FILIPƐ 4:19 - WE NU GALE 1995

¹⁹ Gale 'da mi, kɛ a a wele kpamɛnɔ vɛ̃ ni, a hã sɛ mɛnɔ vɛ̃ kɛ nɛ zɔla ni hã nɛ do wala 'da Yezu Kristo.

FILIPƐ 4:19 Cross References

Ndo Nyanga Dɛ Mɔ 48:15

Nɛ a wele nu a tɛ Yozɛfu, nɛ a tɔ̃ na: “E kɔ Gale, kɛ a zi do obaa mi Abrahama do Izaka fala nɛ kpo, nɛ a fɔmɔ zi mi gbaa tia do sɔɛ gɛ ni, a wele nu a tɛ obulu benɔ 'da mɔ.

2 SAMUƐLƐ 22:7

Mi tia kɔ 'bako, nɛ mi sa mɔ hã NWA. Mi zɛa nu mi hã Gale 'da mi na, a gbaka mi. Hiamɛ 'da mi ma lia zala a, nɛ a zila gɛlɛ mi kɔ tɔa 'da a li nza i.

2 Sakonɔ 18:13

Nɛ Mike gese hã a na: “Do zu li NWA Gale wele kpasi, mi tɔ̃ hã mɔ na, mi gba sɛ tati a olo nu Gale kɛ a tɔ̃a hã mi ni iko.”

2 Sakonɔ 31:8

'Da fala kɛ nwa Ezekiasi do ogã winɔ wa nɛa we zɔ mɛnɔ kɛ winɔ wa tɛa do ma ni, nɛ wa hã iɔ̃nae hã nwa do owinɔ 'da a.

NEHEMIE 5:19

Ma kɛ mi sambala na: “Aa Gale 'daa, tɛ mɔ tɛ èlè ngɔ mɛnɔ vɛ̃ mi dɛa we winɔ gɛ gɔ, kɔ mɔ bé dia sila 'da mɔ hã mi.”

NEHEMIE 9:15

“Wɔ ba zi wa, nɛ mɔ hã zi mapa kɛ ma yula li nza i ni hã wa na, wa nyɔngɔ. Wɔ lì ba wa, nɛ mɔ fua zi lì kɔ ta dɛ nza na wa nɔ. Nɛ mɔ tumba wa we bi lenɔ, kɛ mɔ kana zi tɛ mɔ we ba ma hã wa ni.

Zumanɔ 104:24

Aa NWA, mɛnɔ mɔ dɛa ni, ma dɛlɛ wena! Nɛ mɔ dɛa ma vɛ̃ do gã hã zã! Ngɔ nùi gɛ dunu do omɛnɔ mɔ dɛa ni.

Zumanɔ 130:7

Aa nɛ, obe Israɛlɛ, nɛ gbíní zã nɛ do NWA, we kɛ a do kɔ̃a zã we nɛ, nɛ a do wala dɔ wena we kpasa nɛ.

Zumanɔ 36:8

Aa Gale, kɔ̃a zã 'da mɔ ma dia la li ngele. Owinɔ wa usu tɛ wa ti gɔ̃lɔ̃ 'baka mɔ.

Zumanɔ 84:11

Mi zɔa na, ɔ kɔ Tɛmpɛloe 'da mɔ tũ kpo, ma dia nɛa ngɔ ɔ gele fala tũ koto kpo. Ɔ dɛ 'do gbangga nu tɔa 'da mɔ Gale 'da mi, ma dia nɛa ngɔ ɔ kɔ tɔa 'da o'dã winɔ.

DANIƐLƐ 6:22

Nɛ Daniɛlɛ gese na: “Aa nwa, e kɔ mɔ 'bana tɛ to nwa 'da mɔ fai!

Mike 7:7

Nɛ nde kɛ 'da mi, mi siki li mi dɛ 'da NWA Gale wi kpasa mi, mi gbini zã mi do a. A a Gale 'da mi, a zele sɛ wala gɛlɛ mi.

