FILIPƐ 4:9 - WE NU GALE 1995

⁹ Nɛ dɛ́ mɛnɔ vɛ̃ kɛ mi bia zi hã nɛ, nɛ nɛ yambala zi kɔ̃ mi, nɛ nɛ zila dɛ nu mi, nɛ nɛ zɔa mi tɛ dɛ nɛ ni. Nɛ Gale, wele gɛ̃a sila sɛ fala nɛ kpo do nɛ.

FILIPƐ 4:9 Cross References

Ezai 41:10

Nɛ tɛ dɛ̀ kili gɔ, mba gɔ, mi do nɛ boe. Da dɛ kɔ kili bá nɛ gɔ, we kɛ mi a Gale 'da nɛ. Mi hã sɛ ngawi hã nɛ, nɛ mi gala sɛ nɛ. Ngawili kɔ̃ mi ma si sɛ ngɔ, nɛ ma amba sɛ zu nɛ kɔ ngamɔ.

Ezai 8:10

Gɛnɛ kɔ nɛ 'dafa mɔ, nɛ ma 'danga sɛ iko. Gɛnɛ kɔ nɛ wele we gbaa, nɛ nde mɔ kpo dɛ́ sɛ tɛ̃ ɛ gɔ, we duzu kɛ Gale do lɛ boe.

MATIE 1:23

“Be zɔnga a ba sɛ zã, nɛ a ko sɛ bulu be, nɛ wa sa sɛ li a na Emanuɛlɛ” ni, ma dɛ tɛ̃ ɛ. (Gulu li Emanuɛlɛ na: “Gale do lɛ boe.”)

MATIE 28:20

Nɛ nɛ bé hã wa na, wa dɛ mbulanɔ vɛ̃ kɛ mi bia zi hã nɛ ni. Nɛ mi, mi sɛ fala nɛ kpo do nɛ fai, gbaa we hɔ ngba soe nùi ma 'danga sɛ nɛ ni.”

MATIE 7:21

“Winɔ vɛ̃ kɛ wa sa li mi na: ‘Nwa, Nwa’ ni, wa lé sɛ kɔ le nwa 'da Gale gɔ, nɛ nde wi tati a wanɔ wa dɛ mɛnɔ kɛ zã Baa mi kɛ li nza i kɔ̃a ni, wa le sɛ.

LUKA 6:46

“Gulu kɛ nɛ sa li mi na: ‘Nwa, Nwa,’ nɛ nde nɛ dɛ́ mbula nu mi gɔ we ge nde?

LUKA 8:21

Nɛ Yezu tɔ̃a hã winɔ vɛ̃ na: “Naa mi do onya mi, wi a wanɔ kɛ wa zele we nu Gale, nɛ wa dɛ ma ni.”

YOANƐ 13:17

Nɛ́ kɛ nɛ ĩ gulu nɛ ia ni, fala kɛ nɛ e ma fala dɛa to, nɛ nɛ sɛ do yangga wena.

YOANƐ 15:14

Kɔ fala kɛ nɛ dɛ mbula 'da mi, nɛ nde nɛ a oyali ngba mi.

YOANƐ 2:5

Nɛ naa a nɛa, nɛ a tɔ̃ hã owi dɛa tonɔ na: “Nɛ dɛ́ kɛnɔ vɛ̃ a tɔ̃ sɛ hã nɛ ni.”

Owi Nɛ Tonɔ 9:6

Kɔ mɔ kúlú ngɔ, hã mɔ lé dɛ kɔ le i, nɛ wa tɔ̃ sɛ we mɛ mɔ wia tɛ dɛ ma ni hã mɔ.”

ROMA 15:33

E kɔ Gale wele gɛ̃a sila, a ɔ do nɛ vɛ́! Amɛ.

ROMA 16:20

Gale, wele gɛa sila kɔlɔ fala gbɛ ngawi 'da Satana ia, nɛ a e sɛ a do ti nyanga nɛ. E kɔ dia zã 'da Nwa 'da lɛ Yezu ma 'bana do nɛ vɛ!

1 KORINTƐ 10:31

Na mɛ ni, fala kɛ nɛ nyɔngɔ mɔ, tabi nɛ nɔ dɔ̃, tabi nɛ dɛ ge nde, nɛ ma wia na, nɛ dɛ mɛnɔ ni vɛ̃ we hã dɔ̃lɔ̃ li hã Gale.

