Filipifɔ 1:5 - Bulu Ntam Pɔpwɛ mʋ́a Israel Ɩlʋ

⁵ Tsufɛ tsu ɛkɛá mlɩlɔtsɔ asʋn wanklaan amʋ nu a, mlɩdɛ anɩ tsa anɩdɛ mʋ́ ɔkan da bɔtʋ ndɛ.

Filipifɔ 1:5 Cross References

Gyumagyihɛ 2:42

Ahogyipʋ amʋ bɛlɛ ansɩ kɩta sumbi ayɔpʋ amʋ atosunahɛ, amʋ́ ɩkʋlɛbwɛ togyitɔtɔ, ɔpasua amʋtɔ atogyihɛtɔ-ye pʋ́ mpaɩbɔtɔ.

Romafɔ 11:17

Bɛkpalɩ oyi bambi pʋ bamba tsa mʋ́sʋ. Yudafɔ gyi oyi amʋ. Mlɩ aha ánɩ́ mlɩmegyi Yudafɔ gyi bambi bamba amʋʋ bapʋtsa mʋ́sʋ amʋ, mɛnɩ mlénya oyi amʋtɔ ntsu wanklaan amʋ kʋ.

Romafɔ 12:13

Mlɩbʋa mlɩ aba Bulu aha ánɩ́ bʋbʋ ɩkplantɔ. Mlɩyɩrɩ ɩwɩ hɔ afɔɔ.

Romafɔ 15:26

Tsufɛ Akristofɔá bʋbʋ Makedonia pʋ́ Akaia ɔsʋlʋsʋ bapʋ ɔdwɛ dunka atɔ bʋdɛpʋsɩsɩ Bulu aha ánɩ́ bʋgyi ahianfɔ Yerusalem.

1 Korintofɔ 1:9

Ɔnɔkwalɩpʋ Bulu gyi. Mʋlɛtɩ mlɩ ɔbɛɛ, mlɩa mʋ Bi, ogyi anɩ Wie Yesu Kristonyɔ mlɩbɔbwɛ kʋlɛ.

2 Korintofɔ 8:1

Apio, anɩdekleá mlɩbɩ awɩtɔlɛá Bulu lawa ha ɔpasua amʋʋ bʋbʋ Makedonia ɔmátɔ amʋ.

Efesofɔ 3:6

Mʋ asʋn ŋainhɛ amʋ gyi, Bulu layula ɔma bambasʋfɔ ɛ fɛ Yudafɔ, tsʋn mʋ asʋn wanklaan amʋsʋ. Amʋ́a Yudafɔ bamli ɔlɛpɛ ɔkʋlɛtɔ atɔ agyipʋ. Alabwɛ amʋ́a Yudafɔ kʋlɛ. Mʋ́ sʋ babwɛ ɔyʋlʋ kʋlɛ. Amʋ́ ɛ bénya atɔ amʋʋ Bulu lɛhɩɛ ánɩ́ ɔbɛ́ha Yudafɔ tsʋn Kristo Yesusʋ amʋ kʋ.

Filipifɔ 1:12

Mɩ apio, ilehian ánɩ́ mlɛ́bɩá ɩkplan anfɩ ɩlatʋ mɩ anfɩ laha asʋn wanklaan amʋ laklɛɩ tsɩa.

Filipifɔ 1:16

Alɩ aha anfɩ bʋdɛpʋ mɩ ɩwɩ ɔdwɛ da asʋn wanklaan amʋ ɔkan. Tsufɛ bʋyin ánɩ́ Bulu lɔpʋ mɩ ba nfɩá mbɛprɩ mʋ asʋn amʋ nwun.

Filipifɔ 1:27

Tɔá idehian sei gyi, mlɩha mlɩ tsiatɔ ɩkana Kristo asʋn wanklaan amʋ. Mʋmʋ nɩ nɛba mlɩ wa o, mmɛba o, nónuá mlɩlɩɩ kinkiinkin ɩkʋlɛbwɛtɔ; mlɩdɛ hogyi amʋʋ ɩbʋ asʋn wanklaan amʋtɔ amʋ ɛ nwun prɩ.

