Filipifɔ 1:11 - Bulu Ntam Pɔpwɛ mʋ́a Israel Ɩlʋ

¹¹ Yesu Kristo ɔha mʋ yilebwɛ ɩbʋla mlɩtɔ, fɛ alɩá oyi toswie abi; ɩpʋ numnyam mʋ́a kanfʋ ha Bulu.

Filipifɔ 1:11 Cross References

Israelfɔ Ɩlʋ 1:3

Ogyi fɛ oyiá boswie mʋ́ ntsu ɔnɔ, itoswie abi mʋ́ swiebɩ, ɩtamakpa atɛ. Togyitɔá ɔbwɛ tɔwa alɛ ha mʋ.

Mateo 5:16

Mʋ́ sʋ mlɩha mlɩ bwɛhɛ ɩwankɩ alɩ, mɛnɩ aha bówun mlɩ bwɛhɛ wanklaan amʋ, fówun bɛkanfʋ mlɩ Sɩ amʋʋ ɔbʋ ɔsʋsʋ amʋ.

Yohane 15:16

Megyi mlɩ lɛlɛ mɩ. Mɩlɛlɛ mlɩ yaɩ mbɛɛ, mlɩyɔ amlɩyoswie abiá ibétsia brɛ fɛ́ɛ́, mɛnɩ mɩ Sɩ ɔbɛ́ha mlɩ togyitɔá mlɔ́kʋlɩ mʋ mɩ ɩdatɔ.

Yohane 15:2

Bambigyibambiá ɩbʋ mɩ ɩwɩ, ɩtamaswie a, ɔtɛkpalɩ mʋ́ tsitsa. Tamɛ kugyikʋá itoswie a, ɔtɛla mʋ́ wanklaan, mɛnɩ ibóswie tsɔtsɔɔtsɔ dʋn.

Yohane 15:8

Nɩ mloswie abi tsɔtsɔɔtsɔ a, ɩbɔ́wa mɩ Sɩ numnyam. Mʋ́ obósuna ánɩ́ mɩ akasɩpʋ mlɩgyi nɩ.

Romafɔ 15:28

Nɩ nɔpʋ kɔba ánɩ́ bɔtswɩtswɩ ha mɩ fɛ́ɛ́ wa amʋ́ ɩbɩtɔ a, nɔ́bɔtsʋn mlɩ wa yɔ Spania.

Romafɔ 6:22

Tamɛ sei mʋ́ a, Bulu laha mlɩlagyi ɩwɩ lakpanbwɛ tumi asɩ. Mlɩlamli mʋ nkpábi. Labiá mlénya tsu mʋ́tɔ gyi; mlétsia tsiatɔá ɩlɔfʋn yi, nya nkpa ánɩ́ ɩtamata.

1 Korintofɔ 10:31

Mʋ́ sʋ nɩ fʋdegyi o, fʋdenun o, bwɛ mʋ́ fɛ́ɛ́ pʋwa Bulu numnyam.

2 Korintofɔ 9:10

Bulu tɛha adɔtɔpʋ atɔ-abi bʋtodu, ɔtɛha aha atogyihɛ. Mlɩgyi fɛ amʋ́. Ɔbɛ́ha mlɩ atɔ-abiá mlɔ́pʋ ɩkʋ kie aha, atogyihɛ tsɔtsɔɔtsɔ bɛ́dalɩ tsu mlɩ yilebwɛ amʋtɔ.

Efesofɔ 1:12

Ɔlɛlɛ anɩ agyankpapʋ amʋʋ anɩ ansɩ dɩn Kristosʋ amʋ ɔbɛɛ, abɛ́kanfʋ mʋ numnyam.

Efesofɔ 1:14

Ɔŋɛ Wankɩhɛ amʋ gyi ntswɩasɩá idesuna ánɩ́ anɩ ɩbɩ bɛ́da agyapadɩɛ amʋʋ Bulu lɛla yaɩ ha mʋ abi amʋ nɩ. Idesuna ánɩ́ alaka anɩ nwunsʋ ɩkɔ, pʋwa mʋ numnyam.

Efesofɔ 2:10

Bulu labwɛ anɩ alɩ anfɩ anɩgyi. Alabwɛ anɩ aha pɔpwɛ tsʋn anɩa Kristo Yesunyɔ ɩkʋlɛbwɛsʋ, mɛnɩ abɔ́bwɛ yileá mʋ onuto ɔlɛla yaɩ ha anɩ ɔbɛɛ abwɛ.

