Filipifɔ 1:10 - Bulu Ntam Pɔpwɛ mʋ́a Israel Ɩlʋ

¹⁰ mɛnɩ mlɛ́bɩ tɔá ɩhɩɛ ɩbʋ alɛ. Amlɩtsia nkpa ánɩ́ mʋ́ ɩwɩ lɛtɩn, ɔlala ɩma mʋ́ ɩwɩ alɩɩ yɔfʋn ɛkɛá Kristo ɔbɛ́laba.

Filipifɔ 1:10 Cross References

Mateo 16:23

Ɩnʋ ɔlɛdamli bla Petro ɔbɛɛ, “Satan, natɩ tɛɩ mɩsʋ! Fʋdɛ mɩ ɔkpa tin. Megyi tɔá Bulu dɛgywɩɩn fʋdɛgywɩɩn, anyankpʋsa klɛ fʋdɛgywɩɩn.”

Mateo 26:33

Petro lɛbla mʋ ɔbɛɛ, “Nɩ amʋ́ fɛ́ɛ́ beyinki fʋ ɔma kʋraa a, mɩ mʋ́ mméeyinki ɛkɛkɛɛkɛ.”

Yohane 1:47

Brɛá Yesu lowun Nataniel ɔba mʋ wa a, ɔlɛblɩ ɔbɛɛ, “Israelyin onutonuto nɩ. Afunu kʋkʋ ma mʋtɔ.”

Yohane 3:20

Ɔhagyiɔha ánɩ́ ɔtɔbwɛ lalahɛ tolu wankɩ amʋ. Ɔtamakpʋkpɛ manta mʋ́, tsufɛ ɔdɛ ifu nya ánɩ́ mʋ bwɛhɛ bɛ́lɩn ɔwan.

Gyumagyihɛ 24:16

Ɩnɩ sʋ ntɔbɔ mbɔdɩá mɩ klʋn méetsia ha mɩ pɔn Bulu mʋa anyankpʋsa fɛ́ɛ́ ansɩtɔ bregyibrɛ.

Romafɔ 12:2

Mlɩmáha ɔsʋlʋ anfɩsʋ atsiabi igyi mlɩsʋ. Mlɩha Bulu ɔtsɛ mlɩ agywɩɩn, ɩha mlɩ tsiatɔ ɩtsɛ. Fówun mlɛ́talɩ bɩá Bulu apɛ bʋ alɛ, ɩbʋ ɔdwɛ, ɩlɔfʋn.

Romafɔ 12:9

Mlɩdwɛ aha tsu mlɩ klʋntɔ. Mlɩkisi lalahɛ kugyikʋ. Mlɩkɩta yilebwɛtɔ kinkiinkin.

Romafɔ 16:17

Apio, nokokoli mlɩ, mlɩkɩ wanklaan, mɛnɩ mlɛ́talɩ wun aha ánɩ́ bʋbʋ mlɩtɔ, bʋdɛ mlɩ dasaɩn. Alɩ aha amʋ bʋtɛha aha bʋtɛdɩda hogyitɔ. Amʋ́ atosunahɛ tɛda mʋ́ amʋʋ nosuna mlɩ amʋ mɔ. Mlɩkʋla ɩwɩ lɛ amʋ́sʋ.

Romafɔ 2:18

Fʋyin Bulu apɛ, tsufɛ fakasɩ Mose Mbla amʋ. Mʋ́ sʋ fʋyin tɔá ɩbʋ alɛ.

Romafɔ 7:16

Nɩ tɔá mmedekle ndɛbwɛ mʋ́ a, natsula ánɩ́ Mose Mbla amʋ ɩbʋ alɛ.

Romafɔ 7:22

Tsufɛ nhɩɛ ndekleá négyi Bulu mbla amʋsʋ tsu mɩ klʋntɔ.

