Filipifɔ 1:20 - Bulu Ntam Pɔpwɛ mʋ́a Israel Ɩlʋ

²⁰ Nhɩɛ nyin, mbʋ hogyiá mmɔ́ɔbwɛ tɔá ɩbɛ́ha pɛlɩ bɛ́kɩta mɩ. Mboun nɛ́tra wa ɩwɩ ɔwʋnlɩn, mɛnɩ nɩ lowu igyi o, nkpa igyi o, mɩ tsiatɔ fɛ́ɛ́ ɩbɔ́wa Kristo numnyam.

Filipifɔ 1:20 Cross References

Israelfɔ Ɩlʋ 119:116

Ha mɩ anlɩɩ kinkin fɛ alɩá fɛhɩɛ, mɛnɩ nétsia nkpa. Fʋ ɔkpa ndɛkɩ, máha pɛlɩ ɩkɩta mɩ.

Israelfɔ Ɩlʋ 119:80

Fʋ amandɩɛ amʋ sʋ maha ɔlala itsia mɩ ɩwɩ, mɛnɩ pɛlɩ mɛ́ɛkɩta mɩ.

Israelfɔ Ɩlʋ 25:2

Oo! mɩ Bulu, fʋsʋ mɩ ansɩ dɩn. Máha pɛlɩ ɩkɩta mɩ. Máha ansɩ igyi mɩ alupʋ mɩ sʋ.

Israelfɔ Ɩlʋ 62:5

Mɩ ɔkla, tsia diin afʋkɩ Bulu ansɩtɔ; tsufɛ mʋ ɔkpa ndɛkɩ.

Yohane 21:19

(Yesu lɛblɩ asʋn anfɩ, pʋsuna ɔkpa ánɩ́ Petro ɔbɔ́tsʋn mʋ́sʋ wu pʋwa Bulu numnyam.) Ɩnʋ ɔlɛbla Petro ɔbɛɛ, “Buo mɩ!”

Gyumagyihɛ 20:24

Tamɛ mmotsu mʋ́ asʋnbogya. Mboun alɩá nɔ́mɔ agyʋma amʋʋ anɩ Wie Yesu lɛha mɩ amʋ ɔnɔ. Agyʋma amʋ gyi, nɛ́bla aha Bulu awɩtɔlɛ asʋn wanklaan amʋ.

Gyumagyihɛ 21:13

Ɩnʋ Paulo lɛfɩtɛ anɩ ɔbɛɛ, “Ntogyi sʋ mlɩdesu, mlɩlaha ɩwɩ lawu mɩ alɩ? Mɩ mʋ́ a, megyi klɩ amʋʋ bɛ́kɩklɩ mɩ Yerusalem amʋ pɛ nala ɩwɩ yaɩ ha. Mboun nala ɩwɩ yaɩ ánɩ́ nówu anɩ Wie Yesu sʋ ɛ.”

Gyumagyihɛ 4:31

Brɛá bɔbɔ mpaɩ anfɩ ta a, amʋ́ ofiakpa ɩnʋ fɛ́ɛ́ ɩlɛkpɩnkɩ. Ɔŋɛ Wankɩhɛ lɔbʋla amʋ́tɔ. Mʋ́ sʋ bɔwa klʋn da Bulu asʋn amʋ ɔkan.

Romafɔ 12:1

Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ.

Romafɔ 5:5

Ansɩ pʋdɩnka Bulusʋ ɩmɛ́ɛha pɛlɩ mɛ́ɛkɩta anɩ. Tsufɛ Bulu lɔtsʋn Ɔŋɛ Wankɩhɛ amʋʋ ɔlɔpʋha anɩ amʋsʋ pʋ́ mʋ ɔdwɛ wa anɩ klʋntɔ.

Romafɔ 6:13

Mlɩmápʋ mlɩ nyankpʋsa-oyi ɩwɩ atɔ ha lalahɛbwɛ. Mboun mlɩpʋ mlɩ ɩwɩ fɛ́ɛ́ ha Bulu, fɛ aha ánɩ́ alakʋsʋa amʋ́ tsu afulitɔ ba nkpatɔ, ɔpʋ mlɩ bwɛ tɔá ɩda ɔkpa.

Romafɔ 6:19

Alɩá ɩbɔ́bwɛ mlónu asʋn anfɩ asɩ, sʋ napʋ nkpábi tsiatɔ ndɛ mlɩ suna. Brɛ kʋtɔ a, mlɩlɔbwɛ mlɩ ɩwɩ nkpábi ha hakpan mʋ́a lalahɛbwɛ. Alɩ kɛn ilehian ánɩ́ mlɔ́bwɛ mlɩ ɩwɩ nkpábi ha yilebwɛ, mɛnɩ mlɔ́fʋn yi nɩ.

Romafɔ 8:19

Bulu atɔ bwɛhɛ fɛ́ɛ́ bʋhɩɛ bʋdɛ ɔkpa kɩ ha ɛkɛá Bulu ɔbɛ́lɛ mʋ abi numnyam ɔwan.

Romafɔ 9:33

Ibwi anfɩ ɩwɩ asʋn bɔwanlɩn wa Bulu asʋn wanlɩnhɛ amʋtɔ bɛɛ, “Bulu ɔbɛɛ, ‘Mlɩkɩ! Ndɛpʋ Ibwi tswɩ Sion wulutɔ. Aha bósutin ibwi amʋsʋ dɩda. Pɛlɩ mɛ́ɛkɩta ɔhagyiɔha ánɩ́ ɔlɔhɔ mʋ gyi.> ”

1 Korintofɔ 15:31

Mɩ apio, nɛkasɛ, ntefia alowusʋ ekekegyiɛkɛ! Igyi tɔá ntɔpʋtsu ɩwɩá mlɩa anɩ Wie Kristo Yesu mlɩlabwɛ ɩkʋlɛ.