MALAKI 3:10

Kɔ nɛ tɛ́ do kpo mbe 'bui kɔ mɛnɔ 'da nɛ vɛ̃, hã nɛ a ma kɔ Tɛmpɛloe 'da mi, dɔ nyɔngɔmɛ 'da onganganɔ zɔ́lɔ́ kɔ tɔa 'da mi gɔ. Nɛ yámbá sila mi, NWA ngɔ mɔ nyanga nza vɛ̃ ɔ nɛ kɛ mi tɔ̃a ni, hã nɛ zɔ, fala kɛ mi wèlè nu mi tɛ nɛ, nɛ mi hũi nu li nza, nɛ mi sulu ode mɔ hã nɛ gɔ sɛ.

MATIE 6:32

Wi a owinɔ kɛ wa kɔ̃̀ Gale gɔ ni, sɛ nɛ wa fa mɛnɔ ni fai de. Nɛ nde we duzu nɛ, Baa nɛ kɛ a li nza i ni, a ĩ na, nɛ zɔla mɛnɔ ni.

YOANƐ 20:17

Nɛ Yezu tɔ̃ hã a na: “Mɔ tɛ 'bè tɛ mi gɔ, we kɛ mi tɛ kṹ 'da Baa mi i gɔ. Kɔ mɔ nɛ́ we tɔ̃ hã owinɔ 'da mi na, mi kũ dɛ 'da Baa mi, kɛ a 'bɔ a Baa nɛ ni. Mi kũ dɛ 'da Gale 'da mi, kɛ a 'bɔ a Gale 'da nɛ ni.”

YOANƐ 20:27

Nɛ 'do nɛ, nɛ a tɔ̃ hã Toma na: “Mɔ ɛ́fɛ́ zu kɔ̃ mɔ, hã mɔ e tɛ tambala kɔ̃ mi, kɔ mɔ zɔ́. Nɛ mɔ é kɔ̃ mɔ li mbala dani ngu'du mi gɛ, kɔ mɔ lá fala ba kafi do'do, hã mɔ kɔ̃́ na, wi a mi!”

ROMA 1:8

Dati ngboo, mi hã iɔ̃nae hã Gale 'da mi do wala 'da Yezu Kristo, we duzu nɛ vɛ. Mba gɔ, sako kɔ̃a we 'da nɛ yɛ'ba falanɔ vɛ.

ROMA 11:33

Dia zã 'da Gale dɛ 'da winɔ ma gã wena! Nɛ hã zã 'da a, do ĩ ti mɛ 'da a ma nɛa 'bɔ ngɔ mɔ vɛ! Wi wia tɛ tɔ̃ gulu linggamɛnɔ kɛ a 'bili do wenɔ ni a wio nde? Nɛ wi wia tɛ ĩ ti mɛnɔ kɛ a dɛ ma ni a wio nde?

ROMA 2:4

Mɔ zɔ gã dia zã 'da Gale, do du sila 'da a, do gɛa sila 'da a dɛ 'da winɔ li mɔ yala iko nde? Mɔ ĩ̀ na, Gale bia dia zã 'da a hã mɔ, takɔ mɔ kifi sila mɔ gɔ nde?

ROMA 8:18

Mi zɔ na, dɔ̃lɔ̃ fi kɛ Gale nɛ hã sɛ ma hã lɛ do ngba soe 'do gɛ ni, ma nɛa ngɔ ngamɛnɔ kɛ lɛ tɛ zɔ ma ngangga gɛ ni wena.

ROMA 9:23

A dɛa na mɛ ni, takɔ a be gã dɔ̃lɔ̃ li 'da a hã owinɔ kɛ a ĩ 'bako hã wa, nɛ a saka zɛ́ wa belee na, wa kpa dɔ̃lɔ̃ li ni.

2 KORINTƐ 12:21

Nɛ mi 'bɔ do kili na, dɔ mi nɛ hɔ 'da nɛ i, nɛ mi kpá sape li Gale gɔ. Nɛ mi he sɛ kɔ̃a we duzu ombe gili winɔ sanga nɛ ni, kɛ wa dɛa zi 'dã mɛnɔ, nɛ wa là fala nɛ gɔ, nɛ wa 'bana tɛ dɛ mɔ sape, do yɛnggɛ vĩ zu yali, do dɛ 'dã mɛnɔ vɛ́ ni.

