FILIPƐ 4:8 - WE NU GALE 1995

⁸ Onyae, tala lɛnggɛ 'da mi ma kɛ: Nɛ lénggé tati a do mɛnɔ kɛ ma a dia, nɛ ma do dĩ ni, mɛnɔ kɛ wa wia tɛ kɔ̃ gɛnɛ nɛ, nɛ ma a gbãlã we, nɛ ma a bɔlɔ, nɛ ma a sa, nɛ wele dɛ yangga do ma, nɛ wa dɔnggɔ ma ni.

FILIPƐ 4:8 Cross References

Ndo Nyanga Dɛ Mɔ 18:19

Mi saka a, takɔ a tɔ̃ mbula hã obenɔ 'da a do obe zã wa na, wa zele we nu mi, nɛ wa dɛ mɔ tɛ wa do bɔlɔ nɛ. Sɛ nɛ mi we sɛ we dɛ mɛ kɛ mi kpua zi mbulu nɛ hã a ni de.”

2 SAMUƐLƐ 1:23

Saulo do Yonatanɛ, wa zi a wi dia sila ngboo. Kɔ dungi 'da wa vɛ̃ wa zi fala nɛ kpo, nɛ fio kɛ 'bɔ sanga tɛ ngba wa gɔ. Tɛ wa gbɛnga nɛa ngɔ oziki, nɛ ngawi 'da wa la kɛ 'da ogbɔgbɔ.

2 SAMUƐLƐ 23:3

Gale 'da lɛ obe Israɛlɛ wele we, Gale, wi amba zu lɛ obe Israɛlɛ tɔ̃a hã mi na: ‘Nwa kɛ a zɔ mɔ tɛ owinɔ 'da a do bɔlɔ zu, nɛ a dɛ to nwa 'da a nɛ́ kɛ zã mi Gale kɔ̃a ni,

Zumanɔ 82:2

“Nɛ tɛ gɔ̀nɔ̀ ngbangganɔ do bɛlɛ gɔ, nɛ tɛ gbɛ̃ dia gulu we hã owi 'dã gulu we gɔ.

GBA WENƆ 11:1

Gale sɛnɛ wi be gole kɛ a e mɔ nu kilo do bɛlɛ ni. Nɛ nde a kɔ̃a wele kɛ a e ma do gbãlã we ni.

GBA WENƆ 12:4

Wuko kɛ zu a a bɔlɔ ni, a hã dɔlɔ li hã wili a. Nɛ nde yɔnda wuko, a nyɔngɔ sila wili a, ɔ nɛ zɛlɛ nyɔngɔ gbãlã ni.

GBA WENƆ 16:11

NWA Gale kɔ̃a na, kilonɔ kɛ wa we do mɔ ni, ma ɔ a dia. A wele nɛ, a wia dĩ mɛnɔ ia.

GBA WENƆ 20:7

Fala kɛ wele yɛnggɛ do bɔlɔ nɛ, do gbisa zu, nɛ obe olo a wa dungu sɛ do dia nɛ.

GBA WENƆ 31:10

Fala kpa dia wuko sɔ̃a gbãlã tɛ nganda wena. Wuko sɔ̃a gbãlã tɛ dia nɛa ngɔ iyaka olo gã gole.

GBA WENƆ 31:29

Wili a tɔ̃ na: “Sɔ̃a gbãlã tɛ wukonɔ wa dɛlɛ wena. Nɛ nde tɛ mɔ sɔ̃a nɛa ngɔ wa vɛ̃.”

GBA WENƆ 31:31

Ma wia na, wuke ni kpa si olo dɛa toe 'da a, nɛ wa dɔnggɔ a kɔ le vɛ̃.

SƆKPƆ DIA ZUMANƆ 5:16

A nzɔ'bɔ nu mi, nɛ nu a ɛ̃fɛ̃ tɛ mi ndirr, mɔ tɛ̃ a vɛ̃ de tɛ mi dia iko. Aa nɛ, obe zɔnga kɔ le Yeruzalɛmɛ, wili mi ɔ nɛ kɛ mi tɔ̃a ni!

Ezai 26:7

NWA, mɔ be bɔlɔ wala hã wi bɔlɔ zu, nɛ a yɛnggɛ do li dia wala kɛ mɔ 'dafa ma hã a ni.

MATIE 22:16

Nɛ wa tumba mbe winɔ 'da wa, do mbe winɔ 'da Herodɛ hã Yezu we aka a na: “Wi be mɔ, lɛ ĩ na, mɔ tɔ̃ gbãlã we fai, nɛ mɔ be tati a wala kɛ ma a bɔlɔ li Gale ni. Nɛ mɔ dɛ́ kili wele gɔ, nɛ mɔ sɔ́nzɔ́ do mɔ mɔ́ wele gɔ.