1 Korintofɔ 6:20

Ibia kpekplekpe Bulu lɔhɔ mlɩ. Mʋ́ sʋ mlɩpʋ mlɩ ɔyʋlʋ wa mʋ numnyam.

1 Korintofɔ 7:34

Mʋ́ sʋ mʋ agywɩɩn tɔbwɛ anyɔ. Alɩ kɛn ɔtsɩ kpankʋ ɛ tesi mʋ ɩwɩ ha anɩ Wie, ɔyʋlʋ mʋ́a ɔŋɛtɔ fɛ́ɛ́, mɛnɩ obégyi Bulu ansɩ nɩ. Tamɛ oklu mʋ wie mʋ́ tɔpʋ mʋ ansɩ dɩnka ɔyɩtɔ atɔsʋ, mɛnɩ obégyi mʋ klu ansɩ.

2 Korintofɔ 10:8

Nɩ ndɛ ɩwɩ tsu tumi amʋʋ anɩ Wie lapʋha anɩ amʋ sʋ dʋbɩ a, ɩma mɩ pɛlɩ. Tsufɛ ɔlɔpʋha anɩ ɔbɛɛ, apʋbʋa mlɩ amlɩdan. Megyi ɔbɛɛ, apʋyinta mlɩ.

2 Korintofɔ 3:12

Anɩ ansɩ dɩn ntam pɔpwɛ anfɩsʋ. Mʋ́ sʋ anɩbʋ ɔkpa tɔɩ faan.

2 Korintofɔ 4:10

Anɩlatsula ɩdɛ anɩ ɔyʋlʋ anfɩ ipian bregyibrɛ. Anɩdewu fɛ Yesu, mɛnɩ mʋ nkpa amʋ ɩbɛ́lɩn ɔwan anɩtɔ.

2 Korintofɔ 5:15

Olowu ha aha fɛ́ɛ́ lɛlɛ, mɛnɩ aha ánɩ́ bénya nkpa pɔpwɛ amʋ bʋmɛ́ɛtra tsia nkpa alɩá bʋdekle. Mboun bétsia nkpa ha Kristo amʋʋ olowu, Bulu lɔkʋsʋa mʋ ha amʋ́ amʋ.

2 Korintofɔ 7:14

Nɩ nɛkanfʋ mlɩ mʋ ansɩtɔ kʋraa a, mlɩmɛha pɛlɩ mɛkɩta mɩ. Alɩ amʋʋ asʋn amʋʋ anɩlɛbla mlɩ amʋ fɛ́ɛ́ igyi ɔnɔkwalɩ amʋ a, alɩ kanfʋ amʋʋ nɛkanfʋ mlɩ mʋ ansɩtɔ amʋ ɛ laba mʋ́tɔ nɩ.

2 Korintofɔ 7:4

Ntɛtalɩ bla mlɩ mɩ klʋntɔ asʋn, ndɛ ɩwɩ ɛ tsu mlɩsʋ wanklaan. Anɩ ipian fɛ́ɛ́ ɔma a, mlɩlawa mɩ atɛtɔ-ɔnlɩn. Ansigyi kpɔnkpɔntɩ kʋ labʋla mɩ klʋntɔ.

Filipifɔ 1:14

Mɩ ɩkantɔdɩ sʋ apio tsɔtsɔɔtsɔ bapʋ ansɩ dɩnka anɩ Wiesʋ. Bʋhɩɛ bʋdɛ klʋn wa da asʋn wanklaan amʋ ɔkan, ifu mɛdɛ amʋ́.

Filipifɔ 2:17

Tamɛ nɩ ɩbɛ́ba mʋ́tɔá bɔ́pʋ mɩ obugya wʋlɩ asɩ fɛ nta, mlɩ hogyi ɩwɩ afɔdɩɛ pʋ́ Bulu agyʋma ánɩ́ mlɩdɛyɔsʋ kʋraa a, ɩbɔ́wa mɩ ɔdwɛ. Ansɩ bégyi mɩa mlɩnyɔ fɛ́ɛ́.

Kolosefɔ 1:24

Ɩbʋ mɩ ansigyi ánɩ́ ndɛ ipian wun mlɩ sʋ. Tsufɛ ndɛ ɩwɩɔsɩn amʋʋ Kristo lowun sian amʋ kʋ wun ha mʋ ɔpasua, igyi mʋ nyankpʋsa-oyi amʋ.

1 Tesalonikafɔ 5:23

Bulu tɛha anɩ iwilwii. Ɔtɩn mlɩ ɩwɩ ɔkpagyiɔkpasʋ. Ɔkɩ mlɩ nyankpʋsa-oyi, mlɩ ɔŋɛ pʋ́ mlɩ ɔklasʋ tsu lalahɛ kugyikʋtɔ, mɛnɩ ɔlala méetsia mlɩ ɩwɩ anɩ Wie Yesu Kristo ɔbakɛ amʋ.

1 Petro 4:16

Tamɛ nɩ mlɩgyi Akristofɔ sʋ mlɩdɛ asʋn wun a, ɩmáwa mlɩ pɛlɩ. Mboun mlɩkanfʋ Bulu ánɩ́ Kristo ɩda dɩn mlɩsʋ.

1 Yohane 2:28

Ɩnɩ sʋ mɩ abi adwɛpʋ, mlɩtsia Kristotɔ. Fówun nɩ ɔba a, pɛlɩ mɛ́ɛkɩta anɩ, abɛ́talɩ fia mʋ.