Efesofɔ 5:9

Tsufɛ ɔha ánɩ́ ɔbʋ wankɩtɔ tɔbwɛ yile. Mʋ asʋn da ɔkpa, ɔbʋ ɔnɔkwalɩ.

Filipifɔ 4:17

Megyi bɛɛ ndɛ tɔkʋ kʋlɩ tsu mlɩ wa. Mboun ndekleá mlɩnya tɔkʋ dɩnka awɩtɔlɛ amʋʋ mlɩdɛwa ha mɩ amʋsʋ.

Kolosefɔ 1:10

mɛnɩ mlɛ́talɩ tsia tsiatɔá ɩbɔ́wa anɩ Wie numnyam, amlɩgyi mʋ ansɩ ɔkpagyiɔkpasʋ. Ɔha amlɩbwɛ yile bregyibrɛ, tra bɩ Bulu tsɩa.

Kolosefɔ 1:6

Asʋn wanklaan amʋ kɛn dɛklɛɩ wa ɔyɩtɔ, ɩdɛ aha tsiatɔ tsɛ ɔtɩnɛgyiɔtɩnɛ; fɛ alɩá ɩlɛtsɛ mlɩ tsu ɛkɛá mlɩlonu mʋ́, mlɩlɛbɩá lɛlɛ Bulu tegyi aha bʋalɛ.

2 Tesalonikafɔ 1:12

Nɩ mlɛtalɩ bwɛ ɩnɩ a, mlɩ sʋ aha bɔ́pʋ numnyam ha anɩ Wie Yesu. Mʋ ɛ ɔbɔ́wa mlɩ numnyam; fɛ alɩ amʋʋ anɩ Sɩ Bulu mʋa anɩ Wie Yesu Kristo awɩtɔlɛ gyi amʋ.

Tito 3:14

Ha anɩ pɩ amʋ ɛ abʋbɩ alɩá bʋtɔbʋa aba agyʋma yɔ wanklaan, mɛnɩ bɛ́talɩ kɩ aha ánɩ́ bʋma tɔtɔsʋ. Fówun bʋmɔ́ɔbwɛ aha ánɩ́ amʋ́ ɩwɩ mɔwa labi.

Hebrifɔ 12:11

Nɩ bʋdɛ anɩ ɩsʋ bɩtɩ a, ɩtɛhan anɩ alɩ brɛ amʋtɔ. Ansɩ tamagyi anɩ. Tamɛ ɩsʋbɩtɩ amʋ ɔma a, anɩtɔbwɛ yile, tsia iwilwiitɔ.

1 Petro 2:12

Ɩnɩá mlɩa ɔmátɔfɔ tsie sʋ a, mlɩtsia tsiatɔ wanklaan, mɛnɩ nɩ bʋdɛblɩ bɛɛ mlɩ tsiatɔ ɩma alɛ a, bówun mlɩ yilebwɛ. Fówun bɛ́kanfʋ Bulu ɛkɛ amʋʋ ɔbɛ́ba bɛkɩ amʋ́ gyumagyihɛ amʋ.

1 Petro 2:5

Ɔŋɛtɔ asʋn nɛba bɛblɩ a. Mlɩba Bulu wa brɛ anfɩ mlɩbʋ nkpa anfɩ, ɔbwɛ mlɩ fɛ abwiá ɔdɛpʋyi obuá bɔ́tswɛ mʋ mʋ́tɔ. Ɔbwɛ mlɩ mʋ igyi ahapʋá amʋ́ ɩwɩ lɛtɩn, amlɩtsʋn Yesu Kristosʋ ha Bulu igyi amʋʋ mʋ Ɔŋɛ losusu suna mlɩ, itegyi mʋ ansɩ amʋ.

1 Petro 2:9

Tamɛ mlɩ mʋ́ a, mlɩgyi ɔmá ánɩ́ Bulu lalɛ. Owie amʋ igyi ahapʋ. Ɔmá wankɩhɛá alapʋ mlɩ bwɛ mʋ onuto aha nɩ. Mʋlalɛ mlɩ tsu okluntɔ, pʋ mlɩ ba mʋ ɔkandɩɛ wankɩhɛ amʋ asɩ ɔbɛɛ, mlɩbɛ́da ofula amʋʋ alabwɛ amʋ ɩwɩ ɔkan.

1 Petro 4:14

Nɩ aha bʋdɛ mlɩ sia Kristo buo sʋ a, idesuna ánɩ́ nwun lawa mlɩ olu. Bulu Numnyam Ɔŋɛ Wankɩhɛ amʋ bʋ mlɩtɔ.