MARKO 6:20

Mba gɔ, Herodɛ dɛ zi kili Yoanɛ wena. Nɛ a fɔmɔ a, we duzu kɛ a ĩ na, Yoanɛ a a wi bɔlɔ zu, nɛ a a wi 'da Gale ngboo. Nɛ nde 'da falanɔ vɛ̃ kɛ Herodɛ zele zi wenɔ Yoanɛ be ni, nɛ ma ia sila a ngɔ wena. Gɛnɛ kɔ na mɛ ni, nɛ nde Herodɛ dɛ zi yangga wena we zele Yoanɛ.

LUKA 16:15

Nɛ Yezu tɔ̃ hã wa na: “Nɛ be tɛ nɛ na, owinɔ wa zɔ nɛ ɔ nɛ odia wele, nɛ nde Gale ĩ ti kɔ sila nɛ. We kɛ mɛ Owele wa zɔ ma li wa ɔ nɛ dia mɔ ni, nɛ nde Gale zɔ li ɛ na, mɛ a mɔ gbɔlɔ mɔmu iko.

LUKA 2:25

Do 'da fala ni, mbe wele zi tɛ Yeruzalɛmɛ ni, li a a Simeoni. A zi a wi bɔlɔ zu, a dɔnggɔ zi Nwa Gale wena, nɛ a zi tɛ 'bɔ we zɔ wi kɛ a nɛ fo sɛ obe Israɛlɛ kɔ ngamɛ ni. Nɛ Hi Wi Santo zi fala nɛ kpo do a.

LUKA 23:50

Nɛ mbe wele kpo, li a a Yozɛfu, wi kɔ le Arimate, tɛ ngɔ nù Yude. A zi a mbe kpo kɔ owi 'bili wenɔ, nɛ a zi a dia wi, nɛ zu a bɔlɔ wena.

YOANƐ 7:18

Mba gɔ, wi kɛ a tɔ̃ lɛnggɛ kɛ ma yolo kɔ a iko ni, nɛ nde a fa dɔ̃lɔ̃ li 'da a zu a kpo. Kɔ wele kɛ a fa dɔ̃lɔ̃ li 'da wi tumba a ni, nɛ a tɔ̃ gbãlã we, nɛ a 'bílí bɛlɛ fala kpo gɔ.

Owi Nɛ Tonɔ 10:22

Nɛ wa gese hã a na: “Wi a Kɔmɛyɛ, kɛ a a nwa ngɔ osodanɔ ni hã a tumba lɛ. A a wi bɔlɔ zu, nɛ a dɔnggɔ 'bɔ Gale wena. Nɛ Oyudanɔ vɛ wa kɔ̃a gɛnɛ a wena. Nɛ anzɛ 'da Gale tɔ̃a hã a na, a sá mɔ hã mɔ, kɔ mɔ nɛ 'da a i, kɔ a zele wenɔ mɔ nɛ tɔ̃ hã a ni.”

Owi Nɛ Tonɔ 22:12

“Nɛ mbe wele kpo zi i mɔ, li a a Ananiasi, a zi a bɔlɔ zu wele, a dɔnggɔ zi mbula 'da lɛ wena. Nɛ Oyudanɔ tɛ Damasi ni vɛ̃, wa tɔ̃ zi dia we tɛ̃ a wena.

Owi Nɛ Tonɔ 6:3

Kɔ onyae, nɛ sáká Owele sambo sanga nɛ, kɛ nɛ ĩ na, wa dunu do ngawi 'da Hi Wi Santo, nɛ wa a ogbãlã wele ni, kɔ lɛ hã toe gɛ hã wa.

ROMA 13:13

Ma wia na, lɛ dɛ mɔ tɛ lɛ do wala olo nɛ, ɔ nɛ kɛ lɛ a Owi sa fala ni. Lɛ lá fala dɛ nga'ba, do te bá dɔ̃, do yɛnggɛ vĩ zu yali, do dɛ mɔ sape, do mɔ̃lɔ̃ do wele, do dɛ bɔnɛ.

ROMA 13:3

Mba gɔ, owinɔ kɛ wa dɛ de mɔ ni, kili Onwanɔ wè tɛ ba wa gɔ, nɛ nde wi a owanɔ kɛ wa dɛ 'dã mɔ ni, sɛ nɛ kili Onwanɔ ba wa de. Kɔ fala kɛ mɔ kɔ̃̀ na, kili Onwanɔ ba mɔ gɔ, nɛ ma wia na, mɔ dɛ de mɔ, nɛ wa dɔnggɔ sɛ mɔ.

