Filipifɔ 1:1 - Bulu Ntam Pɔpwɛ mʋ́a Israel Ɩlʋ

¹ Mɩ Paulo pʋ́ anɩ pio Timoteoá anɩgyi Kristo Yesu asumpʋ dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩbʋ Filipi wulutɔ, mlɩa Yesu Kristo mlɩlabwɛ kʋlɛ. Mlɩa mlɩ ɔpasua ahandɛ pʋ́ amʋ́ abʋapʋ fɛ́ɛ́ anɩdɛ mʋ́ wanlɩn sɩsɩ.

Filipifɔ 1:1 Cross References

Marko 13:34

Igyi fɛ ɔkʋá ɔdɛ ɔkpa tu, olesi mʋ woyi wa mʋ asumpʋ ɩbɩtɔ. Ɔlɛha okugyiɔkʋ agyʋma ɔbɛɛ ɔbwɛ. Ɔlɛbla woyi amʋ ogyopʋ ɛ ɔbɛɛ, ɔyɩrɩ ɩwɩ ogyo woyi amʋ wanklaan.

Yohane 12:26

Nɩ mlɩtɔ ɔkʋ ɔbɛɛ mósum mɩ a, ilehian ánɩ́ obóbuo mɩ, mɛnɩ obétsia ɔtɩnɛá mbʋ. Nɩ ɔkʋ dɛ mɩ sum a, mɩ Sɩ ɔbɔ́wa mʋ numnyam.”

Gyumagyihɛ 1:20

Petro lɔyɔ mʋ asʋnsʋ ɔbɛɛ, “Tsufɛ bɔwanlɩn wa Israelfɔ ɩlʋ ɔwʋlʋ amʋtɔ bɛɛ, ‘Mʋ woyi ɩdɩ kpan. Ɔhaa mátsia mʋ́tɔ.> Bɛtra wanlɩn tswɩ bɛɛ, ‘Ɔha bamba otsia mʋ otsiakpa.>

Gyumagyihɛ 20:28

“Mʋ́ sʋ mlɩkɩ mlɩ ɩwɩ pʋ́ aha amʋʋ Ɔŋɛ Wankɩhɛ lɔpʋwa mlɩ ɩbɩtɔ amʋsʋ wanklaan. Mlɩkpa Bulu ɔpasua amʋʋ ɔlɛyaɩ tsʋn mʋ onuto mʋ bi lowusʋ amʋ wanklaan.

Gyumagyihɛ 9:13

Mʋʋ Anania lɛbla anɩ Wie ɔbɛɛ, “Mɩ Wie, nanu oyin anfɩ ɩwɩ asʋn. Alɩá ɔdɛpʋ lalahɛ gyi fʋ aha ánɩ́ bʋbʋ Yerusalem.

Romafɔ 1:1

Mɩ Yesu Kristo osumbi Paulo dɛ ɔwʋlʋ anfɩ wanlɩn sɩsɩ mlɩ Romafɔ. Bulu lɛtɩ mɩ ɔbɛɛ, mbɔbwɛ mʋ sumbi ɔyɔpʋ. Ɔlɛlɛ mɩ yaɩ ánɩ́ nɛ́da mʋ asʋn wanklaan amʋ ɔkan.

Romafɔ 1:7

Ɩnɩ sʋ mɩ Paulo ndɛ ɔwʋlʋ anfɩ wanlɩn sɩsɩ mlɩá mlɩbʋ Roma fɛ́ɛ́. Bulu lahɩɛ dwɛ mlɩ, tɩ mlɩ pʋ mlɩ bwɛ mʋ aha. Ndɛ anɩ Sɩ Bulu mʋa anɩ Wie Yesu Kristo kokoli mbɛɛ, bʋgyi mlɩ bʋalɛ, abʋha mlɩ iwilwii.

1 Korintofɔ 16:10

Nɩ Timoteo owie mlɩ wa a, mlɩmáha ifu ɩkɩta mʋ. Tsufɛ anɩ Wie agyʋma amʋ kɛn ɔdɛyɔ fɛ mɩ.

2 Korintofɔ 1:1

Mɩ Pauloá ɩna Bulu apɛtɔ nabwɛ Kristo Yesu sumbi ɔyɔpʋ pʋ́ anɩ pio Timoteo dɛ ɔwʋlʋ anfɩ wanlɩn. Anɩdɛ mʋ́ wanlɩn sɩsɩ Bulu ɔpasua ánɩ́ ɩbʋ Korinto wulutɔ pʋ́ Bulu aha ánɩ́ bʋbʋ Akaia ɔsʋlʋsʋ fɛ́ɛ́.