1 KORINTƐ 14:33

Mba gɔ, Gale kɔ̃̀ vĩ zu dɛa mɔ gɔ, nɛ nde a kɔ̃a na, lɛ ɔ do dungu fio. Ɔ nɛ kɛ ma dɛ tɛ ɛ kɔ eklezia 'da Gale tɛ falanɔ vɛ ni,

1 KORINTƐ 4:16

Kɔ mi tɔ̃ hã nɛ na, nɛ dɛ́ ɔ nɛ kɛ mi dɛ ni.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

Mbulanɔ 5:1

Mɔizɛ sa mɔ hã obe Israɛlɛ vɛ̃, nɛ a tɔ̃ hã wa na: “Nɛ, obe Israɛlɛ, nɛ zélé mbulanɔ vɛ̃ mi hã ma hã nɛ sɔɛ gɛ. Nɛ yámbálá ma, nɛ nɛ e ma fala dɛa to.

FILIPƐ 3:17

Onyae, nɛ vɛ̃ nɛ 'bã́ olo kɔ̃ mi. Nɛ kálá li nɛ, hã nɛ zɔ mɛ kɛ winɔ dɛa mɔ tɛ wa wia kɔ̃ do kɛ nɛ zɔa kɔ̃ lɛ ni, wa dɛ ni.

FILIPƐ 4:7

Nɛ a dɛ sɛ na, nɛ ɔ do gɛ̃a sila kɛ ma nɛa ngɔ hã zã 'da wele vɛ̃ ni, nɛ ma 'dafa sɛ sila nɛ, do linggamɛnɔ 'da nɛ, we duzu kɛ nɛ mba kpo do Yezu Kristo.

1 TƐSALONIKƐ 1:6

Nɛ nɛ 'bã zi do kɔ̃ lɛ, do olo kɔ̃ Nwa Yezu. Nɛ gɛnɛ kɔ nɛ zɔ zi ngamɔ wena, nɛ nde nɛ kɔ̃a zi gɛnɛ we 'da Gale do yangga kɛ Hi Wi Santo hã ma hã nɛ ni.

1 TƐSALONIKƐ 2:14

Mba gɔ, onyae, mɛ kɛ ma dɛa tɛ̃ ɛ hã nɛ ni, ma wia kɔ̃ do kɛ 'da owinɔ 'da Gale kɔ eklezianɔ tɛ ngɔ nù Yude, kɛ wa kɔ̃a zu li Yezu Kristo ni. Onya nɛ ngboo, wa zɛlɛ zi 'bɔ tɛ nɛ, ɔ nɛ kɛ Oyudanɔ wa zɛlɛ zi do tɛ Owi Kristonɔ ngɔ nù Yude i ni.

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

2 TƐSALONIKƐ 3:4

Ɔ nɛ kɛ lɛ kɔ̃a zu li Nwa ni, lɛ gbini zã lɛ do nɛ na, wenɔ vɛ lɛ tɔ̃ hã nɛ ni, nɛ dɛ ma dɛa, nɛ nɛ dɛ sɛ ma fai.

2 TIMOTE 4:22

E kɔ Nwa ɔ do mɔ! Nɛ dia zã 'da Gale ma 'bana do nɛ vɛ!

ZAKE 1:22

Nɛ dɛ́ mbula 'da Gale, nɛ tɛ zèlè do zala nɛ iko gɔ. Ní gɔ, nɛ nde nɛ ɔlɔ tɛ nɛ iko.

2 PETRO 1:10

We duzu ki ni, onyae, nɛ dɛ́ nganda wena we 'dafa dungi 'da nɛ, takɔ nɛ be hã winɔ na, Gale sa mɔ hã nɛ, nɛ a saka nɛ gbãlã we. Kɔ nɛ dɛ ní, nɛ nde nɛ té sɛ 'bɔ li 'dã mɔ fala kpo gɔ.

1 YOANƐ 3:22

Nɛ Gale a hã sɛ mɛnɔ lɛ gɔ kɔ̃ a ni vɛ̃ hã lɛ, we kɛ lɛ dɛ mbula 'da a dɛa, nɛ lɛ dɛ a mɔ kɛ ma hã yangga hã a ni.