Neem. 1:1 - Ebaibul

¹ Ŋakiro a Neemia a lokoku ka Acalia. Alokaru a ŋolo a ŋatomoniarei ipukat Aritaseses Perisia, elap ŋolo enyaritae a Ŋaburaniyae Kisilep, apaki ŋina ayakar ayoŋ Susa lotaun a Perisia ŋolo apolon,

Neem. 1:1 Cross References

Sakar 7:1

Ani edoli ekaru ŋolo a ŋiomwon erae Darius erwosit, ŋirwa ke elap ŋiomwon, elap ŋolo a ŋikanikaomwon ŋolo enyaritae Kisilep, abu Ekapolon kirwor neni a Sakariya.

Neem. 10:1

Nakaratas ŋina ipucakinitae ŋin, eyakasi ŋirorwa a Neemia a ekepukan a ŋolo arae lokoku ka Akalia ka ŋolo a Sedekia,

Esta 1:2

Alorwa a ŋul abu erwosit Ausero min napukan kipuka akwap keŋ alokai ka apukan a ŋina ayai Susa.

Dan. 8:2

Anakisileerekinet a ŋina ete ayoŋ anakiruja, abu ayoŋ eŋolik ayai Susa lotaun ŋolo apolon ŋolo ayai Elam natyakatait a akwap a Babilon, awoi ayoŋ alodiyete aŋolol ŋina enyaritae Ulai.

Esir 7:7

Apotu daŋ Ŋisirael ŋice ka ŋisacaradotin ŋice ka ŋilepi ŋice ka ŋikaeok, ŋiketeok ŋipukei ka ŋiketiyak a Akai ka Akuj kitipeiyosi Yerusalem alokaru a ŋolo a ŋikanikaarei ipukat erwosit Aritaseses.

Esta 3:15

Toema ŋikapiranak atipei nakwapin ŋuna epukat Ausero, ikwapei alimokinitor Ausero ikes, ido aponi ŋakiro ŋun kiseraunae alokai ka apukan a ŋina alo Susa. Kiboikinos erwosit ka Aman, kisyakis akimat kaapei, nai apotu ŋituŋa ŋulu a etaun a ŋolo a Susa kiguryakin.

Neem. 2:1

Elap ŋolo enyaritae a Ŋaburaniyae Nisan, alokaru a ŋolo a ŋitomon ka ŋiarei ipukat erwosit Aritaseses Perisia, apaki ŋina einanakinere erwosit epiini, abu ayoŋ odaka epiini oina erwosit. Sek ekiŋaren mam apaki ŋina alositor ayoŋ neni ke erwosit eyaloloŋi.

Esir 10:9

Apotu nai ŋituŋa a Yudaya daadaŋ ka ŋulu a Benjamin tocunakinos Yerusalem alotooma ŋirwa ŋiuni, arae elap ŋolo a ŋikanikaomwon, ŋirwa ke elap a ŋol ŋatomoniarei acununotor ikes Yerusalem. Kiboikinos ŋituŋa daadaŋ neni alapat alokiŋaren Akai ka Akuj, amaranete ikes aŋuna a ŋakiro a ŋuna anyaraunitere ikes ka aŋuna ka akiru a ŋina alal nooi.

Neem. 5:14

Ameun anapaki a ŋina akaseunere ayoŋ aruwor ekepukan a Yudaya, ameun alokaru a ŋolo a ŋatomoniarei akitodol ekaru ŋolo a ŋatomoniuni ka ŋiarei ipukat Aritaseses ŋikaru ŋitomon ka ŋiarei, nyenyama ayoŋ, kori ŋikaitotoi kaŋ akimuj ŋina alemunit erwosit aŋuna kaŋ a ekepukan.