FILIPƐ 4:18 - WE NU GALE 1995

¹⁸ Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.

FILIPƐ 4:18 Cross References

Kulu Tɔa 29:18

Nɛ mɔ dɔ sɛ sa'de ni vɛ̃ we dɔnggɔ do mi Gale, nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 15:3

nɛ nɛ dɔ sɛ sa'de we dɔnggɔ do mi. Nɛ dɛ sɛ na mɛ gɛ: Nɛ gbɛ sɛ sa'de hã mi we be dɛa na, tabi we kɛ nɛ kɔa we dɛ olo mbulu, tabi nɛ gbɛ do kɔ sila nɛ iko, tabi 'bɔ we dɔnggɔ mi do 'da fala ɛngganɔ. Nɛ osa'denɔ kɛ nɛ saka sɛ wa we dɔnggɔ do mi ni a: ngɔmbɔ kpo, bata kpo, naa dua kpo, tabi wili nɛ kpo. Nɛ zɛ̃ we nɛ ma unu sɛ mi, nɛ ma de tɛ mi.

Owi Nɛ Tonɔ 10:4

Nɛ Kɔmɛyɛ soko a, nɛ kili ba a, nɛ a aka a na: “Nwa, dɛa nɛ nde?” Nɛ anzɛ gese hã a na: “Gale kɔ̃a gɛnɛ sambala 'da mɔ, do mɛnɔ kɛ mɔ gala do Owi sãnɔ ni, nɛ a lingga do mɔ.

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

2 KORINTƐ 11:8

Ogele eklezia wa gala zi mi do mbili we dɛ to hã nɛ. Ma ɔ nɛ kɛ mi nyɔngɔ mbili 'da wa we gala nɛ ni.

2 KORINTƐ 9:12

We duzu kɛ de dɛa toe kɛ nɛ dɛ ni, ma gálá sɛ owinɔ 'da Gale kɛ wa zɔla ni iko gɔ, nɛ nde ma dɛ sɛ 'bɔ na, Owele wena wa dɔnggɔ Gale we de dɛa mɛnɔ 'da a.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

FILIPƐ 4:12

Mi ĩ ti dungu sã, nɛ mi ĩ ti dungu kpamɔ. Nɛ mi yambala na, falanɔ vɛ̃, gɛnɛ kɔ zã mi hɛ̃, tabi mi do wɔ, tabi mi do kpamɔ wena, tabi mi kɔ sã, nɛ mi kunu sila mi kɔ mɛnɔ ni vɛ̃.

2 TƐSALONIKƐ 1:3

Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

OHEBRE 13:16

Nɛ ta zu nɛ tɛ èlè ngɔ dɛ de dɛa mɔ, do gala ngba nɛ gɔ. Ki ni a dɔnggamɛ kɛ ma hã yangga hã Gale ni.

1 PETRO 2:5

Kɔ ma wia na, nɛ winɔ kɛ nɛ kpa kpasi ni, nɛ ɔ tɛ mɛ 'bɔ nɛ tanɔ ni, takɔ Gale dɛ nɛ do tɔa ɔi 'da Hi Wi 'da a. Kɔ tɔa ni, nɛ sɛ a onganga santonɔ 'da a, takɔ nɛ hã dɔnggamɔ hã a do sila nɛ kpo. Dɔnggamɛ ni ma hã sɛ yangga hã a, we kɛ nɛ hã ma do wala 'da Yezu Kristo ni.