Filipifɔ 1:25 - Bulu Ntam Pɔpwɛ mʋ́a Israel Ɩlʋ

²⁵ Nyin alɩ. Mʋ́ sʋ nétsia mlɩ wa abɔ́yɔ agyʋma amʋ, mɛnɩ mlɛ́dan, nya ansigyi mlɩ Kristo hogyi sʋ.

Filipifɔ 1:25 Cross References

Israelfɔ Ɩlʋ 60:6

Bulu latɔɩ tsu mʋ otsiakpa ɔbɛɛ, “Néye Sekem wulutɔ ansigyisʋ. Nósusu Sukot tsonkoli, ye mʋ́tɔ.

Luka 22:32

Tamɛ nakokoli Bulu ha fʋ mbɛɛ, fʋmádɩda hogyitɔ. Nɩ feyinki ba mɩ wa a, wa fʋ aba amʋ ɛ ɔwʋnlɩn.”

Gyumagyihɛ 11:23

Barnaba gyi ɔha wanklaan, Ɔŋɛ Wankɩhɛ pʋ́ hogyi ɛ ɩtsɔ mʋtɔ. Brɛá olowie Antiokia, olowun alɩá Bulu lagyi amʋ́ bʋalɛ a, ansɩ legyi mʋ. Mʋʋ ɔlɔtɔɩ kpla amʋ́ ɔbɛɛ, bʋpʋ amʋ́ klʋn fɛ́ɛ́ dɩnka anɩ Wie Yesusʋ, abʋgyi mʋ mblasʋ. Ɩnɩ sʋ aha tsɔtsɔɔtsɔ bɔtsʋn mʋ asʋn amʋsʋ hɔ anɩ Wie gyi.

Gyumagyihɛ 14:22

Ɩnʋ Paulo mʋa Barnaba bɔwa akasɩpʋ amʋ atɛtɔ-ɔnlɩn bɛɛ, bʋkɩta hogyi amʋtɔ. Bɛbla amʋ́ bɛɛ, “Ilehian ánɩ́ abɔ́tsʋn ipian tsɔtsɔɔtsɔtɔ asa abówie Bulu iwiegyi amʋtɔ.”

Gyumagyihɛ 20:25

“Sei anfɩ a, nyin ánɩ́ mlɩ aha anfɩ nɛbɛda Bulu iwiegyi ɩwɩ asʋn ɔkan mlɩtɔ anfɩtɔ ɔkʋkʋ mɛ́ɛtra wun mɩ ɛkɛkɛɛkɛ.

Romafɔ 15:13

Buluá bʋtɛkɩ ɔkpa ha ogyi. Ndɛ mʋ kokoli mbɛɛ, ɔha ɩwɩ ilwii mlɩ, ansɩ igyi mlɩ amlɩhɔ mʋ gyi. Mʋ Ɔŋɛ Wankɩhɛ ɔha mlɩ tumi, mɛnɩ mʋ ɔkpakɩ mɔ́ɔkpɔn mlɩ.

Romafɔ 15:18

Tsufɛ mmɛ́ɛtalɩ blɩ asʋansʋ tsɩa atɔá Kristo latsʋn mɩ asʋn blɩhɛ pʋ́ mɩ bwɛhɛsʋ bwɛ aha ánɩ́ bʋmegyi Yudafɔtɔ, mɛnɩ bóbu Bulu.

Romafɔ 15:29

Nyin ánɩ́ nɩ nɛba a, nɔ́pʋ Kristo oyula kpɔnkpɔɔnkpɔntɩ ba mlɩ.

Romafɔ 5:2

Hogyi sʋ ɔkpa lafinki ha anɩ ngya. Ɩnɩá anɩ Wie Yesu sʋ Bulu awɩtɔlɛ anfɩ laba anɩsʋ, anɩlapʋ hogyi nya ɔlɩɩkpa ngya a, ɩhɩɛ bʋ anɩ ɔdwɛ. Tsufɛ anɩdɩn ansɩá abébenya mʋ numnyam amʋ kʋ.

2 Korintofɔ 1:24

Anɩmedekleá ɩbɔ́bwɛ fɛ anɩdɛ mlɩ hɩɛ alɩá mlɔ́pʋ mlɩ hogyi yɔ agyʋma. Mboun alɩá ansɩ bégyi mlɩ sʋ anɩa mlɩnyɔ anɩdɛ agyʋma yɔ. Anɩyin ánɩ́ mlɩ hogyi sʋ mlɩlɩɩ kinkiinkin dodo.

Filipifɔ 1:24

Tamɛ mlɩ sʋ ɩbʋ alɛá nétsia nkpa.

Filipifɔ 2:24

Nahogyiá anɩ Wie ɔbɛ́kpa mɩ, ɩmɔ́ɔwa ɔpá mɩ onuto nɛ́ba mlɩ wa.

Filemon 1:22

Mʋ́ ɔma a, bɔ mbɔdɩ afʋla ɔdɩkpa yaɩ mɩ, tsufɛ ndɛ ɔkpa kɩá Bulu ɔbɔ́sɔ fʋ ɔnɔ, nɛ́ba mlɩ wa.

1 Petro 1:8

Ɩbʋ mʋ́tɔá mlɩmɔkʋwun Yesu kɩ, tamɛ mlɩtɔdwɛ mʋ. Mlɩmɛdɛ mʋ wun mʋ́, tamɛ mlɩdɛ mʋ hogyi. Ɩnɩ sʋ ansigyi kpɔnkpɔɔnkpɔntɩá ɔnɔ mɛ́ɛtalɩ blɩ labʋla mlɩtɔ.