FILIPƐ 4:3 - WE NU GALE 1995

³ Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

FILIPƐ 4:3 Cross References

Zumanɔ 69:28

Mɔ kɔ́mɔ́ 'dã mɛnɔ 'da wa kpo kpo, nɛ mɔ tɛ ĩ̀ 'bako hã wa fala kpo gɔ.

Kulu Tɔa 32:32

Kɔ mi ala nu mi hã mɔ na, mɔ fo ku'da 'dã mɛ ni zu wa. Kɔ mɔ kɔ̃̀ we fo ku'da nɛ zu wa gɔ, nɛ mɔ gbɛ li mi kɔ 'buki kɛ mɔ kɔma li owinɔ 'da mɔ kɔ nɛ ni do'do.”

Ezai 4:3

Nɛ tala owinɔ kɛ wa 'bana kɔ le Yeruzalɛmɛ, kɛ NWA saka wa na wa kpasa, nɛ wa 'bana dɛ di ni ni, wa sa sɛ li wa na: “Winɔ 'da NWA Gale.”

EZEKIƐLƐ 13:9

Wa lé sɛ kɔ mba li ngba wi 'da obe Israɛlɛ gɔ. Nɛ wele kpá sɛ 'bɔ li wa kɔ 'buki kɛ wa kɔmɔ do li obe Israɛlɛ ni gɔ. Wa sí sɛ 'bɔ mbé nɛ dɛ ngɔ nùi 'da wa gɔ. Na mɛ ni, nɛ wa ĩ sɛ ngboo na, mi a NWA Gale.

DANIƐLƐ 12:1

“Anzɛ kɛ a hi'da tulu linɛ ni, a tɔ̃a hã mi na: ‘Do 'da fala ni, nɛ Mikaɛlɛ, gã wi ngɔ anzɛnɔ kɛ a fɔmɔ owinɔ 'da mɔ ni, a hɔ sɛ. Mɛ sɛ a 'da fala ngamɔ ngboo. Ndo nyanga kɛ wa dɛa do nùi gbaa we hɔ sɔɛ gɛ, mbe ngamɔ nɛ́ mɛ ni dɛ̃ mbe tɛ̃ ɛ fala kpo gɔ. Nɛ nde do 'da fala ni, nɛ owinɔ 'da mɔ vɛ̃ kɛ li wa kɔ 'buki 'da Gale ni, wa kpasa sɛ.

LUKA 10:20

Nɛ nde nɛ tɛ sì tɛ dɛ yangga kɛ o'dã hi winɔ wa zele nu nɛ ni gɔ, nɛ nde nɛ dɛ́ yangga kɛ na, Gale kɔma li nɛ kɔ 'Buki 'da a li nza i ni.”

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

ROMA 16:12

Nɛ fáná 'bɔ Trifɛnɛ do Trifɔzɛ, wi dɛa tonɔ 'da Nwa, do Pɛrsidɛ, kɛ a ngɔ sila mi, nɛ a hã zi tɛ a vɛ we dɛa toe 'da Nwa ni.

ROMA 16:9

Nɛ fáná Urbɛnɛ, ngba lɛ wi dɛa toe 'da Kristo, do Stakisi, kɛ a ngɔ sila mi ni.

FILIPƐ 1:12

Onyae, mi kɔ̃a na nɛ ĩ́ na, ngamɛnɔ mi kpa ma ni, ma gala Dia Sakoe na, ma yɛ'bɛ dɛ dati.

FILIPƐ 1:16

Wanɔ ni wa dɛ to we duzu kɛ wa kɔ̃a gɛnɛ mi, nɛ wa ĩ na, Gale ia mi do wi bi ngɔ Dia Sakoe.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

FILIPƐ 1:5

we duzu kɛ ndo do kɔ̃ tũi kɛ nɛ kɔ̃a zi do zu li Yezu ni, nɛ gala lɛ tɛ to be Dia Sakoe gbaa we hɔ sɔɛ gɛ.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 4:2

Aa nɛ, Evodi do Sintikɛ, mi aka nɛ na, nɛ ɔ́ do linggamɔ kpo nɛ́ oboko nya wi ni we duzu Nwa.

KƆLƆSƐ 1:7

Wi bia zi we ni hã nɛ, wi a Epafrasi, yali ngba lɛ wi toe 'da Kristo, kɛ a ngɔ sila lɛ ni. A dɛ toe 'da Kristo sanga nɛ do wala do nɛ ngboo.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 20:12

Nɛ mi zɔa ofionɔ vɛ, ogã winɔ do obe winɔ, nɛ nde wa yula dɛ dati kpongbo nwa ni. Nɛ mi zɔ 'bɔ ohũi li 'buku dɛ di ni. Nɛ wa hũi 'bɔ mbé gele 'buku kpo, kɛ Gale kɔma li owinɔ kɛ wa do kpasi kɛ ma é sɛ gɔ ni kɔ nɛ ni. Nɛ Gale 'bili we 'da ofionɔ vɛ, wele do wele do 'da dɛa tonɔ a dɛa zi ma, nɛ wa kɔma ma kɔ 'bukunɔ ni.

USU MƐNƆ 20:15

Nɛ wi kɛ Gale kɔ̀mɔ̀ li a kɔ 'Buku Kpasi gɔ ni, wa da a li gba nyɛa we ni.

USU MƐNƆ 21:27

Nɛ mɔ ndi kpo lé sɛ kɔ le ni gɔ, nɛ wele kɛ a hã tɛ a we dɛ mɔ sape, tabi we 'bili bɛlɛ ni, a lé sɛ di ni gɔ. Nɛ nde winɔ kɛ wa le sɛ i mɔ ni, wi tati a wanɔ kɛ Gale kɔma zɛ́ li wa kɔ 'Buku Kpasi 'da Be Bata ia ni.

USU MƐNƆ 3:5

Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.