FILIPƐ 4:17 - WE NU GALE 1995

¹⁷ Kɔ nɛ tɛ lènggè na, mi fa na, Owele wa 'dɔlɔ mɔ hã mi iko gɔ, nɛ nde mi fa na, nɛ kpa de mɔ olo tonɔ 'da nɛ, nɛ ma gã.

FILIPƐ 4:17 Cross References

GBA WENƆ 19:17

Mɔ hã mɔ hã wi sã, nɛ ma ɔ nɛ kɛ mɔ ia ku'da zu NWA Gale ni. Nɛ a gese sɛ olo nɛ hã mɔ.

Mike 7:1

'Bako do mi! Mi ɔ nɛ wi kɛ a yɛnggɛ olo owi 'bi wala te vinɔnɔ ngɔ fɔ i, takɔ a kala mbe 'bulu nɛ olo wa, nɛ a kpà mɔ kpo we nyɔ nyɔnga gɔ ni.

MALAKI 1:10

Ma wia sɔ na, mbe kɔ nɛ kpo nɛ, nɛ a kpe nu ngbo Tɛmpɛloe, dɔ nɛ lé 'bɔ i mɔ we dã we ngɔ gbagala, we dɔ do sa'de hã mi gɔ. Nɛ ĩ na, mi do yangga we zɔ nɛ bina, nɛ dɔnggamɛnɔ kɛ nɛ hã ma hã mi gɛ, ma dé tɛ mi gɔ. Mi NWA ngɔ mɔ nyanga nza vɛ̃, mi tɔ̃a ní.

YOANƐ 15:16

Nɛ a nɛ sàkà zi mi gɔ, nɛ nde mi a mi saka nɛ. Nɛ mi hã to hã nɛ na, nɛ ɔ nɛ te kɛ ma wa wala ni, nɛ wala tenɔ ni 'bana fai. Na mɛ ni, fala kɛ nɛ gɔ mɔ kɔ̃ Baa mi do zu li mi, nɛ a hã sɛ ma hã nɛ.

YOANƐ 15:8

Nɛ zɔ́, mɛ kɛ ma hã dɔ̃lɔ̃ li hã Baa mi, mɛ a kɛ na, nɛ kó wala te wena, nɛ ma be sɛ na, nɛ a owinɔ 'da mi.

ROMA 15:28

Kɔ 'da fala mi hã mbili ni hã wa do'do, kɔ toe ni ma e, nɛ mi le sɛ wala we nɛ dɛ Ɛspanyɛ i, sɛ nɛ mi ɛlɛ sɛ 'da nɛ i de.

2 KORINTƐ 11:16

Mi gbangba 'bɔ 'da kɛ mi tɔ̃a ni, da dɛ kɔ wele lénggé na mi a wi bɔ gɔ. Kɔ fala kɛ nɛ lengge na, mi a wi bɔ nde, nɛ nɛ zɔ wá mi na mɛ ni, takɔ mi dɔnggɔ mbe tɛ mi bi sĩ.

2 KORINTƐ 9:5

Ma kɛ mi aka zi onya lɛ ni na, wa la 'da nɛ i dati, takɔ wa 'dafa mbili zi nɛ da ma ni. Kɔ fala kɛ mi nɛ hɔ ma, nɛ nde nɛ ngɛma li ma vɛ ia, nɛ ma be sɛ na, nɛ hã ma do dia zã ngboo, nɛ nde wele ngbɔ̀kɔ̀ nɛ we nɛ ngbɔka gɔ.

FILIPƐ 1:11

Yezu Kristo a dɛ sɛ na, nɛ dɛ bɔlɔ zu dɛa mɔ kɔ dungu nza 'da nɛ vɛ, nɛ ma hã dɔ̃lɔ̃ li do dɔngga wi hã Gale.

FILIPƐ 4:11

Mi tɔ̃̀ ni we kɛ sã ba mi ni gɔ. Mba gɔ, mi yambala we dɛ yangga do mɛnɔ mi kpa ni.