Romafɔ 8:7

Tsufɛ ɔha ánɩ́ lakpan lagyi mʋ tsiatɔsʋ tolu Bulu. Ɔtamagyi Bulu mblasʋ, tsufɛ ɔmɛ́ɛtalɩ gyi mʋ́sʋ ɛkɛkɛɛkɛ.

1 Korintofɔ 1:8

Mʋ onuto ɔbɔ́wa mlɩ ɔwʋnlɩn yɔfʋn ɛkɛ amʋʋ ɔbɛ́sanki ba begyi anɩ asʋn amʋ, mɛnɩ asʋansʋ méetsia mlɩ ɩwɩ.

1 Korintofɔ 10:32

Mlɩmáha mlɩ tsiatɔ itin Yudafɔ pʋ́ Grikifɔ ntɛ Bulu ɔpasua amʋ Kristo wa ba ɔkpa.

1 Korintofɔ 8:13

Mʋ́ sʋ nɩ tɔá négyi ɩbɛ́ha mɩ pio Okristoyin ɔbɔ́bwɛ lakpan a, mméetepi tra gyi iye ɛkɛkɛɛkɛ, mɛnɩ ɩmɛ́ɛha mʋ ɔdɩda.

2 Korintofɔ 1:12

Abɛ́talɩ pʋ ɩbɩ si kantɔ anɩaa, anɩ klʋn mɔkʋha anɩ pɔn anɩ nkpatɔ, titriu anɩa mlɩnyɔ natɩtɔ. Megyi anɩ ɔsʋlʋ anfɩsʋ nyansa anɩlɔpʋ anɩdɛ anɩ agyʋma yɔ, mboun Bulu awɩtɔlɛ sʋ anɩlatalɩ lɛ ɩwɩtɔ anɩdɛ togyitɔ bwɛ ɔnɔkwalɩsʋ.

2 Korintofɔ 2:17

Anɩ mʋ́ anɩmegyi fɛ aha ɔdʋdʋɔá bʋdɛ Bulu asʋn amʋ fɛ pʋkle kɔba. Ɩnɩá Bulu lɔwa anɩ sʋ a, anɩtɛblɩ mʋ́ ɔnɔkwalɩsʋ, fɛ Kristo asumbiá bʋlɩɩ Bulu ansɩtɔ.

2 Korintofɔ 6:3

Anɩmedekleá abétin ɔhaa anɩ Wie wa ba ɔkpa, mɛnɩ ɔhaa méenya asʋansʋ blɩ tsu anɩ agyʋma anfɩ ɩwɩ.

2 Korintofɔ 8:8

Mmɛdɛ mlɩ hɩɛ mbɛɛ, mlɩbwɛ mʋ́. Mboun ndɛpʋ mlɩ ɔdwɛ kapʋ akʋá bʋdɛprɩá amʋ́ ɛ bɔ́bʋa.

Galatiafɔ 5:11

Mɩ apio, nɩ ntra ndɛ ɔkan da blɩ mbɛɛ, ilehian ánɩ́ aha bɛ́tɩn kete a, mʋmʋ ntogyi sʋ Yudafɔ bʋtra bʋdɩn mɩsʋ? Mʋmʋ nɩ ndɛ Kristo oyikpalihɛsʋ lowu amʋ ɛ ɔkan da a, yɛ ɔhaa mɛ́ɛdɩnka mɩsʋ o.

Efesofɔ 4:15

Mboun mlɩha abla aba ɔnɔkwalɩ asʋn amʋ ɔdwɛtɔ, mɛnɩ abɛ́dan togyitɔtɔ, bwɛ fɛ Kristo, ogyi ɔpasua amʋ nwun.

Efesofɔ 5:10

Mʋ́ sʋ mlɩbɔ mbɔdɩ amlɩkasɩ tɔá Bulu tekle.

