FILIPƐ 4:11 - WE NU GALE 1995

¹¹ Mi tɔ̃̀ ni we kɛ sã ba mi ni gɔ. Mba gɔ, mi yambala we dɛ yangga do mɛnɔ mi kpa ni.

FILIPƐ 4:11 Cross References

Ndo Nyanga Dɛ Mɔ 28:20

Nɛ Yakɔbɔ kpua mbulu hã NWA na: “Aa Gale, fala kɛ mɔ 'bana do mi, hã mɔ zɔ mɔ tɛ mi li wala mi nɛ nɛ gɛ, kɔ mɔ hã nyɔngɔmɔ na mi nyɔngɔ, do tulu na mi he'de,

Kulu Tɔa 2:21

Wa kpa Mɔizɛ tɛa do a, nɛ a kɔ̃a we ɔ dɛ 'da Yetro ni. Nɛ Yetro hã be zɔnga be 'dɛ ɛ, li a a Sefora hã a do wuko 'da a.

LUKA 3:14

Nɛ osodanɔ wa aka a na: “Nɛ lɛ tɛ mɛ 'bɔ, lɛ dɛ nɛ nde?” Nɛ a gese hã wa na: “Nɛ tɛ kàlà mbili kɔ̃ winɔ do nga nɛ gɔ, nɛ nɛ tɛ kṹ we dɛ zu wele gɔ. Nɛ nde nɛ dɛ́ yangga mbili zɛkɛ 'da nɛ iko.”

2 KORINTƐ 11:27

Mi dɛa onga dɛa to, nɛ tɛ mi zɛlɛ wena. Mbe 'da falanɔ wena, mi wè zi tɛ ɔ yala gɔ. Mi ɔa zi wɔ, do wɔ lì, nɛ fala dɛlɛ wena, mi kpà zi fala we nyɔngɔ mɔ gɔ. Mi zɔla zi tulu, nɛ mi ɔa gɛɛ.

2 KORINTƐ 6:10

Lɛ ɔ li wa nɛ Owi 'bako ni, nɛ nde lɛ fai do yangga. Wa zɔ lɛ nɛ́ Owi sã ni, nɛ nde Owele wena wa hɔa wi kpamɔ li Gale we duzu lɛ. Ma ɔ nɛ kɛ fo mɔ mɔ́ lɛ bina ni, nɛ nde lɛ zɔ̀lɔ̀ mɔ kpo gɔ.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

2 KORINTƐ 9:8

Gale do ngawi we hã odia mɔ hã nɛ kpi do kpi, takɔ 'da fala fai, nɛ ɔ do mɛnɔ vɛ kɛ ma wia do nɛ ni. Nɛ tala nɛ 'bana 'bɔ kɔ̃ nɛ, we dɛ do de dɛa mɔ kpi do kpi.

FILIPƐ 3:8

Gbãlã we, mi zɔa na, gele mɛnɔ vɛ̃ kɛ mi zi do ma ni, ma 'bɔ do gulu nɛ we mi bina. We kɛ mi ĩ ti Nwa 'da mi Yezu Kristo ia, nɛ ki ni dia nɛa ngɔ mɔ vɛ̃. We duzu Kristo, ma kɛ mi bɛ̃a gɛnɛ ogele mɛnɔ vɛ̃, nɛ mi zɔ ma li mi nɛ́ wɔkɔsɔ ngɔ zubu ni, takɔ mi nɛ we kpa Yezu Kristo,

OHEBRE 10:34

Nɛ nɛ kpa zi ngamɔ fala nɛ kpo do Owi bɔlɔkɔnɔ. Nɛ 'da fala wa kala mɛnɔ kɔ̃ nɛ ni, nɛ nɛ kɔ̃a gɛnɛ nɛ do yangga iko, we kɛ nɛ ĩ zi na, nɛ kpa sɛ mbé kpamɔ kɛ ma dia nɛa ngɔ ki ni, nɛ ma 'dángá sɛ gɔ fai ni.