ROMA 14:18

Wi kɛ a dɛ toe 'da Kristo na mɛ ni, nɛ a hã yangga hã Gale, nɛ Owele wa dɔnggɔ 'bɔ a.

ROMA 2:29

Nɛ nde wa ĩ ti a we duzu linggamɔ kɔ sila a kɛ wa zɔ́ gɔ ni. Nɛ ngbongbo gaza, mɛ a kɛ kɔ sila wi. Nɛ mbula hã dɛ̀ ma gɔ, nɛ nde wi dɛa ma, wi a Hi Wi 'da Gale. Nɛ wi nɛ dɔnggɔ sɛ wi ni a wele gɔ, nɛ nde wi a Gale.

1 KORINTƐ 4:5

Kɔ we duzu ma, nɛ tɛ 'bìlì we 'da ongba nɛ dati gɔ, nɛ 'bɔ́ 'da ngba soe kɛ Nwa a hɔ sɛ nɛ ni. Kɔ a hɔ, nɛ a be sɛ mɛnɔ kɛ ma usu tɛ ɛ ti tũi ni vɛ dɛ wila fala, nɛ a be sɛ usu linggamɔ kɔ sila winɔ vɛ́ dɛ nza. Na mɛ ni, nɛ wele do wele a kpa sɛ dɔngga wi kɔ̃ Gale, ɔ nɛ kɛ ma wia do a ni.

2 KORINTƐ 13:7

Kɔ lɛ aka Gale na, da dɛ kɔ nɛ dɛ́ 'dã mɔ gɔ. Mba gɔ, lɛ fà we 'dafa we 'da lɛ li owinɔ gɔ, nɛ nde lɛ kɔ̃a tati nɛ na, nɛ dɛ de mɔ. Gɛnɛ kɔ winɔ wa zɔ lɛ ɔ nɛ lɛ ĩ̀ ti dɛ to gɔ, nɛ nde we bina.

2 KORINTƐ 6:8

Ombe winɔ wa mɔmɔ lɛ, nɛ ombe wa dɔnggɔ lɛ. Owele wa 'danga zu li lɛ, nɛ ombe wa tɔ̃ dia zu li lɛ. Wa zɔ lɛ ɔ nɛ owi 'bili bɛlɛ ni, nɛ nde lɛ tɔ̃ gbãlã we.

2 KORINTƐ 8:18

Nɛ lɛ tumba a fala nɛ kpo do mbe nya lɛ, kɛ oeklezianɔ vɛ wa dɔnggɔ a wena, we dɛa to be Dia Sakoe a dɛ ni.

2 KORINTƐ 8:21

Lɛ kɔ̃̀ na, dia mɛ lɛ dɛ ni, ma de tati a li Nwa iko gɔ, nɛ nde ma de 'bɔ li winɔ.

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

EFƐZƐ 4:25

We duzu ma, nɛ lá fala 'bili bɛlɛ, nɛ wele do wele tɔ̃́ gbãlã we hã ngba a. We kɛ lɛ vɛ́, lɛ a mɔ tɛ kili tɛ wi kpo.

EFƐZƐ 5:9

We kɛ sa fala dɛ na, wele ɔ do dia sila, do bɔlɔ zu, nɛ a dɛ gbãlã we dɛa mɔ.

EFƐZƐ 6:14

Nɛ 'dáfá tɛ nɛ! Nɛ hé'dé gbãlã we 'da Gale dɛ 'dɛ tili nɛ ɔ nɛ 'dɛ́ ni. Nɛ dɛ́ bɔlɔ zu dɛa mɔ, nɛ ma ɔ nɛ tulu mɔ bolo kɛ nɛ hi'da dɛ tɛ nɛ ni.

Mbulanɔ 16:20

Nɛ dɛ́ nganda na, nɛ 'bili wenɔ do bɔlɔ nɛ ngboo. Nɛ dɛ na mɛ ni, nɛ nɛ kala sɛ nùnɔ kɛ NWA Gale 'da nɛ, a hã ma hã nɛ ni. Nɛ nɛ dungu sɛ ngɔ nùi ni, nɛ 'do nɛ nyɛlɛ.

