FILIPƐ 4:6 - WE NU GALE 1995

⁶ Nɛ tɛ bì tɛ nɛ we mɔ kpo gɔ, nɛ nde 'da falanɔ vɛ̃ nɛ sambala Gale ni, nɛ nɛ álá nu nɛ hã a we mɛnɔ nɛ zɔla ni, nɛ nɛ gɔ́ mɔ kɔ̃ a, nɛ nɛ hã́ iɔ̃nae hã a.

FILIPƐ 4:6 Cross References

1 Onwanɔ 8:28

Kɔ we bina, NWA Gale 'da mi, mɔ síkí li mɔ dɛ 'da mi, kɔ mɔ zélé ala nui mi ala hã mɔ kɔ sambala 'da mi sɔɛ gɛ.

2 Sakonɔ 32:20

Nɛ nwa Ezekiasi do Ezai, wi gba olo nu Gale, kɛ a a be 'da Amɔtisi ni, wa sambala Gale na, a gbaka lo.

Zumanɔ 51:15

Nɛ mi be sɛ mbula 'da mɔ hã Owi dɛ 'dã mɛnɔ, nɛ wa kpolo sɛ tɛ wa dɛ 'da mɔ.

Zumanɔ 55:17

Nɛ nde mi, mi sa mɔ hã NWA Gale na a gbaka mi, nɛ a kpasa sɛ mi.

Zumanɔ 55:22

Wila we nu a ɛ̃fɛ̃ nɛ́ nɔ gɔlɔ ni, nɛ nde do kɔ sila a, nɛ a lengge we bi ngba a. We nu a mbɔkɔ wele ɔ nɛ nɔ mbɔkɔ li dani ni, nɛ nde mɛ a du kɔya kɛ ma 'bɔ we dumu wele.

Zumanɔ 62:8

Kpasi 'da mi do dɔ̃lɔ̃ li 'da mi ma yolo kɔ̃ Gale. A a kpangba ta kɛ mi usu tɛ mi kɔ nɛ.

GBA WENƆ 15:8

NWA sɛnɛ dɔnggamɛnɔ 'da o'dã winɔ wena, nɛ nde a kɔ̃a gɛnɛ sambala 'da owi bɔlɔ zunɔ.

GBA WENƆ 16:3

Mɔ tɔ̃ linggamɔ zã mɔ hã NWA Gale, nɛ a dɛ sɛ na, mɛ mɔ lengge we dɛ nɛ ni, ma Sɔkpɔ do dia nɛ.

SƆKPƆ DIA ZUMANƆ 2:14

Mɔ ɔ nɛ naa gbakulĩ, kɛ a usu tɛ̃ a kɔ ta ni. Mɔ bé bula li mɔ hã mi zɔ, mɔ wé gɛlɛ mɔ hã mi zele. Bula li mɔ do wala gɛlɛ mɔ de wena!”

Yeremi 32:16

Mi hã mɛnɔ ni hã Barukɛ do'do, nɛ mi sambala NWA na:

Yeremi 33:3

“Mɔ sa mɔ hã mi, nɛ mi gese sɛ nu nɛ hã mɔ. Mi be sɛ gulu ogã usu mɛnɔ kɛ mɔ ĩ ti ma gɔɛ ni hã mɔ.

DANIƐLƐ 3:16

Nɛ Sadrakɛ, Mesakɛ do Abɛdɛ-Nego, wa gisa hã nwa na: “Aa nwa, lɛ gésé sɛ nu we hã mɔ gɔ.

DANIƐLƐ 6:10

Nwa Dariusi nɛa we zele ni, nɛ a e kɔ a ti mbula ni.

