansɩtɔ mbɛɛ, mɩbʋ mʋ.