FILIPƐ 3:1

Onyae, ngangga ni, mi aka nɛ na, nɛ dɛ́ yangga, we kɛ nɛ mba kpo do Nwa. Fala dala nu mi tɛ wenɔ hã nɛ, ma bá tɛ mi gɔ, nɛ ma gala kɔ̃a we 'da nɛ na, ma nganda dɛ dati.

KƆLƆSƐ 4:5

Nɛ yɛ́nggɛ́ sanga owinɔ kɛ wa tɛ kɔ̃̀ zu li Kristo gɔ ni do hã zã. Kɔ nɛ kpa fala we dɛ de mɔ, nɛ nɛ dɛ́ ma.

1 TƐSALONIKƐ 4:12

Nɛ dɛ ní, nɛ owinɔ kɛ wa ĩ̀ ti Gale gɔ ni, wa dɔnggɔ sɛ nɛ, nɛ nɛ sɛ a dĩ tole we wele gɔ.

1 TIMOTE 2:2

Ma wia na, wa sambala Gale we duzu onwanɔ do ogã winɔ vɛ, takɔ lɛ kpa dungu fĩo, nɛ lɛ ɔ do gɛa sila, nɛ lɛ dɔnggɔ Gale do sila lɛ kpo, nɛ lɛ dɛ mɔ tɛ lɛ do bɔlɔ nɛ.

1 TIMOTE 3:11

Nɛ ma wia tɛ mɛ 'bɔ na, owukonɔ 'da wa, wa dĩlĩ fala tɛ wa gbali owinɔ. Wa tɛ ɔ̀ owi tɔ̃ ngalangba gɔ, wa ɔ́ owi gbisa zu, nɛ wa dɛ́ mɛnɔ vɛ̃ do wala olo nɛ.

1 TIMOTE 3:4

Ma wia na, a ɔ wi zɔ mɔ tɛ owinɔ kɔ tɔa 'da a do dia nɛ, nɛ a ĩ ti dala obenɔ 'da a na, wa zele we nu a nɛ́ kɛ ma wia ngboo ni.

1 TIMOTE 4:12

Dɔ li wele gbó do mɔ, we kɛ mɔ 'bana do be zagbãlã iko ni gɔ. Nɛ nde ma wia na, Owi kɔ̃a wenɔ wa nɛ 'do dia wila we nu mɔ, do dia dɛa to tɛ mɔ, do kɔ̃a zã, do kɔ̃a we, do dia mɛnɔ mɔ dɛ li Gale ni.

1 TIMOTE 5:10

Nɛ ma wia na, owinɔ wa ĩ ti a we dia dɛa mɔ tɛ a. Wa ĩ na: A dala zi obenɔ 'da a do dia nɛ, nɛ a dɛ zi gbɛla ogɛnɛnɔ 'da a dɛa, nɛ a fɔla zi nyanga owinɔ 'da Gale, nɛ a gala zi Owi 'bako, nɛ a dɛa zi 'bɔ de dɛa mɔ kpi do kpi.

1 TIMOTE 5:2

nɛ okpasa wukonɔ ɔ nɛ onaa mɔ, nɛ mɔ zɔ́ obe zɔnganɔ ɔ nɛ oboko nya mɔ ni do wala olo nɛ ngboo.

TITO 1:8

Nɛ nde ma wia na, a dɛ gɛnɛ owinɔ kɛ wa tɛ 'da a ni, nɛ a kɔ̃ gɛnɛ mɛnɔ vɛ̃ kɛ ma a dia ni. A ɔ wi kɛ gbãlã zã a boe, wi bɔlɔ zu, wi 'da Gale ngboo, nɛ a ĩ ti dĩlĩ fala tɛ̃ a.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

TITO 2:2

Mɔ té hã okpasa wi wilinɔ na, wa tɛ hã̀ tɛ wa we nɔ dɔ̃ gɔ, wa dĩlĩ fala tɛ wa, nɛ wa ɔ Owi kɛ gbãlã zã wa boe. Sila wa nɔ kɔ kɔ̃a we 'da wa, nɛ wa kɔ gɛnɛ ongba wa, nɛ wa ni sila wa kɔ ngamɔ.

TITO 2:7

Nɛ mɔ do tɛ mɔ, mɔ 'dáfá dɛa mɔ tɛ mɔ we do kɛ na, ma be dia wala hã winɔ. Kɔ fala kɛ mɔ be we hã Owele, nɛ mɔ bé do wala olo nɛ, nɛ́ kɛ ma wia ni.

TITO 3:14

Nɛ ma wia 'bɔ na, winɔ 'da lɛ wa yambala we dɛ dia dɛa to fai, takɔ wa gala do winɔ do ngba soe kɛ sã ba wa ni. Na mɛ ni, nɛ dungu nza 'da wa sɛ yala iko gɔ.