MATIE 10:19

Kɔ fala kɛ wa kala nɛ we a nɛ dati Owi 'bili wenɔ, nɛ nɛ tɛ bì tɛ nɛ na, lo nɛ tɔ̃ sɛ na ge nde, tabi lo gese sɛ na ge nde ni gɔ. We kɛ do 'da fala ni, wi wele sɛ we wi a nɛ gɔ,

MATIE 13:22

Nɛ wi kɛ a ɔ nɛ nùi, kɛ kpalɛ ala tɛ nɛ dɛ sanga nyaka tɛ̃ ni, wi a wele kɛ a zele Dia Sakoe de wena, nɛ wɔ mɛnɔ nù gɛ, do yangga kpamɛnɔ kɛ ma ɔlɔ winɔ ni, ma busu ma kɔ sila a do'do, nɛ nde ma dɛ́ to gɔ.

MATIE 6:34

Nɛ tɛ bì tɛ nɛ we mɛnɔ ma dɛ sɛ tɛ̃ ɛ bindɛ ni gɔ. E kɔ bindɛ, sɛ nɛ nɛ bi tɛ nɛ we mɛnɔ ma dɛ sɛ tɛ̃ ɛ bindɛ ni de. We kɛ zɛlɛ tɛ ma hɔ ni, ma wia do ngba soe ma hɔ nɛ ni.

MATIE 6:8

Nɛ tɛ dɛ̀ ɔ nɛ wa ni gɔ, we kɛ Baa nɛ ĩ ti mɛ kɛ nɛ zɔla ma ni dati kɛ na, nɛ aka a we nɛ ni.

LUKA 10:41

Nɛ Nwa Yezu gese hã a na: “Marta, Marta, mi zɔa na, sila mɔ ɔ ngɔ ngbũu, nɛ mɔ fa we e kɔ̃ mɔ tɛ mɛnɔ vɛ̃.

LUKA 12:22

'Do nɛ, nɛ Yezu tɔ̃ 'bɔ hã Owi yambala mɛnɔ 'da a na: “Nɛ zɔ́ gulu kɛ mi tɔ́a hã nɛ na, nɛ tɛ bì tɛ nɛ we kpasi 'da nɛ ngɔ nù gɛ gɔ gɛ a ni! Nɛ tɛ bì tɛ nɛ we nyɔngɔmɔ, tabi we tulu gɔ.

LUKA 12:29

“Nɛ tɛ bì tɛ nɛ we fa nyɔngɔmɔ na nɛ nyɔngɔ, tabi dɔ̃ na nɛ nɔ gɔ.

LUKA 18:1

'Do nɛ, nɛ Yezu tɔ̃ 'bɔ gba we gɛ hã Owi yambala mɛnɔ 'da a, we be hã wa na, wa wia tɛ sambala Gale fai, nɛ dɔ wa mbɔ́kɔ́ gɔ.

LUKA 18:7

Ní nɛ nde Gale wè tɛ gala winɔ kɛ a saka wa, kɔ wa he dɛ 'da a tũ do gba wese ni gɔ nde? A wia tɛ zĩ tɛ̃ a zĩ, sɛ nɛ a gala wa de nde?

1 KORINTƐ 7:21

Mɔ zi tabi a ngbá 'da fala Gale sa do mɔ hã mɔ ni nde, nɛ we nɛ tɛ zɛ̀lɛ̀ mɔ gɔ. Kɔ tabi wala hũi hã mɔ na, mɔ hɔ nza kɔ ngbá nde, nɛ mɔ hɔ́.

1 KORINTƐ 7:32

Ma kɛ mi kɔ̃a sɔ na, nɛ tɛ kpà linggamɔ gɔ. Wi kɛ a bà wuko gɔ ni, a lengge tati a do dɛa toe 'da Nwa, nɛ a fa we hã yangga hã a.

2 KORINTƐ 1:11

Mba gɔ, nɛ ngboo nɛ gala sɛ lɛ do sambala 'da nɛ. Na mɛ ni, nɛ Gale a gese sɛ nu sambala 'da ogili winɔ kɛ wa sambala a we lɛ ni, nɛ Owele wena wa hã sɛ iɔ̃nae hã a we duzu lɛ.

EFƐZƐ 5:20

Nɛ nɛ hã́ iɔ̃nae hã Baa lɛ Gale fai we mɛnɔ vɛ́, do zu li Nwa 'da lɛ Yezu Kristo.

