Filipifɔ 2:1 - Bulu Ntam Pɔpwɛ mʋ́a Israel Ɩlʋ

¹ Mlɩa Kristonyɔ mlɩlabwɛ kʋlɛ. Mʋ́ sʋ alawa mlɩ atɛtɔ-ɔnlɩn. Mʋ ɔdwɛ lalwii mlɩ klʋn. Mlɩa mʋ Ɔŋɛ amʋ ɩkʋlɛbwɛ sʋ alaha mlɩa mlɩ aba mlɩlabwɛ kʋlɛ, mlɩdɛ ɩkʋ tsu lɛ mlɩ aba asʋntɔ, mlɩdɛ aba nwɛ wun.

Filipifɔ 2:1 Cross References

Israelfɔ Ɩlʋ 133:1

Kɩ alɛ pʋ́ ansigyiá ɩbʋ nɩ apio babwɛ ɩkʋlɛ, bʋtsie abatɔ!

Luka 2:25

Alɩ brɛ amʋtɔ a, oyin dɛhɛn ɔkʋ bʋ Yerusalem, bʋtɛtɩ mʋ Simeon. Yile ɔbwɛpʋ ogyi, otenya Bulu ifu. Ɔŋɛ Wankɩhɛ bʋ mʋsʋ, otsie ogyo brɛá Bulu ɔbɔ́pʋ Ɔlɛpʋ ba mʋ aha Israelfɔ.

Yohane 14:18

“Mméesi mlɩ tswɩ fɛ awumbi. Néyinki ba mlɩ wa.

Yohane 14:27

“Iwilwii ndɛ mlɩ ha! Napʋ mɩ iwilwii ha mlɩ. Megyi mʋ́ amʋʋ ɔyɩtɔfɔ bʋtɛha amʋ odu. Mlɩmáha opuni itsii mlɩ. Ifu ɛ mákɩta mlɩ.

Yohane 17:13

Nɛba fʋ wa sei. Tamɛ brɛ anfɩ ntra mbʋ ɔyɩtɔ nfɩ ndɛ asʋn anfɩ blɩ, mɛnɩ bénya ansigyi fɛ alɩ amʋʋ mɩ ɛ mbʋ ansigyitɔ amʋ.

Gyumagyihɛ 2:46

Amʋ́ fɛ́ɛ́ betsia fia Bulu ɔtswɛkpa wunsɩnɛsʋ ekekegyiɛkɛ. Bɔpʋ amʋ́ klʋntɔ-ɔdwɛ tsia gyi atɔ ɔpasuatɔ amʋ́ aba woyitɔ.

Gyumagyihɛ 4:32

Ahogyipʋ amʋ fɛ́ɛ́ bɔpʋ ɩklʋn kʋlɛ mʋ́a agywɩɩn kʋlɛ tsia. Ɔkʋkʋ mɛblɩ ɔbɛɛ, tɔá mʋbʋ igyi mʋ nkʋlɛ klɛ. Mboun okugyiɔkʋ atɔ lɔbwɛ amʋ́ fɛ́ɛ́ klɛ.

Romafɔ 5:5

Ansɩ pʋdɩnka Bulusʋ ɩmɛ́ɛha pɛlɩ mɛ́ɛkɩta anɩ. Tsufɛ Bulu lɔtsʋn Ɔŋɛ Wankɩhɛ amʋʋ ɔlɔpʋha anɩ amʋsʋ pʋ́ mʋ ɔdwɛ wa anɩ klʋntɔ.

Romafɔ 8:26

Ɔŋɛ Wankɩhɛ amʋ tɛtsa anɩ anɩ pɔntɔ. Tsufɛ anɩmeyin alɩá abɔ́kʋlɩ Bulu atɔ, ibégyi mʋ ansɩ. Ɔŋɛ amʋ onuto tɛhɩɛ kɩmɩ pʋkʋlɩ Bulu atɔ ha anɩ, dʋn alɩá anɩ onuto abɛ́talɩ.

1 Korintofɔ 12:13

Anɩtɔ akʋ anɩgyi Yudafɔ, akʋ Grikifɔ, akʋ nkpábi ntɛ adɩhɩɛ, tamɛ bɔpʋ Ɔŋɛ Wankɩhɛ amʋ bɔ anɩ fɛ́ɛ́ asu wa Kristo ɔyʋlʋ kʋlɛ amʋtɔ, Bulu lɔpʋ Ɔŋɛ amʋ kɛn nuna anɩ fɛ́ɛ́.

1 Korintofɔ 15:31

Mɩ apio, nɛkasɛ, ntefia alowusʋ ekekegyiɛkɛ! Igyi tɔá ntɔpʋtsu ɩwɩá mlɩa anɩ Wie Kristo Yesu mlɩlabwɛ ɩkʋlɛ.

1 Korintofɔ 3:16

Mlɩmeyin ánɩ́ Bulu ɔtswɛkpa mlɩgyi, Bulu Ɔŋɛ amʋ tsie mlɩtɔ?

2 Korintofɔ 2:14

Tamɛ ndɛ Bulu ɩpan da ánɩ́ Kristo ɩsʋgyi sʋ alabwɛ anɩ ndoun, alakpa anɩ buo ɩwɩ, anɩdɛ mʋ ɩsʋgyi amʋ nkɛ gyi. Nɩ ayɔ ɔtɩnɛgyiɔtɩnɛ a, ɔtɔtsʋn anɩsʋ bla aha amʋ Kristo asʋn wanklaan amʋ, fɛ alɩá ofobi fanfan tɔwa ɔfan yɔ tsutsuutsu.

