Yak. 1:9 - Ebaibul

⁹ Itemokino Ekristoit ŋolo ekulyakana elakara apaki ŋina itopoloorya Akuj iŋes

Yak. 1:9 Cross References

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Ŋakit. 17:5

Ituŋanan ŋini ejamuwarit ŋikulyak, iyanyi Akuj ŋina asubuni ŋikulyak, ituŋanan ŋini elakara eryamunete ŋituŋa ŋican, emaikina kisicanae.

Ŋakit. 19:1

Ejok araakau ŋini ijok ŋini irworo ŋuna a kire, akilo araakau ŋini ibaŋaana ŋini irworo alyokonu.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Luk. 1:52

Ekota iŋes ŋikapolok alokicoloŋo kec, ka etopoloo ŋulu itiditeuna alotai kec.

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Luk. 9:48

tolimok ikes tema, “Ŋinituŋanan ijauni ikoku ŋini cici ŋini ikoni en alokiro kaŋ, ekejauni ayoŋ; a nen ŋini ekejauni ayoŋ, ijaunit tari ŋini ekeyakuunit ayoŋ. Anerae ŋini itiditeuna alokidiŋ kus, iŋes epol nooi.”

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

Ŋikis. 15:11

Ikwapei nyemamukaunotor anakwap ŋituŋa ŋulu iitanito akiŋarakino, ekeciki tokona ayoŋ iyes ebe, “Toŋaarito ŋakan kus neni a ŋikulyak ka neni a ikidunyet kus a ŋini eyakar iitanit anakwap kus.”

Ŋikis. 15:7

Ani keyai alokidiŋ kus ituŋanan ŋini iitanit idiobore, ituŋanan idio alotooma atukot kus, alotaun kus ka anakwap a ŋina ikiinakini iyes Ekapolon Akuj kus, nyiraakasi ŋituŋa ŋulu imini, kori ibunito ŋakan aneni a ikidunyet kus a ŋini eyakar akiitanit.

Ŋikis. 15:9

Tocoito, nyiyakatar atametait ŋina ka aminiu, ido itamete ebe, “Aapuu tokona ekaru ŋolo a ŋikanikaarei ŋolo eesyanakinere ŋamicae,” ido iteete iryenyaaka ikidunyet kus ŋini icana nyiinakis iŋes ibore ŋini icana. Acepaki igworokini ikidunyet kus ŋin Ekapolon ikitoroniyarit iyoŋ, ido iyakaunor iyoŋ ekaile ŋolo ka asecit.

Ŋipil. 3:14

Aŋun, aŋirikinit nooi akerit kiŋaren akitodol tari naŋetakinet, ikotere oryamu eropit ŋolo erae anyarit ŋina ka Akuj alotooma Yesu Kristo, nakiyar ŋina alokidiama.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 2:9

Ayeni ayoŋ ŋatyokisyo kon ka ayeni ayoŋ atemar ikulyakana iyoŋ, nai kire ibarit! Ayeni ayoŋ tari ŋuna aronok ŋuna ikirworotor iyoŋ ŋituŋa ŋulu ebasi ebe ikirae ikes Ŋiyudayan, nai nyerae; eraakasi ikes atukot ŋina a Satan!

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.