Galatiafɔ 1:10

Megyi bɛɛ, ndekleá aha bʋdwɛ mɩ. O-o! Bulu mboun ndekleá ɔdwɛ mɩ. Nɩ ntra ndekleá aha bʋdwɛ mɩ a, tɛkɩ mmegyi Kristo osumbi.

Galatiafɔ 3:26

Tsufɛ mlɩ Kristo Yesu hogyi sʋ mlɩ fɛ́ɛ́ mlɩlabwɛ Bulu abi.

Galatiafɔ 3:28

Mʋ́ sʋ Yudayin ntɛ Grikiyin tra ɔma ɩnʋ. Ɔkpábi ntɛ ɔdɩhɩɛ, ɔtsɩ ntɛ oyin tra ɔma ɩnʋ. Tsufɛ mlɩ fɛ́ɛ́ mlɩlabwɛ kʋlɛ mlɩa Kristo Yesunyɔ ɩkʋlɛbwɛtɔ.

Efesofɔ 1:1

Mɩ Pauloá Bulu apɛ sʋ nabwɛ Kristo Yesu sumbi ɔyɔpʋ, dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩlahɔ Kristo Yesu gyi, mlɩa mʋnyɔ mlɩlabwɛ kʋlɛ, mlɩbʋ Efeso wulutɔ. Ndɛ mlɩ itsia ha.

Efesofɔ 1:15

Mʋ́ alɩ sʋ, tsu brɛá nonuá mlɩlahɔ anɩ Wie Yesu gyi pʋ́ alɩá mlɩtɔdwɛ Bulu aha fɛ́ɛ́ a,

Efesofɔ 6:24

Ogyi aha ánɩ́ bʋtamasi anɩ Wie Yesu Kristo dwɛ fɛ́ɛ́ bʋalɛ.

Filipifɔ 2:19

Nɩ anɩ Wie Yesu lotsula a, ɩmɔ́ɔwa ɔpá nɔ́wa Timoteo mlɩ wa. Nɩ oyinki bɛbla mɩá mlɩtsie wanklaan a, ansɩ bégyi mɩ.

Filipifɔ 2:5

Mlɩha mlɩ agywɩɩn ɩbwɛ fɛ Kristo Yesu klɛ.

Filipifɔ 3:12

Mmɛdɛblɩ mbɛɛ, mɩ ɩbɩ lada ntobi anfɩ fɛ́ɛ́ ntɛ Bulu labwɛ mɩ nafʋn. Ntra ndɛ nsi wa alɩá ɩbɔ́bwɛ mɩ ɩbɩ bɛ́da tɔ amʋ sʋ amʋʋ Kristo Yesu ɩbɩ lada mɩ amʋ.

Filipifɔ 3:3

Tsufɛ anɩ aha amʋʋ anɩtɔpʋ Ɔŋɛ Wankɩhɛ sum Bulu amʋ gyi kete atɩnpʋ onuto nɩ. Mʋ́ sʋ abɛ́talɩ tsu ɩwɩ ɩtɔ amʋʋ Kristo Yesu labwɛ ha anɩ amʋ sʋ. Anɩtamapʋ ansɩ dɩnka tɔá nyankpʋsa lapʋ ɩbɩ bwɛsʋ.

Filipifɔ 3:8

Mʋ́á ɩdʋn mʋ́ kʋraa gyi, nɩ nɔpʋkɩ alɩá nɔpʋbɩ mɩ Wie Kristo Yesu a, nawun ánɩ́ ɩbʋ labi dʋn togyitɔ. Nawun ánɩ́ nahʋlɩ ntobi anfɩ ntɛkɩá ɩbʋ mɩ labi anfɩ fɛ́ɛ́, alɩá Kristo ɔbɛ́da mɩ ɩbɩ sʋ.

1 Tesalonikafɔ 1:1

Mɩ Paulo, mɩa Silwano pʋ́ Timoteo dɛ ɔwʋlʋ anfɩ wanlɩn sɩsɩ ɔpasua ánɩ́ igyi anɩ Sɩ Bulu mʋa anɩ Wie Yesu Kristo klɛ, ɩbʋ Tesalonika wulutɔ. Anɩ Sɩ Bulu mʋa anɩ Wie Yesu Kristo bʋgyi mlɩ bʋalɛ, abʋha mlɩ iwilwii.

