Filipifɔ 1:9 - Bulu Ntam Pɔpwɛ mʋ́a Israel Ɩlʋ

⁹ Ndɛ Bulu kokoli mbɛɛ, ɔha amlɩdwɛ aba dʋn alɩ, amlɩtɩn ansɩ, nu asʋn amʋ ɛ asɩ wanklaan,

Filipifɔ 1:9 Cross References

Israelfɔ Ɩlʋ 119:66

Suna mɩ nyansa pʋ́ asʋn-asɩnu, tsufɛ nahɔ fʋ mbla amʋsʋ gyi.

1 Korintofɔ 14:20

Mɩ apio, mlɩmábwɛ agywɩɩn fɛ nyebi. Mlɩbwɛ ɩwɩ fɛ kebi-bɔbwɛ lakpanbwɛtɔ, tamɛ mlɩgywɩɩn fɛ ɔhandɛ.

2 Korintofɔ 8:7

Mlɩlafʋn ɔkpagyiɔkpasʋ, tsufɛ mlɩhɩɛ mlɩbʋ hogyi, mlɩyin tɔɩ, mlɩlɛtɩn ansɩ. Tɔtɔ tamakpɔn mlɩ, mlɩtɛhɩɛ dwɛ anɩ ɛ. Ndekleá mlɩbɔ mbɔdɩ awɩtɔlɛ agyʋma anfɩ ɛtɔ dʋn ɔhagyiɔha.

Efesofɔ 5:17

Mʋ́ sʋ mlɩmábwɛ mimlala. Mboun mlɩbɔ mbɔdɩ amlɩbɩ tɔá anɩ Wie tekle, amlɩbwɛ mʋ́.

Kolosefɔ 1:9

Mʋ́ sʋ anɩmɔkʋsi mpaɩ bɔ mlɩ nwunsʋ tsu ɛkɛá anɩlonu mlɩ ɩwɩ asʋn anfɩ. Anɩdɛ Bulu kokoli anɩaa, ɔha amlɩbɩ mʋ apɛ kugyikʋ wanklaan. Ɔha mʋ Ɔŋɛ Wankɩhɛ amʋ ɔha mlɩ nyansa mʋ́a asʋn-asɩnu fɛ́ɛ́,

Kolosefɔ 3:10

Mlɩlalatsu tsiatɔ pɔpwɛ. Bulu gyi mʋ́ Ɔbwɛpʋ, ɔdɛ mʋ́ bwɛ pɔpwɛ lɩan mʋ ɩwɩ brɛ anfɩ mlɩdɛ mʋ bɩ anfɩ.

1 Tesalonikafɔ 3:12

Anɩ Wie ɔha mlɩ apio aba pʋ́ aha fɛ́ɛ́ dwɛ ɔnɔ ɩwa ɔnlɩn, fɛ alɩ amʋʋ anɩtɔdwɛ mlɩ amʋ.

1 Tesalonikafɔ 4:1

Apio, ɩtrahɛ a, anɩlosuna mlɩ tsiatɔ, mɛnɩ Bulu ansɩ bégyi mlɩ ɩwɩ. Lɛlɛ mʋ́ a, alɩ mlɩ tsiatɔ gyi nɩ. Sei a, anɩhɩɛ anɩdɛ mlɩ kokoli anɩ Wie Yesu ɩdatɔ anɩaa, mlɩbwɛ mʋ́ dʋn alɩ.

2 Tesalonikafɔ 1:3

Apio, ilehian ánɩ́ abɛ́da Bulu ɩpan mlɩ nwunsʋ bregyibrɛ. Tsufɛ mlɩdɛdan hogyitɔ tsɩa. Ɔdwɛá mlɩbʋ ha aba ɛ idemoni tsɩa.

Filemon 1:6

Ndɛ Bulu kokoli mbɛɛ, ɔha afʋtalɩ bla aha fʋ hogyi ɩwɩ asʋn, mɛnɩ ɩbɛ́ha fónu ɩtɔ wanklaan ánɩ́ anɩlanya Kristo-buotɔ asɩ.

Hebrifɔ 5:14

Ɔhandɛ tegyi tɔá ɩbʋ ɔnlɩn, tsufɛ alatsʋntsʋn ntobitɔ kɩ, alakasɩ bɩ yile mʋ́a lalahɛ.

1 Petro 1:22

Mlɩlagyi dɩnka ɔnɔkwalɩ amʋʋ ɩbʋ Kristotɔ amʋsʋ. Mʋ́ sʋ mlɩlatɩn mlɩ ɩwɩ ha Bulu, mlɩdɛ aba dwɛ fɛ apio. Megyi ansɩtɔ-ɔdwɛ mlɩdɛpʋha aba. Mlɩyɔ mʋ́sʋ amlɩdwɛ aba wanklaan tsu mlɩ klʋntɔ.

2 Petro 3:18

Mboun mlɩyɔ mʋ́sʋ, mɛnɩ anɩ Wie pʋ́ anɩ Ɔlɛpʋ Yesu Kristo awɩtɔlɛ pʋ́ mʋ bɩ bómoni mlɩtɔ. Numnyam ɩbwɛ mʋ klɛ tsu sei pʋya brɛ fɛ́ɛ́tɔ! Amen.