1 TƐSALONIKƐ 2:5

Nɛ ĩ na, lɛ bè zi wé do ɛfɛ̃ lɛnggɛ we tɛmbɛlɛ nɛ gɔ, nɛ lɛ fà zi 'bɔ we kpa mɔ kɔ̃ nɛ gɔ, nɛ Gale ĩ 'bɔ ma.

1 TIMOTE 3:3

A tɛ ha tɛ a we dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ. Nɛ nde a ɔ́ wi gɛ̃a sila, do wi dɛ na, nɛ wɔ mbili tɛ gà li sila a gɔ.

1 TIMOTE 6:10

Mba gɔ, wɔ tɛ mbili, mɛ a gulu 'dã mɛnɔ vɛ. Ombe wele wa yɔa wala 'da Kristo kɛ wa kɔ̃a zi a ni do'do, we kɛ wa ba zi tɛ wa vɛ we mbili iko, nɛ wa kpa ngamɔ kɔ sila wa wena.

TITO 1:7

Mba gɔ, wi zɔ mɔ tɛ eklezia a wi dɛa toe 'da Gale, nɛ ma wè na, a dɛ mɔ kɛ wa sa kɔ'da tɛ̃ a we nɛ ni gɔ. A tɛ ɔ̀ wi dɛ gã zu tabi wi nɔ̃lɔ̃ zã gɔ. Nɛ a tɛ ò wi bá dɔ̃ tabi wi kpa we gɔ. A tɛ fà we kpa mbili do 'dã hã gɔ.

TITO 3:14

Nɛ ma wia 'bɔ na, winɔ 'da lɛ wa yambala we dɛ dia dɛa to fai, takɔ wa gala do winɔ do ngba soe kɛ sã ba wa ni. Na mɛ ni, nɛ dungu nza 'da wa sɛ yala iko gɔ.

OHEBRE 6:10

Gale a wi bɔlɔ zu, nɛ ta zu a élé sɛ ngɔ de dɛa mɛnɔ 'da nɛ, do kɔ̃a zã nɛ kɔ̃a do a ni gɔ. We kɛ a zɔa tɛlɛ tɛ kɛ nɛ gala zi onya nɛ wi kɔ̃a wenɔ, nɛ nɛ 'bana tɛ gala wa tia do sɔɛ gɛ ni.

1 PETRO 5:2

nɛ zɔ́ mɔ tɛ winɔ 'da Gale kɛ a a wa dɛ kɔ̃ nɛ ni, ɔ nɛ kɛ Owi zɔ mɔ tɛ bata, wa zɔ do mɔ tɛ batanɔ 'da wa ni. Nɛ tɛ zɔ̀ mɔ tɛ wa, ɔ nɛ kɛ Owele wa ngbɔkɔ nɛ ngbɔka ni gɔ, nɛ nde nɛ zɔ́ mɔ tɛ wa do yangga, nɛ́ kɛ Gale kɔ̃a ni. Nɛ tɛ dɛ̀ toe ni we wɔ tɛ mbili gɔ, nɛ nde nɛ bá tɛ nɛ we nɛ do sila nɛ vɛ̃.

2 PETRO 2:15

Wa la li bɔlɔ wala do'do, nɛ wa ba wala do Balamɛ, be 'da Beɔrɛ, kɛ a dɛ zi yangga ɔlɔ winɔ we kpa mbili kɔ̃ wa ni.

2 PETRO 2:3

Owi 'bili bɛlɛnɔ ni, wa sɛ do wɔ mbili wena, nɛ wa ɔkɔlɔ sɛ nɛ do bɛlɛnɔ 'da wa we kpa mɔ kɔ̃ nɛ. Nɛ nde Gale 'bili zi we 'da wa belee ia, nɛ etumbu 'bɔ 'da wa 'bɔa iko.

YUDA 1:11

'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.