Efesofɔ 5:27

Omekleá ifin pʋ́ asʋansʋ bétsia ɔpasua amʋ ɩwɩ, ntɛ mʋ́ ɔtɩnɛkʋ ɩbɔ́kpʋkpʋ tɩa, mɛnɩ ɩbɔ́wa mʋ onuto amʋ akɩlɛ fɛ obitebi, ɔbɛ́kpa mʋ ba mʋ ɩwɩ wa.

Efesofɔ 6:24

Ogyi aha ánɩ́ bʋtamasi anɩ Wie Yesu Kristo dwɛ fɛ́ɛ́ bʋalɛ.

Filipifɔ 1:16

Alɩ aha anfɩ bʋdɛpʋ mɩ ɩwɩ ɔdwɛ da asʋn wanklaan amʋ ɔkan. Tsufɛ bʋyin ánɩ́ Bulu lɔpʋ mɩ ba nfɩá mbɛprɩ mʋ asʋn amʋ nwun.

Filipifɔ 1:6

Nyin ánɩ́ Bulu amʋʋ olefi agyʋma wanklaan amʋ asɩ mlɩtɔ amʋ kɛn ɔbɔ́yɔ mʋ́sʋ alɩɩ yɔfʋn Kristo Yesu ɔbakɛ amʋ.

Filipifɔ 2:16

Mlɩyɔ mʋ́sʋ amlɩbla aha asʋn amʋʋ ɩtɛha nkpa amʋ, mɛnɩ mlɩ sʋ nɛ́talɩ pʋ ɩbɩ si kantɔ ɛkɛá anɩ Wie Kristo ɔbɛ́laba, ánɩ́ mɩ mbɔdɩ ntɛ mɩ gyumagyihɛ mɔbwɛ kpaalɩ.

1 Tesalonikafɔ 3:13

Ɔwa mlɩ ɔwʋnlɩn, mɛnɩ anɩ Sɩ Bulu omóowun ɔlala mlɩ ɩwɩ, ifin kʋkʋ ɛ méetsia mlɩ ɩwɩ mʋ ansɩtɔ, anɩ Wie Yesu mʋa mʋ aha fɛ́ɛ́ ɔbakɛ amʋ.

1 Tesalonikafɔ 5:21

Mlɩsɔ togyitɔ kɩ, amlɩkɩta mʋ́á ɩbʋ alɛtɔ kinkiinkin.

1 Tesalonikafɔ 5:23

Bulu tɛha anɩ iwilwii. Ɔtɩn mlɩ ɩwɩ ɔkpagyiɔkpasʋ. Ɔkɩ mlɩ nyankpʋsa-oyi, mlɩ ɔŋɛ pʋ́ mlɩ ɔklasʋ tsu lalahɛ kugyikʋtɔ, mɛnɩ ɔlala méetsia mlɩ ɩwɩ anɩ Wie Yesu Kristo ɔbakɛ amʋ.

1 Yohane 4:1

Apio adwɛpʋ, mlɩmáhɔ aha fɛ́ɛ́á bɛɛ, bʋbʋ Ɔŋɛ Wankɩhɛ amʋ asʋnsʋ gyi. Mboun mlɩsɔ ɔŋɛ amʋʋ bʋdɛpʋsuna atɔ amʋ kɩ. Tsufɛ Bulu ɔnɔsʋ atɔɩpʋ afunupʋ tsɔtsɔɔtsɔ babʋla ɔyɩ anfɩtɔ.

Atɔ Lɛsunahɛ 2:2

Nyin tɔá fʋdɛbwɛ fɛ́ɛ́. Nawun alɩá fʋhɩɛ fʋdɛ agyʋma yɔ, pʋ́ alɩá fʋdɛ nsi wa lɩɩ kinkin. Nyin ánɩ́ fʋtamakle aha lalahɛ asʋn. Fakapʋ aha amʋʋ bʋdɛ amʋ́ ɩwɩ tɩ Kristo sumbi ayɔpʋ amʋ, wun ánɩ́ afunupʋ bʋgyi.