Galatiafɔ 4:6

Bulu lodunka ánɩ́ obósuna ánɩ́ mlɩlabwɛ mʋ abi. Mʋ́ sʋ ɔlɔpʋ mʋ Bi amʋ Ɔŋɛ wa anɩ ɩklʋntɔ nɩ. Ɔŋɛ amʋ tɛha anɩtokpoli mʋ anɩaa, “Abba, mɩ Sɩ!” nɩ.

Galatiafɔ 5:22

Tamɛ nɩ Ɔŋɛ Wankɩhɛ amʋ dɛ anɩ kpa a, mʋ́ abi swiehɛá ibétsia anɩtɔ gyi, ɔdwɛ, ansigyi, iwilwii, ɩklʋnya, awɩtɔlɛ, yilebwɛ, ɔnɔkwalɩ,

Efesofɔ 4:4

Ɔyʋlʋ kʋlɛ ɩwɩ ntobi anɩ fɛ́ɛ́ anɩgyi. Ɔŋɛ Wankɩhɛ kʋlɛ pɛ bʋ ɩnʋ. Alɩ kɛn Bulu lɛlɛ anɩ fɛ́ɛ́ ɔbɛɛ, abɛ́kɩ toku kʋlɛ pɛ ɔkpa nɩ.

Filipifɔ 1:8

Bulu yin ánɩ́ ntosusu mlɩ ɩwɩ, ntɛhɩɛ dwɛ mlɩ fɛ alɩá Kristo Yesu tɔdwɛ mlɩ.

Filipifɔ 3:3

Tsufɛ anɩ aha amʋʋ anɩtɔpʋ Ɔŋɛ Wankɩhɛ sum Bulu amʋ gyi kete atɩnpʋ onuto nɩ. Mʋ́ sʋ abɛ́talɩ tsu ɩwɩ ɩtɔ amʋʋ Kristo Yesu labwɛ ha anɩ amʋ sʋ. Anɩtamapʋ ansɩ dɩnka tɔá nyankpʋsa lapʋ ɩbɩ bwɛsʋ.

Kolosefɔ 2:2

Ndɛ mʋ́ bwɛ pʋwa amʋ́ ɔwʋnlɩn, abʋbwɛ kʋlɛ, dwɛ aba, nu asʋn asɩ wanklaan, mɛnɩ bónu Bulu asʋn ŋainhɛ amʋʋ igyi Kristo amʋ fɛ́ɛ́ asɩ.

Kolosefɔ 3:12

Mʋ́ sʋ ɩnɩá Bulu lalɛ mlɩ pʋbwɛ mʋ aha ánɩ́ amʋ́ ɩwɩ latɩn pʋ́ mʋ adwɛpʋ a, mlɩha nwewun, awɩtɔlɛwa, ɩwɩasɩba, ilwii pʋ klʋnya itsia mlɩtɔ.

Hebrifɔ 6:18

Bulu tamawa afunu! Mʋ tɔ amʋʋ ɔlɛhɩɛ yaɩ amʋ, pʋ́ ntam amʋ igyi atoku anyɔá ɩmɛ́ɛtsɛ ɛkɛkɛɛkɛ. Ɩnɩ sʋ anɩ aha amʋʋ anɩlasrɩ tanʋ mʋ amʋ anɩbʋ tɔá abɔ́pʋwa ɩwɩ ɔwʋnlɩn, akɩta tɔ amʋʋ anɩdɛ ɔkpa kɩ amʋtɔ kinkiinkin.

1 Petro 1:2

Ɔsɩ Bulu lalɛ mlɩ fɛ alɩ amʋʋ ɔlɛhɩhɩɛ mʋ́ yaɩ ánɩ́ ɩba mʋ́tɔ amʋ. Bulu latsʋn Ɔŋɛ Wankɩhɛ amʋsʋ bwɛ mlɩ mʋ aha, mɛnɩ mlóbu Yesu Kristo, mʋ obugya ɛ ɩbɔ́gyʋra mlɩ. Bulu ɔhɩɛ gyi mlɩ bʋalɛ, ɔha mlɩ iwilwii tsɔtsɔɔtsɔ!

1 Yohane 3:24

Ɔha ánɩ́ ɔdɛ Bulu mblasʋ gyi mʋa Bulu babwɛ kʋlɛ. Bulu bʋ mʋ klʋntɔ. Tɔá itosuna anɩá ɔbʋ anɩ klʋntɔ gyi Ɔŋɛ Wankɩhɛ amʋʋ ɔlɔpʋha anɩ amʋ.

1 Yohane 4:12

Ɔhaa mɔkʋhɩɛ wun Bulu kɩ. Nɩ anɩdɛ aba dwɛ a, idesuna ánɩ́ Bulu bʋ anɩ klʋntɔ. Mʋ́ sʋ mʋ ɔdwɛ lɔfʋn anɩtɔ.

1 Yohane 4:16

Mʋ́ sʋ anɩyin ɔdwɛá Bulu bʋ ha anɩ, anɩlɔhɔ mʋ́sʋ gyi. Bulu gyi ɔdwɛ. Mʋ́ sʋ nɩ ɔkʋ tɔdwɛ Bulu pʋ́ mʋ aba a, ɔbʋ Bulutɔ, Bulu ɛ bʋ mʋtɔ.