Filipifɔ 1:18 - Bulu Ntam Pɔpwɛ mʋ́a Israel Ɩlʋ

¹⁸ Tamɛ ɩmɛdɛ mɩ han, nɩ yile sʋ bʋdɛ mʋ́ bwɛ o, lalahɛ sʋ o. Mʋ́á ɩdɛ mɩ hian gyi, banya bʋdɛ Kristo asʋn amʋ ɔkan da nɩ. Ɩnɩ sʋ ansɩ ɩhɩɛ dɛ mɩ gyi nɩ.

Filipifɔ 1:18 Cross References

Mateo 23:13

“Mlɩ Farisifɔ pʋ́ Mose mbla asunapʋ, apinabwɛbi abwɛpʋ, mlɩgyɔwɩ nɩ. Mlɩlatin Bulu iwiegyi amʋ ɔkpa wa aha. Mlɩ onuto mlɩmedekleá mlówie ɩnʋ, mlɩdɛ aha ánɩ́ bʋdɛ mbɔdɩ bɔá bówie ɩnʋ ɛ ɔkpa tin.

Marko 12:40

Bʋtesisi asʋrapʋ, swɩɩ amʋ́ amʋ́ woyi. Bʋtepina bɔ mpaɩ tɩntɩntɩn ahatɔ pʋbun amʋ́ lalahɛsʋ. Bulu ɔbɛ́bɩtɩ amʋ́ ɩsʋ kinkiinkin!”

Luka 9:45

Tamɛ akasɩpʋ amʋ bomonu mʋ́ asɩ. Bulu lɔpʋ mʋ́ asɩnu ŋain amʋ́. Mʋ́ sʋ ɩmɔwankɩ amʋ́ asʋn ánɩ́ ɔdɛblɩ. Ifu ɛ dɛ amʋ́ ánɩ́ bɛ́fɩtɛ mʋ.

Luka 9:50

Tamɛ Yesu lɛbla amʋ́ ɔbɛɛ, “Mlɩmáka mʋ tin! Tsufɛ ɔha ánɩ́ ɔmɔkʋsʋ lɩɩ mlɩsʋ buo mlɩ.”

Romafɔ 3:9

Nkalɩ mɛɛ abɛ́blɩ pʋmɔ mʋ́ ɔnɔ? Mʋ́ sʋ anɩ Yudafɔ anɩdʋn aha amʋʋ bʋmegyi Yudafɔ amʋ loo? Ɛkɛkɛɛkɛ! Anɩmɔdʋn amʋ́ ɔkpagyiɔkpasʋ. Nablɩ bɔtsʋn mbɛɛ, ɩkʋlɛ Yudafɔ pʋ́ aha amʋʋ bʋmegyi Yudafɔ amʋ fɛ́ɛ́ bʋgyi. Tsufɛ lakpan lagyi amʋ́ fɛ́ɛ́sʋ.

Romafɔ 6:15

Ɩnɩ ɔma a, amansʋ abɛ́blɩ? Ɩbʋ alɛá abɛ́tra bwɛ lakpan sei anfɩ anɩmá mbla amʋ asɩ, anɩbʋ Bulu awɩtɔlɛ mboun asɩ anfɩ? Ɛkɛkɛɛkɛ!

1 Korintofɔ 10:19

Mʋ́ sʋ nkalɩ mɩ asʋn anfɩ desuna? Blɩ ndɛblɩ mbɛɛ, ɩkpɩ ntɛ atogyihɛ amʋʋ bapʋha amʋ́ igyi amʋ ɩbʋ labi?

1 Korintofɔ 14:15

Nkalɩ mɛɛ nɔ́bwɛ? Nɔ́bɔ mpaɩ ɔŋɛtɔ brɛ kʋtɔ, pʋ mɩ agywɩɩn ɛ bɔ mʋ́ brɛ bambatɔ. Alɩ kɛn nɔ́wa ɩlʋ ɔŋɛtɔ, pʋ mɩ agywɩɩn wa mʋ́ brɛ kʋtɔ ɛ nɩ.

1 Korintofɔ 15:11

Ɩnɩ sʋ nɩ mɩlɛtra da asʋn amʋ ɔkan o, amʋ́ o, mʋ́á idehian gyi mlɩlɔhɔ anɩ asʋn amʋsʋ gyi.

Filipifɔ 1:19

Tsufɛ nyin ánɩ́ mlɩ mpaɩ pʋ́ Yesu Kristo Ɔŋɛ amʋ ɔbɛ́kpa mɩ, nɛ́dalɩ ɩkplan anfɩtɔ.