2 KORINTƐ 4:17

Obe zɛlɛ tɛnɔ kɛ lɛ kpa ma ngangga gɛ, nɛ ma la dɔ̃ iko ni, ma 'dafa lɛ we kpa gã dɔ̃lɔ̃ li kɛ ma 'bana sɛ fai, nɛ ma nɛa ngɔ zɛlɛ tɛnɔ ni fala dɛlɛ wena ni.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

EFƐZƐ 1:7

Nɛ́ kɛ lɛ mba kpo do Kristo ni, ma kɛ tɔkɔ tɛ́ a gɔnɔ zu lɛ kɔ 'dã mɔ, nɛ Gale fua ku'da 'dã mɛnɔ zu lɛ do'do ni. Na mɛ ni, Gale bia na, dia zã 'da a dɛ 'da lɛ

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:16

Nɛ mi aka Gale, kɛ a do dia mɔ li nza i wena ni na, a hã ngawi hã nɛ do wala 'da Hi Wi 'da a, takɔ sila nɛ nganda dɛ dati.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

FILIPƐ 4:7

Nɛ a dɛ sɛ na, nɛ ɔ do gɛ̃a sila kɛ ma nɛa ngɔ hã zã 'da wele vɛ̃ ni, nɛ ma 'dafa sɛ sila nɛ, do linggamɛnɔ 'da nɛ, we duzu kɛ nɛ mba kpo do Yezu Kristo.

KƆLƆSƐ 1:27

Gale kɔ̃a we be hã wa na, we a usu ma ni mɛ a dia mɔ kɛ ma gã wena, nɛ ma do dɔ̃lɔ̃ li wena, nɛ ma 'bɔ we ogele winɔ vɛ̃. Usu we ni mɛ a kɛ na Kristo ɔ kɔ nɛ, nɛ nɛ wia we gbini zã nɛ do a na, nɛ mba sɛ do a kpo kɔ dɔ̃lɔ̃ li 'da a.

KƆLƆSƐ 3:16

Nɛ úsú wenɔ 'da Kristo do dia mɔ nɛ vɛ dɛ kɔ sila nɛ. Nɛ bé ma sanga tɛ ngba nɛ, nɛ nɛ tɔ̃ mbula sanga nɛ do hã zã vɛ̃. Nɛ gá ozuma hã Gale do sila nɛ vɛ, nɛ nɛ hã iɔ̃nae hã a. Nɛ gá zuma kpi do kpi, kɛ Hi Wi Santo ia dɛ nu nɛ ni.

1 TƐSALONIKƐ 2:12

Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

1 TIMOTE 6:17

Mɔ tɔ̃̀ hã owinɔ kɛ wa do kpamɔ ngɔ nù gɛ wena ni na, wa tɛ ɔ̀ do gã zu gɔ, nɛ wa tɛ gbìnì zã wa do kpamɛnɔ 'da wa kɛ ma 'danga sɛ dɔ̃ iko ni gɔ. Nɛ nde wa gbini zã wa do Gale kɛ a hã mɛnɔ vɛ́ hã lɛ dɛlɛ wena na, lɛ dɛ yangga do ma ni.

FILEMƆ 1:4

'Da fala kɛ mi ma ngɔ sambala nɛ, nɛ mi lengge do mɔ, nɛ mi hã iɔ̃nae hã Gale we duzu mɔ fai.

1 PETRO 5:1

Ngangga ni, mi tɛ wele we hã owinɔ sanga nɛ, kɛ wa a Owi zɔ mɔ tɛ eklezianɔ ni. Mi tɛ mɛ 'bɔ a wi zɔ mɔ tɛ eklezia ɔ nɛ wa ni. Mi zɔa tɛlɛ tɛ kɛ Kristo kpa zi do ngamɛ ni, nɛ mi mba sɛ do a kpo kɔ dɔ̃lɔ̃ li 'da a, kɛ ma be sɛ tɛ̃ ɛ ni. Kɔ mi aka nɛ, owi zɔ mɔ tɛ eklezianɔ na,

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.