Isa. 10:3 - Ebaibul

³ Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 10:3 Cross References

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Yob 31:14

Anu nai etiyae ayoŋ apaki ŋina akanyunyurikinor ayoŋ Akuj? Anu aboŋokini ayoŋ apaki ŋina iŋitar Akuj ŋakiro?

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 20:6

Akoloŋit ŋin elimunete ŋituŋa ŋulu iboiyete alodiyete anam ebe, ‘Kiŋolikisi ŋakiro ŋuna etiyakin neni a ŋituŋa a ŋulu ikigeno iwon, a ŋulu aponi iwon toemae neni kec aryamun akiŋarakinet ka alakuno aneni a erwosit ka Asiriya. Ani bo iwon, ikokinio ai ebucaroi?’ ”

Isa. 5:26

Iwuakini Ekapolon akitoodikinet ŋina enyaraa ŋituŋa a akwap a ŋina alwanan, ekutakini iŋes ekapiriicit tonyarau ŋituŋa anakisaleta a akwap, ido epote ŋul iwonyete atipei ka ekerete!

Ŋakit. 11:4

Emam ajokis itiyakini ebari neni kon akoloŋit ŋina itwania iyoŋ, nai ikilakuni iyoŋ anatwanare akiyookino.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Isa. 39:3

Bu nai ekadwaran Isaya neni a erwosit Esekia, kiŋit tema, “Ŋakiro a nu irworosi ŋituŋa ŋul? Ai aponiata ikes neni kon?” Toboŋok Esekia tema, “Eponito ikes neni kaŋ anakwap a ŋina alwanan nooi, a ŋina enyaritae Babilon.”

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 5:14

Aŋun, eitan nooi akwap ŋina a ŋikatwak ikes aŋaar ŋalup nooi aŋuna kec, elomarete tooma ŋalup ŋikapolok a Yerusalem ka ŋituŋa ŋulu alalak kaapei ka asepic ŋina sek ecela a nen ta ŋulu sek itopoloorito iŋes.

2 Ŋirw. 7:15

Torotokis ikes kiwuapa ŋasigarya ka Aram todolo Yorodan, toryamut ŋilowi ecakanakina erot daadaŋ. Arae ŋilowi ŋul ŋulu kimasanarete ŋasigarya aŋuna ka asuronot. Toboŋut nai ŋikilyok ŋulu eyakit erwosit tolimokis eemut neni ke erwosit.

Akisy. 31:1

Apaki ŋin, kiira Yakob atemar ebasi ŋidwe a Laban ŋulusapa ebe, “Aya Yakob ibore daadaŋ ŋini erae ŋini a papa yok, abarya iŋes ibore daadaŋ ŋini sek arae ŋini a papa yok.”

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 17:4

Akoloŋit ŋina itiyakinotor ŋun, elemaryo apolou aneni a ŋituŋa a Yakob ka edaun ebari kec toruworos ŋikulyak.

Isa. 26:14

Nyeyarete ŋikatwak, nyeboŋununeete nakwap ŋitorubei a ŋikatwak, anerae ibu iyoŋ kisican ikes ka tomunya ikes, kitoŋopiya ikes tojoŋoi atamunit jik.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 30:5

irumete ŋileec ŋituŋa a Yudaya daadaŋ aŋuna a ŋituŋa a ŋulu nyepedorete akiŋarakin ikes, ŋituŋa ŋulu nyeyaunete adiojokis, kori adiokiŋarakinet neni kec, nai ŋileec ka ajamuwaro.”

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Yer. 4:30

Okoe Yerusalem, aema ŋituŋa aneni kon, anijokis enapitotor ŋituŋa kon ŋilowi ŋulu areŋak, anukiro esiritotor ŋituŋa kon a ŋinapen a ŋulu itiyaunitae a egolid ka iosyata eraŋgi nakonyen kec? Isibusasi ŋituŋa kon koŋin, ikijamuwarito iyes ŋulu ikiminasi iyes, iwarito ikes akiar iyes.

Yer. 9:9

Nyesicani mono ayoŋ ikes aŋuna a ŋakiro a ŋun a? Nyenyaŋari mono ayoŋ aronis a ŋituŋa a akwap a ŋina itiyaete ŋituŋa keŋ ŋakiro ŋuna ikote nu a?

Yer. 22:7

Etemokini ayoŋ ŋituŋa ŋulu epote akinyasun iyoŋ, ayauni ayoŋ ikes daadaŋ eyakatar ŋiboro kec ŋulujiet, etubutubokinete ikes kwap ŋikito kon ŋulu a Cedar kimasakis nakim.

Osea 9:5

Ani bo moi edoli ŋarwa ŋuna a ŋasuban a ŋuna emaikina iyes kitiyaneneete ka edoli akoloŋit ŋina a ŋasuban a Ekapolon?

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Isa. 28:20

Euruwaniar ekitaada, nyepedori ituŋanan arwaar ŋakejen, editiyar ibore ŋini imukore, nyepedori ituŋanan akimukor akuwan keŋ daadaŋ.

Amos 5:19

Ikwaanikin akoloŋit ŋin ka ŋina ani keem ituŋanan kilany eŋatuny, kiryamunos ka etyaŋ ŋolo adedeŋan akilo, kori ani ieŋuni alokai keŋ erwaarit akan keŋ narwatata, tokony emun nakan.