FILIPƐ 4:20 - WE NU GALE 1995

²⁰ E kɔ Baa lɛ Gale a kpa dɔ̃lɔ̃ li kɔ sabɛlɛ do sabɛlɛ! Amɛ.

FILIPƐ 4:20 Cross References

Zumanɔ 115:1

Aa nwa, wele dɔ̃lɔ̃ li a mɔ́ lɛ gɔ. Wele nɛ tati a mɔ́ mɔ zu mɔ kpo, we kɛ mɔ a wi bɔlɔ zu ngboo, mɔ do kɔ̃a zã wena.

Zumanɔ 72:19

Nɛ dɔ́nggɔ́ dɔlɔ li 'da a 'da fala fai. E kɔ dɔ̃lɔ̃ li 'da a dunu ngɔ nùi gɛ vɛ̃! Amɛ. E kɔ ma ɔ na mɛ ni.

MATIE 28:20

Nɛ nɛ bé hã wa na, wa dɛ mbulanɔ vɛ̃ kɛ mi bia zi hã nɛ ni. Nɛ mi, mi sɛ fala nɛ kpo do nɛ fai, gbaa we hɔ ngba soe nùi ma 'danga sɛ nɛ ni.”

MATIE 6:9

Kɔ nɛ sambala Gale, nɛ nɛ tɔ̃́ na: ‘Baa lɛ li nza i, e kɔ winɔ wa dɔnggɔ zu li mɔ kɛ ma santo.

ROMA 11:36

Mba gɔ, mɛnɔ vɛ́ ma yula 'da a, nɛ a a zɔ mɔ tɛ ma, nɛ ma ɔ we duzu a. E kɔ Gale kpa dɔ̃lɔ̃ li kɔ sabɛlɛ do sabɛlɛ! Amɛ.

ROMA 16:27

E kɔ Gale kɛ a zu a kpo a wi hã zã ni, a kpa dɔ̃lɔ̃ li, do wala 'da Yezu Kristo kɔ sabɛlɛ do sabɛlɛ! Amɛ.

EFƐZƐ 3:21

E kɔ lɛ owinɔ kɔ Eklezia kɛ lɛ mba kpo do Yezu Kristo ni, lɛ dɔnggɔ Gale 'da fala fai kɔ sabɛlɛ do sabɛlɛ! Amɛ.

FILIPƐ 1:11

Yezu Kristo a dɛ sɛ na, nɛ dɛ bɔlɔ zu dɛa mɔ kɔ dungu nza 'da nɛ vɛ, nɛ ma hã dɔ̃lɔ̃ li do dɔngga wi hã Gale.

FILIPƐ 4:23

E kɔ dia zã 'da Nwa Yezu Kristo 'bana do nɛ vɛ̃.

1 TIMOTE 1:17

E kɔ owele wa dɔnggɔ Gale, kɛ a a Nwa fai ni. A fé fio gɔ, wele zɔ́ a gɔ, nɛ a zu a kpo a Gale. E kɔ wa hã dɔ̃lɔ̃ li hã a kɔ sabɛlɛ do sabɛlɛ! Amɛ.

YUDA 1:25

Lɛ dɔ́nggɔ́ Gale, kɛ a a Gale zu a kpo, nɛ a kpasa lɛ do wala 'da Nwa 'da lɛ Yezu Kristo ni. E kɔ winɔ wa dɔnggɔ a, nɛ wa hã dɔ̃lɔ̃ li hã a! A do ngawi, nɛ a dungu sɛ nwa fai. Ma ɔ zɛ́ ni dati gbaa we hɔ sɔɛ gɛ, nɛ ma sɛ 'bɔ na mɛ ni kɔ sabɛlɛ do sabɛlɛ! Amɛ.

USU MƐNƆ 1:6

Nɛ a ia lɛ do onganga kɔ le nwa 'da Baa a Gale, we dɛ to hã a. E kɔ Kristo ɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

USU MƐNƆ 14:7

Nɛ a he mɔ dɛ ngɔ na: “Nɛ dɛ́ kili Gale, nɛ nɛ dɔnggɔ a! Mba gɔ, ngba soe a nɛ 'bili do we 'da owinɔ ni, ma hɔa ia. Nɛ dɔ́nggɔ́ wi kɛ a dɛa li nza do nùi, gba lì, do be lìnɔ ni!”

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”

USU MƐNƆ 7:12

“Amɛ! Gale 'da lɛ do dɔ̃lɔ̃ li, do hã zã, do ngawi. A a nwa ngɔ mɛnɔ vɛ. E kɔ lɛ dɔnggɔ a, nɛ lɛ tɔ̃ de sako li a, nɛ lɛ hã iɔ̃nae hã a kɔ sabɛlɛ do sabɛlɛ! Amɛ.”