OHEBRE 11:2

Owinɔ zɛ́ dati gɛ, wa zɛ́ do kɔ̃a we dɛ 'da Gale, nɛ Gale kɔ̃a gɛnɛ wa we duzu ma.

OHEBRE 13:18

Nɛ tɛ ɔ̀mɔ̀ tɛ sambala Gale we lɛ gɔ. Lɛ ĩ na, linggamɔ zu lɛ a dia, we kɛ lɛ kɔ̃a we dɛ mɔ tɛ lɛ do wala olo nɛ fai.

ZAKE 1:27

Ngbongbo dɔnggɔ wi kɛ Baa lɛ Gale kɔ̃a gɛnɛ nɛ ni, mɛ a kɛ na, mɔ gálá obe gula, do Owi fio wili kɔ ngamɛnɔ 'da wa. Nɛ mɔ fɔ́mɔ́ sila mɔ wele nɛ na, dɔ 'dã mɛnɔ nù gɛ 'dángá ma gɔ.

ZAKE 3:17

Nɛ nde hã zã kɛ ma yula 'da Gale ni, ma si tɛ ɛ do ki ni. Wi kɛ a do hã zã kɛ ma yula 'da Gale ni, a a wi kɛ sila a a sa, a a wi dɛ na, do wi gɛ̃a sila, nɛ gbãlã zã a boe. A do 'bako ongba a li a boe, nɛ a a wi dɛ de mɔ. A sáká bula li wele gɔ, nɛ a ɔ́lɔ́ wele gɔ.

1 PETRO 1:22

Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.

1 PETRO 2:12

Nɛ dɛ́ bɔlɔ zu dɛa mɔ sanga owinɔ kɛ wa tɛ ĩ̀ ti Gale gɔ ni. Nɛ dɛ ní, hã gɛnɛ kɔ wa tɔ̃ na, nɛ a o'dã wi, nɛ wa zɔ sɛ de dɛa mɛnɔ kɛ nɛ dɛ ma fai ni, nɛ wa dɔnggɔ sɛ Gale do ngba soe kɛ a tɛ sɛ nɛ ni.

1 PETRO 4:8

Nɛ dati mɛnɔ vɛ, ma wia na, nɛ kɔ̃ gɛnɛ ngba nɛ do sila nɛ kpo. We kɛ 'da fala nɛ kɔ̃ gɛnɛ ngba nɛ, nɛ nɛ lénggé sɛ do 'dã mɛnɔ wa dɛ ni gɔ.

2 PETRO 3:1

Aa nɛ, oyali ngba mi, kɛ gɛ mɛ a bɔa mbɛti kɛ mi kɔmɔ ma hã nɛ. Kɔ mbɛtinɔ bɔa ni, mi gba ta zu nɛ ngɔ wenɔ kɛ nɛ yambala zi ni, takɔ nɛ 'dafa linggamɛnɔ 'da nɛ, kɔ ma ɔ bɔlɔ.

1 YOANƐ 3:18

Benɔ 'daa, ma wè na, lɛ kɔ̃ gɛnɛ ngba lɛ do nu lɛ iko gɔ. Nɛ nde ma wia na, lɛ kɔ̃ gɛnɛ ngba lɛ do sila lɛ, nɛ ma be tɛ̃ ɛ nza kɔ dɛa mɔ tɛ lɛ.

1 YOANƐ 3:3

Kɔ wi kɛ a gbini zã a do Yezu ni, ma wia na, a 'dafa tɛ̃ a we hɔ sa wi li Gale, ɔ nɛ kɛ Yezu a sa wi li a ni.

1 YOANƐ 4:1

Aa nɛ, oyali ngba mi, nɛ tɛ kɔ̃̀ we 'da winɔ kɛ wa tɔ̃ na, lo do Hi Wi 'da Gale kɔ lo boe ni do ti 1 iko gɔ. Nɛ nde nɛ yámbá wa dati, takɔ nɛ ĩ na, Hi Wi kɛ wa do ma ni, ma yula 'da Gale nde. Mba gɔ, ngangga gɛ owi gba olo nu Gale do bɛlɛ, wa dɛlɛ ngɔ nù gɛ wena.

RUTI 3:11

Kɔ be 'daa, mɔ tɛ ɔ̃ do linggamɔ gɔ. Ɔ nɛ kɛ winɔ vɛ̃ wa ba mɔ do dĩ ni, ní a mi dɛ sɛ kɛ mɔ aka ni vɛ̃.