1 Tesalonikafɔ 2:2

Mlɩyin alɩá bɔwa anɩ amʋmʋyɔ, sʋpa anɩ Filipi wulutɔ asa anɩlɛba mlɩ wa. Mlɩyin ánɩ́ akʋ bʋmotsula, bɛhɩɛ kʋsʋ lɩɩ anɩsʋ; tamɛ anɩ Bulu lɔwa anɩ ɔwʋnlɩn, anɩlɛbla mlɩ asʋn wanklaan amʋ.

2 Tesalonikafɔ 1:1

Mɩ Paulo pʋ́ Silwano mʋa Timoteo dɛ ɔwʋlʋ anfɩ wanlɩn sɩsɩ ɔpasua ánɩ́ ɩbʋ Tesalonika wulutɔ, mlɩgyi anɩ Sɩ Bulu mʋa anɩ Wie Yesu Kristo klɛ.

2 Tesalonikafɔ 1:10

Ɩsʋbɩtɩ anfɩ ɩbɛ́ba ɛkɛ amʋʋ ɔbɛ́ba, Bulu ɔbɔ́wa mʋ numnyam aha wankɩhɛ ansɩtɔ amʋ. Ifu bɛ́kɩta ahogyipʋ. Mlɩ ɛ mlétsia amʋ́tɔ, tsufɛ mlɩlɔhɔ mʋ ɩwɩ adansɩɛ amʋʋ anɩlegyi suna mlɩ amʋsʋ gyi.

1 Timoteo 3:8

Ɔpasua ɔhandɛ ɔbʋapʋ ɛ ɔbwɛ ɔha ánɩ́ obú bʋ mʋsʋ. Ɔma nnonyɔ, ɔtamabʋ nta, ɔma sika ɔnsɩpɛ.

Tito 1:1

Mɩ Bulu osumbi Paulo, ngyi Yesu Kristo sumbi ɔyɔpʋ dɛ ɔwʋlʋ anfɩ wanlɩn. Bulu lɛlɛ mɩ ɔbɛɛ, mbɛha aha amʋʋ alalɛ amʋ abʋtra nya hogyi tsɩa. Mɩ ansuna amʋ́ abʋbɩ ɔnɔkwalɩá ɩbɛ́ha amʋ́ bétsia tsiatɔá ilegyi mʋ ansɩ.

Tito 1:7

Ɩnɩá Bulu agyʋmasʋ ɔpasua ɔhandɛ amʋ dɛkɩ sʋ a, ɔlala mátsia mʋ ɩwɩ. Ɔmábwɛ ɔha ánɩ́ ɔtamahɔ aha asʋn, ntɛ ɔtɔkɔsɩ nya ɔblɔ, ntɛ ɔtɔbʋ nta, ntɛ otekle ɩkɔ ntɛ ɔbʋ sika ɔnsɩpɛ.

Filemon 1:1

Mɩ Pauloá nda obu Kristo Yesu sʋ pʋ́ anɩ pio Timoteo dɛ ɔwʋlʋ anfɩ wanlɩn. Anɩdɛ mʋ́ wanlɩn sɩsɩ fʋ anɩ pio ɔdwɛpʋ, fʋgyi anɩ agyʋmayɔba Filemon. Fʋa anɩ pio tsɩhɛ Apia mʋa anɩ agyʋmayɔba ánɩ́ ogyi ɩsa ɔkɔpʋ Arkipo mʋa Kristo ɔpasua amʋʋ bʋtefia fʋ woyitɔ amʋ fɛ́ɛ́.

Hebrifɔ 13:23

Ndɛ mlɩ ɩbɩ ha ánɩ́ balɛ anɩ pio Timoteo obu. Nɩ ɔlɔwa ɔsa bɔtʋ mɩ nfɩ mʋ́ a, nɛ́kpa mʋ abɛ́ba bɛkɩ mlɩ.

Yakobo 1:1

Mɩ Yakoboá ngyi Bulu mʋa anɩ Wie Yesu Kristo osumbi dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩladasaɩn wa ɔyɩtɔ fɛ́ɛ́. Ndɛ mlɩ itsia ha.

