FILIPƐ 4:10 - WE NU GALE 1995

¹⁰ Mi zɔa na, nɛ kpa wala, nɛ nɛ bia 'bɔ kɔ̃a zã 'da nɛ hã mi, nɛ mi dɛ yangga wena do zu li Nwa. Mi ĩ na, nɛ do kɔ̃a zã dɛ 'da mi boe fai, nɛ nde nɛ kpà zi wala we be ma gɔ.

FILIPƐ 4:10 Cross References

2 Sakonɔ 31:8

'Da fala kɛ nwa Ezekiasi do ogã winɔ wa nɛa we zɔ mɛnɔ kɛ winɔ wa tɛa do ma ni, nɛ wa hã iɔ̃nae hã nwa do owinɔ 'da a.

Zumanɔ 85:6

Zã mɔ nɛ nɔ̃lɔ̃ dɛ tɛ lɛ fai nde? Dã 'da mɔ sɔ́kpɔ́ sɛ gɔ fai nde?

OZE 14:7

Nu kpala wa ma gã sɛ dɛ dati ɔ nɛ te olivɛ kɛ mbé kunu nɛ hɔ tɛ nɛ fai, nɛ ma 'bɔ de wena ni. Wa ɔ sɛ nɛ tenɔ ngɔ nù Libanɛ, kɛ ma do, nɛ ma unu sirr ni.

2 KORINTƐ 11:9

Nɛ 'da fala kɛ mi zi 'da nɛ i, nɛ mi zɔla zi mbili ni, nɛ mi gɔ̀ zi mɔ kɔ̃ wele kpo sanga nɛ ni gɔ. We duzu kɛ onya lɛ kɛ wa yula zi tɛ Masedɔanɛ i, wa gala mi do mɛnɔ vɛ̃ kɛ mi zɔla ni. Mi kɔ̃̀ zi na, mi e dĩ tole zu nɛ gɔ, nɛ mi dɛ́ sɛ ma fala kpo gɔ.

2 KORINTƐ 6:7

Lɛ be gbãlã we 'da Gale hã winɔ, nɛ Gale hã ngawi 'da a hã lɛ. Lɛ ba bɔlɔ zu dɛa mɔ dɛ kɔ̃ lɛ ɔ nɛ mɔ bolo ni, we bi do Owi sɛnɛ lɛ, do we amba do ngɔ kili tɛ lɛ.

GALATI 6:10

Na mɛ ni, 'da fala kɛ lɛ kpa wala we dɛ de mɔ, nɛ lɛ dɛ́ ma hã owinɔ vɛ́. Nɛ nde lɛ dɛ́ wena hã onya lɛ wi kɔ̃a wenɔ.

GALATI 6:6

Ma wia na, wi kɛ wa be we nu Gale hã a ni, a kala mbe tɛ mɛnɔ 'da a vɛ, nɛ a gbaka do wi kɛ a be mɛ hã a ni.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 1:3

'Da falanɔ vɛ̃ kɛ mi lengge do nɛ ni, nɛ mi hã iɔ̃nae hã Gale.

FILIPƐ 2:30

Mba gɔ, a hɔa fɛna fio kɔ dɛa toe 'da Kristo. A kã zi tɛ̃ a hã fio we gala mi do mɛ kɛ nɛ wè zi tɛ dɛ nɛ gɔ ni.