Filipifɔ 1:7

Ɩlɛkana ánɩ́ nósusu mlɩ fɛ́ɛ́ ɩwɩ alɩ, tsufɛ ntɛhɩɛ dwɛ mlɩ. Ɩnɩá nda obu, ntɛ ndɛkɔ asʋn wanklaan amʋ nwunsʋ, mlɩlɩɩ mɩ ɔma a, anɩ fɛ́ɛ́ Bulu dɛ bʋalɛ gyi.

Filipifɔ 2:12

Ɩnɩ sʋ apio adwɛpʋ, alɩ amʋʋ mlɩtobu mɩ brɛ amʋʋ mbʋ mlɩ wa amʋ a, ɩnɩá mma mlɩ wa o a, mlɩbɔ mbɔdɩ amlɩbwɛ mʋ́ alɩ. Mlɩpʋ ifu mʋ́a kpɩnkɩ yɔ mlɩ nkpahɔ agyʋma amʋ mɔ ɔnɔ.

Filipifɔ 2:22

Tamɛ mlɩyin alɩá Timoteo lagyi mʋ ɩwɩ adansɩɛ wanklaan. Alatsa mɩ anɩlada asʋn wanklaan amʋ ɔkan fɛ obi mʋ́a ɔsɩ.

Filipifɔ 4:3

Mɩ agyʋmayɔba onuto, ndɛ fʋ ɛ kokoli mbɛɛ, fʋtɔɩ kpla amʋ́ abʋbwɛ kʋlɛ. Tsufɛ bawa nsi tsa mɩa Klement pʋ́ atrahɛ amʋ anɩlada asʋn wanklaan amʋ ɔkan. Bulu lawanlɩn amʋ́ ada wa nkpa ánɩ́ ɩtamata atsiapʋ ɔwʋlʋtɔ.

Filemon 1:17

Mʋ́ sʋ nɩ fʋyin ánɩ́ fʋ ba gyi mɩ a, mʋmʋ kpla mʋ wa ɩwɩtɔ fɛ alɩá fɔ́bwɛ mɩ.

Hebrifɔ 3:14

Tsufɛ nɩ akɩta anɩ hogyitɔ kinkiinkin, fɛ brɛ amʋʋ anɩlɔtsɔ hogyi amʋ yɔfʋn mʋ́ ɔnɔmɔ a, anɩa Kristonyɔ abɛ́kan, bwɛ toku kʋlɛ.

2 Petro 1:1

Mɩ Yesu Kristo osumbi pʋ́ mʋ sumbi ɔyɔpʋ Simon Petro dɛ ɔwʋlʋ anfɩ wanlɩn. Ndɛ mʋ́ wanlɩn sɩsɩ mlɩ fɛ́ɛ́á mlɩlanya hogyiá ɩbʋ labi fɛ anɩ klɛ, Bulu mʋa anɩ Ɔlɛpʋ Yesu Kristo yilebwɛ laha anɩlanya amʋ.

1 Yohane 1:3

Asʋn ánɩ́ anɩlonu pʋ́ tɔá anɩlowun anɩdɛ mlɩ bla, mɛnɩ anɩa mlɩnyɔ abɔ́bwɛ kʋlɛ. Tsufɛ anɩa Ɔsɩ amʋ pʋ́ mʋ Bi Yesu Kristonyɔ gyi kʋlɛ.

1 Yohane 1:7

Tamɛ nɩ anɩna wankɩ amʋtɔ, fɛ alɩá mʋ onuto ɔna a, ɩkʋlɛbwɛ bʋ anɩa anɩ aba nsɩnɛ. Mʋ́ sʋ mʋ Bi Yesu Kristo obugya amʋ tɛtɩn anɩ ɩwɩ tsu anɩ lakpantɔ.