EFƐZƐ 6:18

Nɛ nɛ sámbálá Gale na, a gala nɛ kɔ mɛnɔ vɛ̃. Nɛ sámbálá Gale 'da fala fai nɛ́ kɛ Hi Wi Santo be hã nɛ ni. Nɛ dúngú do sɔ̃a U, nɛ nɛ tɛ mbɔ̀kɔ̀ gɔ, nɛ nɛ sámbálá Gale we duzu winɔ 'da a vɛ.

KƆLƆSƐ 3:15

Kɔ ma wia na, dɛa na kɛ Kristo hã ma ni 'dafa dungi 'da nɛ. We duzu kɛ Gale sa mɔ hã nɛ na, nɛ mba vɛ, nɛ nɛ hɔ kili tɛ wi kpo, nɛ nɛ dɛ na sanga tɛ ngba nɛ. Nɛ nɛ hã̀ 'bɔ iɔ̃nae hã a Gale.

KƆLƆSƐ 3:17

Wenɔ vɛ nɛ tɔ̃ ma, do mɛnɔ nɛ dɛ ni, nɛ dɛ́ do zu li Nwa Yezu Kristo, nɛ nɛ hã 'bɔ iɔ̃nae hã Baa lɛ Gale do wala 'da Kristo ni.

KƆLƆSƐ 4:2

Nɛ tɛ là fala sambala Gale gɔ. Kɔ nɛ ma ngɔ sambala nɛ, nɛ nɛ ɔ́ do sɔ̃a li, nɛ nɛ hã iɔ̃nae hã Gale.

1 TIMOTE 2:1

Dati ngboo, mi kɔ̃a na, owi Kristonɔ wa sambala Gale, nɛ wa ala nu wa hã a, nɛ wa hã iɔ̃nae hã a we winɔ vɛ.

1 TIMOTE 5:5

Wi fio wili kɛ mɔ wia tɛ gala a ni, wi a wele kɛ a do wi gala a bina, nɛ a gbini zã a do Gale, nɛ a sambala a, nɛ a ala nu hã a tũ do gba wese ni.

1 PETRO 4:7

Mɛnɔ kɔlɔ fala sɔkpɔ nɛ vɛ̃ ia. We duzu ki ni, nɛ ɔ́ do gbisa zu, do sɔ̃a li, takɔ nɛ sambala Gale do dia nɛ.

1 PETRO 5:7

Nɛ lá olinggamɛnɔ kɛ ma gulu zu nɛ ni vɛ̃ dɛ tambala kɔ̃ Gale, we duzu kɛ a a wi zɔ mɔ tɛ nɛ.

1 SAMUƐLƐ 1:15

Nɛ Ana gese hã a na: “Baa mi, dɔ̃ tɛ mi bina. Mi a wuko 'bako iko, mi nɔ̀ dɔ̃ gɔ. Mi tɛa dɛ we tɔ̃ zɛlɛ we li sila mi vɛ̃ hã NWA.

1 SAMUƐLƐ 30:6

Davidi zɔa ní, nɛ a ĩ na ɛ zɔ sɛ ngamɔ wena, we kɛ zã owinɔ 'da a nɔ̃lɔ̃ wena we obenɔ 'da wa kɛ wa yɔa ni, nɛ wa kɔ̃a we lo a do ta, kɔ wa gbɛ a. Nɛ nde 'da fala ni, NWA Gale 'da Davidi hã kpã sila hã a.

1 SAMUƐLƐ 7:12

Samuɛlɛ nɛa we zɔ ni, nɛ a tɔ̃ do nga gɛlɛ na: “Kɛ di gbaa ni, Nwa a tɛ gala lɛ.” A tɔ̃a ni do'do, nɛ a ba ta, nɛ a zĩ ma dɛ sanga tɛ ngba le Mispa do le Gogo. Nɛ a sa li ma na: “Ta Gala Wi.”