1 Petro 2:25

Tsufɛ mlɩgyi fɛ akufa fwɩhɛ, fɛ alɩ amʋʋ bɔwanlɩn wa Bulu asʋntɔ amʋ. Tamɛ sei mʋ́ a, mlɩlayinki ba mlɩbuo Yesu, mlɩ ɔklasʋ ɔkɩpʋ pʋ́ mʋ ɔkpapʋ amʋ.

2 Petro 1:1

Mɩ Yesu Kristo osumbi pʋ́ mʋ sumbi ɔyɔpʋ Simon Petro dɛ ɔwʋlʋ anfɩ wanlɩn. Ndɛ mʋ́ wanlɩn sɩsɩ mlɩ fɛ́ɛ́á mlɩlanya hogyiá ɩbʋ labi fɛ anɩ klɛ, Bulu mʋa anɩ Ɔlɛpʋ Yesu Kristo yilebwɛ laha anɩlanya amʋ.

Yuda 1:1

Mɩ Yesu Kristo osumbi Yuda, Yakobo mʋ pio dɛ ɔwʋlʋ anfɩ wanlɩn sɩsɩ aha ánɩ́ anɩ Sɩ Bulu lɛtɩ, ɔtɔdwɛ amʋ́, Yesu Kristo dɛ amʋ́sʋ kɩ.

Atɔ Lɛsunahɛ 1:1

Ɩnɩgyi atɔá Bulu lɛha Yesu Kristo lɛlɛ suna mʋ asumpʋ tsu tɔá ɩbɛ́ba nkɛ anfɩtɔ ɩwɩ nɩ. Yesu lɔwa Bulu-ɔbɔpʋ lɛba bɛlɛ mʋ́ suna mʋ osumbi Yohane.

Atɔ Lɛsunahɛ 1:20

Ntsrakpabi asienɔ amʋʋ fowun mɩ gyɔpɩtɔ pʋ́ sika pɛpɛ ɔkandɩɛ-oyi abambi asienɔ amʋ asɩ nɩ. Ntsrakpabi asienɔ amʋ igyi ɔpasua asienɔ amʋ abɔpʋ. Ɔkandɩɛ-oyi abambi asienɔ amʋ ɛ gyi ɔpasua asienɔ amʋ.

Atɔ Lɛsunahɛ 19:10

Ɩnʋ nemli bun mʋ ayabitɔ, mbɛɛ ansum mʋ, tamɛ ɔlɛbla mɩ ɔbɛɛ, “Mábwɛ! Tsufɛ Bulu osumbi ngyi fɛ fʋa fʋ apio amʋʋ mlɩdɛ Yesu ɩwɩ adansɩɛ gyi amʋ. Sum Bulu nkʋlɛ pɛ! “Tsufɛ aha amʋʋ bʋdɛ Yesu ɩwɩ adansɩɛ gyi amʋ bʋbʋ Bulu ɔnɔsʋ asʋnblɩ ɔŋɛ.”

Atɔ Lɛsunahɛ 2:12

Ɔlɛtra bla mɩ ɔbɛɛ, “Wanlɩn asʋn anfɩ sɩsɩ Akristofɔ ɔpasua ánɩ́ ɩbʋ Pergamo wulutɔ ɔbɔpʋ fɛɛ, “Ɔha amʋʋ ɔbʋ ɔdayi ɩya anyɔ klakla amʋ ɔbɛɛ:

Atɔ Lɛsunahɛ 2:8

Ɔlɛtra bla mɩ ɔbɛɛ, “Wanlɩn asʋn anfɩ sɩsɩ Akristofɔ ɔpasua ánɩ́ ɩbʋ Smirna wulutɔ ɔbɔpʋ fɛɛ, “Ɔha amʋʋ ogyi Ogyankpapʋ mʋ́a Ɔtrahɛ, olowu lakʋsʋ tsu afulitɔ amʋ ɔbɛɛ:

Atɔ Lɛsunahɛ 22:9

Tamɛ ɔlɛtra bla mɩ ɔbɛɛ, “Mábwɛ! Tsufɛ Bulu osumbi ngyi fɛ fʋa fʋ apio Bulu ɔnɔsʋ atɔɩpʋ, pʋ́ aha amʋʋ bégyi asʋn amʋʋ bɔwanlɩn wa ɔwʋlʋ anfɩtɔ amʋsʋ. Sum Bulu nkʋlɛ!”