This book is not inspired by God and is not part of the Christian canon or the Jewish Tanakh. It is shown only for historical and study purposes. View full explanation Tobit 10:12 - Ebaibul12 Abu nai Raguel tonu nakoku keŋ Sara tolimok iŋes tema, “Nakoku kaŋ, kitopoloorite papa alokile kon ka toto alokile kon, anerae ameun tokona erae ikes papa ka toto kon lopite ŋolo a ŋikauruunak kon. Nakoku, ape a ekisil, elipi eira ayoŋ ŋakiro ŋuna ajokak aŋuna kon ŋirwa daadaŋ ŋulu ayarya ayoŋ.” Kimala nai Raguel Tobias ka Sara, ido kimyek ikes toloto. Tema Edina neni a Tobias, “Lokoku kaŋ ka lokaato kaŋ ŋolominat, elipi ikiyok iyes Akuj ŋina anakuj todolo iyes ejok, elipi daŋ oyar apaki ŋina aoyan eŋolik ŋidwe kon ka ŋulu a anakoku kaŋ Sara eriŋa ayoŋ nyetwana. Akainakini ayoŋ iyoŋ nakoku kaŋ ite Ekapolon, nyitiya ŋakiro ŋadi ŋuna einakinete iŋes akiyaloloŋ ŋirwa ŋulu ka akiyar keŋ daadaŋ. Lokoku kaŋ, ape a ekisil. Ameun tokona arae ayoŋ toto kon ka erae Sara aberu kon ŋinaminat. Elipi ikiyok Akuj iwon daadaŋ ŋirwa daadaŋ ŋulu ka akiyar yok.” Abu nai Edina tonu Tobias ka Sara, ido kiŋolik ikes erotokinete emam ŋace. See the chapter |