FILIPƐ 4:7 - WE NU GALE 1995

⁷ Nɛ a dɛ sɛ na, nɛ ɔ do gɛ̃a sila kɛ ma nɛa ngɔ hã zã 'da wele vɛ̃ ni, nɛ ma 'dafa sɛ sila nɛ, do linggamɛnɔ 'da nɛ, we duzu kɛ nɛ mba kpo do Yezu Kristo.

FILIPƐ 4:7 Cross References

NEHEMIE 8:10

Nɛ Ɛsdrasi tɔ̃ 'bɔ hã wa na: “Nɛ sí, nɛ nɛ nyɔ́ngɔ́ mɔ sɔkpã, nɛ nɛ nɔ́ ɛ̃fɛ̃ dɔ́. Nɛ nɛ kɛ̃́ mbe hã wanɔ wa zɔlɔ nyɔngɔmɔ ni, we kɛ tũi gɛ, mɛ a tũi 'da nwa. Nɛ tɛ dùngù do 'bako gɔ! We kɛ nwa hã yangga kɛ na, ma hã́ sɛ ngawi hã nɛ ni.”

YƆBƆ 22:21

Aa Yɔbɔ, mɔ 'dáfá sanga tɛ ngba mɔ do Gale, nɛ mɛnɔ vɛ̃ kɛ mɔ dɛ ma ni ma la sɛ do dia nɛ. Mɔ dɛ na mɛ ni, nɛ mɔ kpa sɛ yangga.

YƆBƆ 34:29

Kɔ fala kɛ Gale kɔ̃̀ we dɛ mɔ gɔ, nɛ wi nɛ tɔ̃ sɛ na a dɛ̀ de gɔ ni a wio nde? Fala kɛ Gale da li ɛ gele fala, nɛ wi nɛ kɔ'dɔ sɛ a a wio nde? Nɛ nde a fɔmɔ nu kɔnggɔ owinɔ vɛ̃ na,

Zumanɔ 29:11

Nwa a hã sɛ ngawi hã owinɔ 'da a. A wele sɛ nu a tɛ wa, nɛ a hã dia dungu hã wa.

Zumanɔ 85:8

Aa NWA, mɔ gbáká lɛ, mɔ bé dia zã 'da mɔ hã lɛ.

GBA WENƆ 2:11

Mɔ ĩ sɛ ti gulu mɛnɔ, nɛ gbãlã zã mɔ ma siki sɛ, nɛ ma gala sɛ mɔ wena.

GBA WENƆ 4:6

Mɔ tɛ là hã zã kɛ mɔ kpa ma ni gɔ. Mɔ dɛ na mɛ ni, nɛ ma gala sɛ mɔ. Mɔ kɔ̃ gɛnɛ ma, nɛ ma kã sɛ mɔ li wala 'da mɔ.

GBA WENƆ 6:22

E kɔ mbulanɔ 'da wa ma kpe ti mɔ kɔ yalinɔ 'da mɔ, nɛ ma fɔmɔ mɔ 'da fala mɔ ɔ yala ni. Nɛ 'da fala mɔ kulu ngɔ li yala, nɛ ma be sɛ mɛ ma wia na mɔ dɛ ni hã mɔ.

Ezai 26:12

NWA, lɛ ĩ na, mɔ hã sɛ dungu fio hã lɛ, nɛ mɛnɔ vɛ̃ kɛ lɛ dɛ sɛ ma ni, ma be sɛ na mɔ do dia zã we lɛ boe.

Ezai 26:3

NWA, mɔ a mɔ hã dungu fio ngboo hã owinɔ kɛ wa kpóló nu wa gɔ, nɛ wa gbini zã wa do mɔ fai ni.

Ezai 45:7

Mi dɛa sa fala do tũ fala, nɛ mi a mi hã yangga tabi ngamɔ. Wi kɛ a dɛ mɛnɔ ni vɛ̃, wi a mi NWA.

Ezai 48:18

Kɔ nɛ zélé sɔ mbulanɔ 'da mi ɔ dia, nɛ mi dɛ sɔ na, wila nui 'da mi fo dɛ tɛ nɛ ɔ nɛ fua lì kɛ ma ɔ̃sɔ̃ gɔ ni. Nɛ bɔlɔ zu dɛa mɔ ma dɔ sɔ wena ɔ nɛ ngele gba lì ni.

Ezai 48:22

Nɛ nde NWA tɔ́a na: “Wila nui 'da mi, ma we Owi dɛ 'dã mɔ gɔ.”

Yeremi 32:16

Mi hã mɛnɔ ni hã Barukɛ do'do, nɛ mi sambala NWA na:

Yeremi 33:6

“Nɛ nde do 'do, nɛ mi kpasa sɛ wa, nɛ mi hã sɛ de mɔ hã wa wena. Nɛ mi dɛ sɛ 'bɔ na, wa kpa dungu fio, nɛ wele kpo tùlù sɛ 'bɔ wa gɔ.

Tɔlɔ Mɔ 6:26

E kɔ NWA be dia zã 'da a hã nɛ, nɛ a hã dungu fio hã nɛ!’ ”

LUKA 1:79

Wese ni, ma to sɛ dɛ ngɔ winɔ kɛ wa kɔ gba tũ, nɛ kili fio ma ba wa ba ni, nɛ ma be sɛ li wala dungu fio hã lɛ.”

LUKA 2:14

“Dɔngga wi hã Gale tɛ li nza i, nɛ dungu fio ɔ do winɔ kɛ a kɔ̃a gɛnɛ wa ngɔ nù gɛ ni!”

