FILIPƐ 4:5 - WE NU GALE 1995

⁵ Nɛ ɔ́ do dia sila dɛ 'da winɔ vɛ̃. Nwa kɔla fala hɔ nɛ ia.

FILIPƐ 4:5 Cross References

MATIE 6:25

“Nɛ zɔ́ gulu kɛ mi tɔ̃a hã nɛ na, nɛ tɛ bì tɛ nɛ we kpasi 'da nɛ ngɔ nù gɛ gɔ gɛ a ni! Nɛ tɛ bì tɛ nɛ we nyɔngɔmɔ, tabi we mɔ nɔ nɔa, tabi we tulu gɔ. Mba gɔ, kpasi 'da wele nɛ̀ ngɔ nyɔngɔmɔ, nɛ kili tɛ wele nɛ̀ ngɔ tulu gɔ nde?

MATIE 6:34

Nɛ tɛ bì tɛ nɛ we mɛnɔ ma dɛ sɛ tɛ̃ ɛ bindɛ ni gɔ. E kɔ bindɛ, sɛ nɛ nɛ bi tɛ nɛ we mɛnɔ ma dɛ sɛ tɛ̃ ɛ bindɛ ni de. We kɛ zɛlɛ tɛ ma hɔ ni, ma wia do ngba soe ma hɔ nɛ ni.

LUKA 21:34

“Li nɛ sɔ̃́! Nɛ nɛ tɛ sì tɛ nyɔngɔ mɔ dɔ, do te bá dɔ̃ iko gɔ. Nɛ tɛ sì tɛ lengge mɛnɔ ngɔ nùi gɛ iko gɔ, da dɛ kɔ ngba soe hɔa 'da mi ni ma gbángá nɛ hia iko gɔ.

1 KORINTƐ 16:22

Fala kɛ wele kɔ̃̀ gɛnɛ Nwa Yezu gɔ nde, nɛ Gale fɔmbɔ a! Marana ta! Gulu nɛ na: Aa Nwa 'da lɛ, mɔ tɛ́!

1 KORINTƐ 6:7

Nɛ da ngba nɛ na mɛ ni, nɛ nde nɛ yɔ wena. Nɛ wè tɛ kunu sila nɛ ngɔ 'dã mɛ kɛ onya nɛ wa dɛa do nɛ ni gɔ nde? Nɛ wè tɛ da li nɛ ngɔ mɛnɔ wa kala kɔ̃ nɛ ni gɔ nde?

1 KORINTƐ 8:13

Kɔ we duzu ma, fala kɛ nyɔngɔmɔ nu mi dɛ na, nya mi te kɔ 'dã mɔ, nɛ mi bɛ̃ sɛ nyɔngɔmɛ ni fai na, dɔ mi fí a kɔ 'dã mɔ gɔ.

1 KORINTƐ 9:25

Owi dɛ nganda dɛa sanɔ vɛ̃, wa ndo yambala ma, nɛ wa zimi tɛ wa wena. Nɛ wa dɛ na mɛ ni, we kpa ndasa dɔ̃lɔ̃ li kɛ ma 'da 'danga ni. Nɛ nde lɛ fa kɛ 'da lɛ we kpa ndasa dɔ̃lɔ̃ li kɛ ma ɔ fai ni.

2 KORINTƐ 10:1

Mi Polo, kɛ ombe wa tɔ̃ na, fala kɛ mi a 'da nɛ i, nɛ mi ba tɛ mi dɛ nù, kɔ mi nɛ hɔ gele fala, nɛ mi dãlã do nɛ wena ni, mi nɛ tɔ̃ we gɛ hã nɛ. Mi aka nɛ do zu li Kristo, kɛ a do mbɔkɔ sila, do dia zã ni na,

2 TƐSALONIKƐ 2:2

fala kɛ wele tɔ̃ hã nɛ na, ngba soe tɛa 'da Nwa hɔa ia nde, nɛ ma tɛ vĩ̀ zu nɛ gɔ, nɛ sila nɛ tɛ ɔ̀ ngɔ gɔ. Gɛnɛ kɔ mbe wele tɔ̃ na Hi Wi Santo bia hã ɛ ni, tabi owele wa be do we, tabi wa tɔ̃ na, lɛ a lɛ kɔma ma do mbɛti nde, nɛ nɛ tɛ kɔ̃̀ gɛnɛ nɛ gɔ.

TITO 3:2

Wa tɛ tɔ̃̀ tɛ wele gɔ, nɛ wa tɛ kpà we gɔ. Wa dɛ́ na do ngba wa, nɛ wa bé dia sila dɛ 'da winɔ vɛ̃.

OHEBRE 10:25

Lɛ tɛ là fala nɛ tɛ mba li ngba winɔ 'da lɛ gɔ. Lɛ tɛ dɛ̀ nɛ́ owanɔ wa kɔ̃̀ 'bɔ we nɛ tɛ mba li ngba wi gɔɛ ni gɔ. Nɛ nde lɛ hã́ kpã sila hã ngba lɛ, we kɛ nɛ ĩ na, tũi kɛ Nwa a tɛ sɛ nɛ ni kɔla ia.

OHEBRE 10:37

Ma ɔ nɛ kɛ wa kɔma kɔ 'Buki 'da Gale na: “Ma 'bànà gã gɔ, ma 'bana sĩ iko, nɛ wi kɛ ma wia na a tɛ ni, a tɛ sɛ. A zĩ́ sɛ tɛ a gɔ.

1 PETRO 1:11

Nɛ Hi Wi 'da Kristo kɛ a zi kɔ sila wa ni, a tɔ̃a zi hã wa na, Kristo a kpa sɛ zɛlɛ tɛ dati kɛ na a kpa dɔ̃lɔ̃ li ni. Nɛ owi gba olo nu Gale ni wa fa zɛ́ wena we ĩ ti tũnɔ kɛ mɛnɔ ni ma hɔ sɛ nɛ ni, do tɛlɛ tɛ kɛ mɛnɔ ni ma dɛ sɛ do tɛ̃ ɛ ni.

1 PETRO 4:7

Mɛnɔ kɔlɔ fala sɔkpɔ nɛ vɛ̃ ia. We duzu ki ni, nɛ ɔ́ do gbisa zu, do sɔ̃a li, takɔ nɛ sambala Gale do dia nɛ.

USU MƐNƆ 22:20

Wi kɛ a bia ngbongbo wenɔ gɛ vɛ ni, a tɔ̃a na: “Gbãlã we, mi kɔla hɔ nɛ ia!” E kɔ ma ɔ na mɛ ni! Nwa Yezu, mɔ tɛ́!

USU MƐNƆ 22:7

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ winɔ kɛ wa kɔ̃a gɛnɛ wenɔ kɛ Gale bia ma kɔ 'buki gɛ ni, wa sɛ a wi yangga.”