YOANƐ 14:27

“Mi hã gɛ̃a sila hã nɛ, mi la gɛ̃a sila kɛ mi do ma ni hã nɛ. Mi hã̀ ma ɔ nɛ kɛ winɔ nù gɛ wa hã ma ni gɔ. Kɔ dɔ sila nɛ ɔ́ ngɔ gɔ, nɛ kili tɛ bà nɛ gɔ.

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

ROMA 14:17

We duzu kɛ dɛa to nwa 'da Gale ma zɔ̀ nyɔngɔmɔ gɔ, nɛ nde mɛ a bɔlɔ zu dɛa mɔ, do gɛ̃a sila, do yangga kɛ Hi Wi Santo hã ma ni.

ROMA 15:13

E kɔ Gale kɛ a dɛ na, lɛ gbini zã lɛ do a ni, a dɛ 'bɔ na, sila nɛ dunu do yangga, nɛ nɛ ɔ do gɛa sila, we duzu kɔ̃a we nɛ kɔ̃a do a ni. Na mɛ ni, nɛ Hi Wi Santo hã ngawi hã nɛ na, nɛ gbini zã nɛ do Gale dɛ dati fai.

ROMA 5:1

Nɛ ɔ nɛ kɛ lɛ hɔa wi bɔlɔ zu li Gale, we duzu kɔ̃a we 'da lɛ ni, Gale dɛa na do lɛ, do wala 'da Nwa 'da lɛ Yezu Kristo.

ROMA 8:6

Wi kɛ a fa mɛ kɛ kifi tɛ a dɛ wɔ tɛ nɛ ni, a sɔkpɔ sɛ do fio. Nɛ wele kɛ a fa mɛ kɛ Hi Wi kɔ̃a ni, a sɔkpɔ sɛ do kpasi kɛ ma é sɛ gɔ ni, nɛ ma hã sɛ dungu fio hã a.

2 KORINTƐ 10:5

do linggamɛ 'da owi gã zunɔ vɛ́, kɛ ma kpe wala ti winɔ na, wa tɛ ĩ̀ ti Gale gɔ ni. Nɛ lɛ tɛ ngbɔkɔ winɔ na, wa kpolo linggamɛnɔ 'da wa, nɛ wa zele nu Kristo.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

EFƐZƐ 3:19

Gbãlã we, gɛnɛ kɔ wele wè tɛ ĩ ti kɔ̃a zã 'da Kristo vɛ do dia nɛ gɔ, nɛ nde mi aka Gale na, nɛ ĩ ti ma, takɔ nɛ ba tɛlɛ tɛ Gale ngboo.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 1:2

E kɔ Baa lɛ Gale, do Nwa 'da lɛ Yezu Kristo wa be dia zã 'da wa hã nɛ, nɛ wa dɛ na, nɛ dungu do gɛa sila.

FILIPƐ 4:19

Gale 'da mi, kɛ a a wele kpamɛnɔ vɛ̃ ni, a hã sɛ mɛnɔ vɛ̃ kɛ nɛ zɔla ni hã nɛ do wala 'da Yezu Kristo.

FILIPƐ 4:21

Nɛ hã́ balɛ hã owinɔ 'da Gale kpo kpo vɛ̃ do zu li Yezu Kristo. Onya lɛ wi kɔ̃a wenɔ kɛ wa do mi gɛ, wa fana 'bɔ nɛ.

FILIPƐ 4:9

Nɛ dɛ́ mɛnɔ vɛ̃ kɛ mi bia zi hã nɛ, nɛ nɛ yambala zi kɔ̃ mi, nɛ nɛ zila dɛ nu mi, nɛ nɛ zɔa mi tɛ dɛ nɛ ni. Nɛ Gale, wele gɛ̃a sila sɛ fala nɛ kpo do nɛ.

KƆLƆSƐ 3:15

Kɔ ma wia na, dɛa na kɛ Kristo hã ma ni 'dafa dungi 'da nɛ. We duzu kɛ Gale sa mɔ hã nɛ na, nɛ mba vɛ, nɛ nɛ hɔ kili tɛ wi kpo, nɛ nɛ dɛ na sanga tɛ ngba nɛ. Nɛ nɛ hã̀ 'bɔ iɔ̃nae hã a Gale.

2 TƐSALONIKƐ 3:16

E kɔ Nwa, wele gɛa sila, a hã gɛa sila hã nɛ 'da fala fai, do walanɔ vɛ. E kɔ Nwa 'bana do nɛ vɛ.

OHEBRE 13:20

Gale tunu zi Nwa 'da lɛ Yezu kɔ fio. Yezu a gã wi fɔmɔ obata, tɔkɔ tɛ̃ a a zi nù, nɛ mɛ a tɔkɔ mbé gba tɔkɛ kɛ ma é sɛ gɔ ni.

YUDA 1:1

Wi a mi Yuda, wi dɛa toe 'da Yezu Kristo, nɛ mi 'bɔ a nya Zake. Mi kɔmɔ mbɛti gɛ hã nɛ, owinɔ kɛ Baa lɛ Gale kɔ̃a gɛnɛ nɛ, nɛ a saka nɛ do winɔ 'da a, nɛ Yezu Kristo zɔ mɔ tɛ nɛ ni.

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 2:17

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ mana kɛ ma usu tɛ̃ ɛ ni hã a na a nyɔngɔ. Nɛ mi hã sɛ 'bɔ fɛ̃a ta kɛ mi kɔma mbé li wele ngɔ nɛ ni hã a. Nɛ gele wele ĩ́ sɛ ti gulu li ni gɔ, tati a wi kpa ma iko.”